February 12,2013 (Tuesday)
我覺係溫哥華, 真是比較多亞洲人, 真是無論去什麼商場或者店鋪, 都會見到亞洲人,(我講嘅亞洲人, 包括:日本文,韓國人, 台灣人,香港人, 菲律賓人or 五星人)...... 我仲發覺, 大部分商場內每一間鋪, 實有一名華人面孔做售貨員架!!
今次去溫哥華, 係農曆新年, 去主要經營西人市場嘅商場, 都見到商場都有農曆新年嘅佈置. 真係差唔多, 間間店鋪都有關於蛇年嘅裝飾物. .....講真, 係多倫多住咗咁年, 有啲西人連幾時農曆新年都唔係好知, 我都唔敢諗多倫多嘅西人商場有咩農曆新年佈置啦!!
這天, 我同Brian兩個人行西人商場, 其實都無咩特別野買, 行商場都係趕住去同Brian 買手提電話!!! 他真係好鐘意手提電話, 有少少新款就要出機!!
而行西人商場時, 遇到個blog 友和她新出生嘅女兒. 大家接觸一陣, 個blog 友真人都好親切, 雖然當時大家只是打個招呼. 傾兩句, 我都覺好開心!! 嘻嘻~~
↓西人商場的蛇年裝飾...............而去西人商場,都是同Brian趕去出新手提電話
由於, Brian's 父母係早上有節目, 我同Brian 係下晝先同Brian's 父母group埋一齊食午餐!!
Brian's daddy 帶咗我哋去食越南野!
其實,我哋都成2pm 先去食lunch. 初頭以為會無咩人去食!!
點知, 全間越南鋪都係人, 仲係全部都係西人. 估唔到越南食物, 都幾受歡迎喎!!
↓午餐---食越南野, 飲咗越南凍咖啡,雞肉湯河, 燒肉春卷檬粉 (全部都幾美味架!!)
---------------------------------------------------------------------------------------------------------------
食完lunch, 就過咗去溫哥華downtown幫襯一間 Macaron 甜品店.
這間Macaron 鋪頭, 一大個玻璃櫃, 都是佈滿七彩顏色嘅Macaron. 而且, 店鋪裝飾好時尚. 真係留下咗深刻印象. 依間Macaron 店, 有做埋Afternoon tea 架!! 還有其他西餅供應.
但由於, 趕時間, 而且, 要留肚, 所以只外賣了半打Macaron. 留待晚餐時, 做飯後甜品!!
↓去了一間名為Soirette 的甜品店, 內裡很多不同口味嘅Macaron
↓用玻璃櫃裝住好多好多Macaron
↓買了半打Macaron, 個外賣包裝盒都幾別緻
↓揀咗六個口味Macaron. 味道不錯!! 不會太甜, 但滿足到dessert time!! 嘻!
-------------------------------------------------------------------------------------------------------------
頭先講, 要留肚, 因為要去另一間甜品店. 因為, 我去溫哥華時, 溫哥華正直推廣緊「熱朱古力奶節」黎慶祝甜蜜情人節. 當中好多咖啡店和甜品店. 會特意在這個節日裡, 會炮製一杯特別口味嘅熱朱古力奶. 還限量發售. 目的係使各情人, 過一個甜蜜蜜情人節. 見咁得意, 就去試下.
由於, Thomas Haas 甜品店, 是其中一間參與「熱朱古力奶節」. 他平時啲西餅不錯, 所以, 就去Thomas haas試杯----熱朱古力奶
↓去咗Thomas Haas 買杯情人節熱朱古力奶飲, 依間Thomas Haas 人多到, 條人龍排到出街, 只是買杯Hot chocolate外賣, 都排咗半個鐘
.....Thomas Haas 牆上大大隻字, 有熱朱古力奶賣, 買完朱古力奶, 就同情人節裝飾物影相!! 
↓就係依杯hot chocolate 啲朱古力味好濃, 有啲甜甜哋. 一杯情人節朱古力奶, 附送一件cookies and 朱古力捧捧糖配朱古力奶飲, 依個情人節, 咁飲咁食法, 唔sweet 都唔得啦!!
↓平時係多倫多, 最掛住Thomas haas嘅Almond 牛角包,去到Thomas haas, 當然買返件, 啲Almond 包圍整個牛角包, 好香口
------------------------------------------------------------------------------------------------------------------------------
夜晚, 就係Brian 表演廚藝嘅時候, 他特登要spend 一餐, 煮兩味比家人試,
Brian 原先, 只想他父母坐係梳化等食, 但Brian's daddy 都係坐係廚房邊, 因Brian's daddy 害怕Brian 唔知啲廚具, 放係邊喎!!
其實, Brian 煮啲野食, 係佢慣常煮嘅野, 都應煮得ok!! 因現在係多倫多, 我已經沒有入廚房了. 所有廚房的東西,都係Brian 烹調架啦!! 所以, 他煮得好有信心.
但Brian 都係第一次回自己家個廚房煮野食咋!! 講真, 由細到大, 都有人服待嘅Brian. 我諗他父母, 諗都無諗過Brian 會入廚房, 渣住鑊鏟, 依一個畫面啦!!
最後, 依一餐飯, 都好順利, 一切正常, Brian's 父母好享受....Happy ~~
↓Brian 煮野食, 好專心, 當日, 整咗蝶蒜容小白菜
↓左公雞 (茄辣汁炒雞丁), 還有蔥爆雞柳.
↓我有整咗蠟味煲仔飯, 但我失敗咗, 因我第一次用媒氣爐, 所以, 唔太識掌握, 啲飯質無我平時個啲咁樣, 但好好彩Brian's 父母都照食, 真多謝捧場, 哈哈~......而餐酒有..Brian's daddy 珍藏嘅香濱
值得一提, Brian屋企食完飯, 啲人唔會即刻離開張餐檯, 還會圍埋一齊傾計, 感覺好溫馨.
充滿溫馨的family呀, 而且brian的父母亦愛屋及烏的愛鍚你, 在他們眼中你已是新抱仔了
ReplyDelete[版主回覆03/14/2013 06:53:40]floflo:
~我真諗都無諗過, 會同Brian's 父母有依個關係架!! 希望一直會好好咁keep 落去!!
haha...Brian 大顯廚藝噃....好嘢
ReplyDelete[版主回覆03/14/2013 06:53:42]Mrs. Cook 小花媽:
~我都估唔到Brian 會對廚藝咁有興趣, 真係一煮就上癮了. 他現在每日都會入廚房罪惡開心!!
~今次去溫哥華主要去過農曆新年, 而且, Brian屋企有咩節日, 都好識營做啲氣氛, 所以, 今次去溫哥華過新年, 真係好有氣氛.
唔各自離檯或顧住睇電視, 飯後大家繼續在餐檯傾計! 係好好既相處之道, 亦係值得珍惜既開心好時刻!
ReplyDelete[版主回覆03/14/2013 06:53:45]zaza:
~我覺食完飯,大家坐埋一齊傾下計, 個感覺好warm!! 將來我有孩子, 都會傳染依一個舉動下一代!!
其實妳地個邊真係有分華人商場同西人商場架?
ReplyDelete[版主回覆03/14/2013 06:54:00]Oli:
~有啲地方多某些種族聚居, 所以, 有啲商場為會營合某些種族, 因此, 有啲商場會好chinese. 而且, 有啲商場係香港人投資興建, 所以, 有啲商場會比較多chinese 營式嘅店鋪!!
~所以, 就形成有華人商場同西人商場!!
喺VANCOUVER啲新年氣氛有無香港啲？TORONTO都係好大陸。
ReplyDelete你碟臘味都好靚呀。 哈哈哈哈， 食完飯無即刻彈開， 我即刻諗起 DONDON 屋企人， 每個人都食完即 MUNG。
[版主回覆03/14/2013 06:54:16]Angela:
~溫哥華啲新年氣氛仍keep 到香港啲氣氛. 因為溫哥華, 有好多商場仍是香港人投資!!! 但多倫多好多地方已經比大陸人投資晒啦!! 我記得十幾年, 多倫多啲新年氣氛都香港化架!!. 而家, 就下下講國語. 好唔慣!!
~我都係同Brian一齊之後, 先至感覺到食完飯, 坐係飯檯嘅喜樂. 希望遲啲會將依個歡樂, 帶比我下一代!!
我屋企無論係得我同老公，定加埋個女，定加埋老爺奶奶，都唔係食完即刻彈開架......其實我諗一般有家教嘅屋企都唔會掛！
ReplyDelete[版主回覆03/16/2013 23:28:06]Ceci
-唔同家庭就有唔同行為. 以前, 我返下晝班, 放學都6pm 返到屋企都7pm, 其他妹返上晝班9pm 就上床瞓, 所以5pm 就食飯. 有時父母工作,佢哋連飯都要在街外攪掂. 所以大家各有各食. 邊有可能一齊坐係餐枱吖! 但以前逢星期日下晝, 就一定全家一齊出去飲茶.
-而
[Ceci回覆03/14/2013 08:23:59]吓，我又唔太同意喎，其實我自己屋企，同我老公屋企，都係等齊人先一齊食，自己先食完亦唔會先行開架。我成長時，爸爸係建築工人，地盤周圍都有，放工返屋企食晚飯時間成日都唔同，有時7點，有時8點，甚至9點，我哋都一定全家等爸爸返到屋企先開飯，食完亦都唔會走開架。到大個咗，阿媽話幾點開飯，返到屋企就一齊食，趕唔切唔會留飯架，所以無乜話自己一個食架。 依家同我老公，我哋有時唔同嘢自己煮自己嗰啲，我哋都等到大家都肚餓夾啱時間同一時間食架。 可能我哋都重視呢樣嘢，無話夾唔到時間嘅，要夾點都夾到，肚餓咪自己食少少嘢先囉，我老公成都係咁架，問我想幾點食，如果我話夜啲佢又肚餓，佢就會食件三文治或者chips之類，之後再一齊食飯。
[版主回覆03/14/2013 06:54:30]Ceci:
~有時, 身處某啲地方, 連食飯都唔係同一時間, 所以, 好難話食完仲留係張餐檯嗎!! 當然自己食完, 就自己洗返自己隻碗啦!! 此終, 時間都唔夾, 食完仲唔行開咩!!
~不過, 好多野都係由細培養, 我都希望將來我啲孩子, 會感染到食完飯, 坐係飯檯嘅喜樂.
wa~好靚既macaron~好吸引~!
ReplyDelete[版主回覆03/14/2013 06:55:36]素會員:
~我都覺Macaron 係一隻好靚嘅甜品, 未食落肚, 係視覺上, 見到都好開心!!
~相中嘅Macaron 都幾美味架!!
"Brian屋企食完飯, 啲人唔會即刻離開張餐檯, 還會圍埋一齊傾計" is really a good habit and well educated family! Cooking at home and eat together is very warm.
ReplyDelete[版主回覆03/14/2013 06:55:34]Happy Girl:
~我都係Brian 屋企先會食完飯, 圍埋一齊傾計. 其實, 依個舉動好warm架!! 我也希望帶依個舉動, 比我下一代!!
~我反而鐘意係自己個廚房煮飯, 我係人家嘅地方煮飯, 有點不慣架!! 不過, 係屋企食飯, 食幾耐都得. 食得自在d!!
我地早兩日都返左屋企同老爺奶奶食飯呢。
ReplyDelete你的煲仔飯點解唔直接用煲仔上既？
我呢邊撞口撞面都有亞洲人，我發現某些白人對我們不太友善， 你個邊有無呢個情況？
[版主回覆03/14/2013 06:55:36]Ka:
~我都有睇你個blog, 我先知英國係三月有母親節. 所以, 你同阿豆返咗去老爺奶奶度食飯.
~可能Brian屋企唔慣放個煲仔係食飯檯. 所以, 就無直接放個煲上檯囉!!
~其實,處處烏鴉一樣黑啦!! 我知有啲白人, 見到太多亞洲人, 啲白人面容都留露出唔友善!! 但無法!!
齊齊食餐住家飯, 好溫馨呢
ReplyDelete[版主回覆03/14/2013 07:17:27]Jo姐姐:
~我覺係屋企食飯, 成個人都感覺自在好多!! 食幾耐都得!!
Almond 牛角包....我好愛食 almond ....好香好味
ReplyDelete[版主回覆03/14/2013 07:17:28]冬日Winter:
~依個牛角包, 都係我最喜歡, 好香好好味!! 我每次去溫哥華, 都好想食依個牛角包!!
你地就好，我D家人一食完就各散東西，哈哈
ReplyDeleteD 甜品好美味呀，想吾sweet都幾難啦！
[版主回覆03/14/2013 07:17:29]Mrs. Wu:
~我屋企啲人, 都係食完就散, 一來, 我屋企總動員食飯, 張餐檯都已經唔夠坐. 食完仲唔行開咩!! 二來, 我屋企以前, 食飯都唔同時間食, 邊有機會可以留係飯檯坐呢!! 所以, 我都係同Brian一齊先有依個機會大家坐係飯檯嘅歡樂.
又有Thomas Haas, 真係不得了！
ReplyDeleteBtw, Ma Maison @Etobicoke has v. deli croissant as well in case if u crave for it while u're not in vancity
[版主回覆03/23/2013 03:28:47]Dolphine
-嘩,要去到Etobicoke 都幾遠. 真係要去開先去. 但好多謝你話我知, 我上綱見到Ma Madison 都覺幾正宗