February 8,2013 (Friday)
出發去溫哥華啦!!
這次出門, 好出奇地, 我只用三兩下手勢就執完個行李. 比着我平時, 我又冷認真. 邊有執咁快吖!! 不過, 今次執行李, 真係相當有效率, 快手到自己都好surprise!!
除咗執行李有surprise 外, 今次出發去溫哥華個日, 多倫多依邊, 啲天氣都比咗一個big surprise 我呀!!! 十年都難一遇嘅雪暴, 就係我出發去溫哥華個日發生.
這天, 一朝起身, 本地新聞已經宣佈,「 由於大風兼雪暴關系, 所有學生, (包括:大學生). 停課一天!! 」 (聽到心都離, 住了多倫多20年, 多倫多在冬天落雪,真是一件閒事, 好少落雪落到會停課架!! 但在職人士, 仍需上班)
其實,早在雪暴來臨嘅前一兩天, 本地天文台已經預測到, 但我們的假期, 無得臨時更改, 而且, 今次去溫哥華嘅主要目的是去「過年」. 遲了一天去, 這個旅程嘅意義都無埋!! 而且, 依啲時候, 作出任何機票變動,一定好混亂. 所以, 我就抱住一顆淡定心, 去機場!!!
↓其實圖一是我平時慣常行的石級, 但落雪落到, 唔見咗啲石級, 連大貨車都行唔到!!
↓場雪暴, 落到分唔到行人路和馬路啦!!
↓場雪暴還越落越大, 能見度好低
↓時間越夜, 啲雪落到睇唔到面前嘅事物!!
出發去溫哥華前, 我和Brian 仍走去上班. 不過, 身邊好多人都叫我哋早啲放工, 早點去機場.
因去機場條公路, 堆積了厚厚的積雪. 政府派了額外剷雪車, 清理公路上嘅雪, 但都快不過天, 降落地面的雪!!
好彩, 我哋有個相熟的士哥哥, 車我哋去機場. 在車程中, 車呔和地上的積雪, 所產生嘅磨擦聲, 感覺有如坐緊坦克車, "裙窿裙窿", 好驚驚呀!!
↓出發去機場, 但咁大風雪, 笑得點會自然!! 坐了好耐的士, 先去到機場!!
↓去到機場, 好多人擠留, 等行李, 好混亂呀!!
其實,臨去機場, 我哋以上網營式, 聯絡航空公司, 都顯示我坐班夜機, 仍會起程. 沒有任何變動. 講真個句, 依啲雪暴, 真係比我做地勤, 都唔知點答好. 因為天氣真難料! 不過, 我當時同自己講, 保持淡定心去面對!!
去到機場, 啲地勤又可以check 行李, 還把行李寄倉, 我以為一切都好順利.
過咗海關, 我仲走去買野食, 仲走食雪糕添!!
↓過完海關, 寄咗行李, 以為會順利上機, 所以, 就去買野食,見自己班機delay 仲去食雪糕!!! (當時, 真係唔識驚!!)
但去到Boarding gate, 氣氛好靜呀!! 一個工作人員都無呀!! 窗戶出面, 一隻飛機都無!! 所有電子顯示版, 成個鐘頭, 都好似沒有跳動過!!
我和Brian 已經一邊坐Boarding gate, 一邊上網check 住自己坐班機!!!
最後, 我上網check 到, 我坐班機, cancel 咗呀!!
好彩, 我和Brian 都keep 住上網check咋!! 因當時, 機場真係沒有一個顯示版,作任何通知, 我仲同boarding gate 等待嘅人講, Flight xxx cancelled啦!!!
這時, 心都離, 機場真係咩工作人員都無. 連information desk 都無人. 但Brian 話, 點都唔好離開borading gate 範圍, 出咗去, 就無乜機會撲機位啦!! 後尾, 我同Brian 係boarding gate 範圍行行下, 見到一個着航空公司制服嘅人. 我哋知唔關佢事, 但點都去問一問啦!!
個制服人話: 「Gate xx 有班由多倫多飛去澳洲悉尼嘅航班. 中途會停留溫哥華. 叫我哋試下去問, 有無stand by 位! 但這航班, 將會起飛, 你哋試下跑去問!!」
↓Boarding gate, 窗戶出面真係無幾何,一架飛機都無, 連boarding gate 都坐唔滿, 人影唔夠10個人!! 平靜到驚!!
嘩!! 去到班去澳洲悉尼嘅boarding gate!!! 見到好多人等.
但啲地勤串到爆!!! 咩都無check過, 見人就話「無位!!」這兩個字....之後, 就叫人返屋企check 機位!!
不過, 依班機, 我見到大把機師等上機, 我知依班機, 一定飛得成!! 我點都企埋一邊等!!!
可能, 清理積雪問題, 這班澳洲機, delayed 再delayed,連地勤都換埋, 這時, 我便和新到達嘅地勤人員, 再講一次我嘅遭遇比地勤聽. 仲講到chinese new year 係大節, 要去溫哥華渡歲. 遲了一天到達溫哥華, 新年已經過去, 這個假期和旅程已經沒有意義. 最後, 這位新到達的地勤人員, 終肯開電腦check機位了!
但我和Brian仍是要坐埋一邊等stand by 位, make sure 有部分乘客缺席, 才肯比boarding pass 我!!
等, 一個唔知有無結果嘅答案, 真是不好受.....但點都提自己要"淡定".
等咗一個鐘, 終於聽到地勤人員叫, Vicky and Brian 個名啦!!!!
好感動, boarding pass 到手啦!! 飛得成去溫哥華啦!!
↓跑到去澳洲悉尼嘅航班嘅boarding gate, (因由多倫多飛去澳洲悉尼, 中途會停一停溫哥華架!!)其實依班機,超級多人, boarding gate都無乜位坐. ....但見到大把機師等上機, 感覺依班機會飛得成, 唔理點都照等stand by 位!!
↓等唔知有無結果嘅答案, 真係唔知點好.......但等咗成個鐘, 終於有stand by 位啦!! 攞住張boarding pass時, 好似中彩票咁happy!! 我去得成Vancouver 啦!!
機票到咗, 心都舒服晒!!
我和Brian知道, 跟依一班澳洲機, 飛去溫哥華, 人到咗溫哥華, 行李就一定唔會到. 因為我哋啲行李寄存在原本的內陸機裡!! 但在這個雪暴下, 手上能有機票去溫哥華渡歲. 都完成這次假期的目的啦!!
雖然, 最後溫哥華機票到手, 但雪暴太利害, 我和Brian 再等多3小時, 先上到飛機內, 當中個片擁擠和混亂. 真係攰到不得了!!
上到飛機, 坐到位, 感覺好實在, 雖然, 坐係飛機裡面, 成2小時先起到飛. 但上到機, 好感恩啦!! 等....已經唔在乎啦!!
↓上到飛機上, 但機場方面,要清理積雪, 所以坐係飛機內兩小時, 先起飛到!! 望出飛機窗外邊, 見到好多雪, 我初頭以為堆雪係條路黎架!! 但原來望真啲, 堆雪係飛機對機翼黎架!!
↓啲雪落得太多又太快, 清理積雪都用咗好多時間, 我仲瞓咗倫添!! 直至聽到, 飛機和地面嘅雪的磨擦聲, 這些磨擦聲, 就有如打破玻璃的聲, 一邊聽着這些聲, 去到跑道. 見到有盞紅燈變綠燈, 架飛機就高速滑行跑道上, 起飛啦!!
↓bye bye 寒冷嘅Toronto 啦!!! 向溫哥華出發啦!!
去到溫哥華, 已經是年廿九的6am 啦!!! 今次, Brian's parents 真係捱眼瞓黎接我哋機. 但我哋一見到大家眼腫腫的眼睛, 已經好感動!!
由於, 人到了溫哥華, 我哋啲行李還擠留於多倫多雪暴中, 但我好好彩, 今次我個Hand carry 有放套睡衣, 一件出街衫 and 化妝品. 所以, 行李無到, 我都生存到.
Brian 父母已經知道, 這躺我和Brian回溫哥華, 係無行李跟身. 但Brian 返溫哥華等同回家. 所以, 他沒有行李跟身都ok. 反過來Brian's 父母怕我一個女仔, 無行李跟身會好麻煩. 一早買了很多日用品給我使用. 把一切所需嘅物品, 放在我睡較的房間. 好感動!!
↓Brian's parents 為我準備嘅日常用品
這次由多倫多出發去溫哥華的歷程上, 有點像災後餘生嘅感覺!!!
由聽到雪暴, 在雪暴中坐的士去機場.....見到機場嘅混亂, 在機場閘口嘅奔跑, 那種傍惶, 真係唔知點形容. 當中也要靜心的等待, 一切預計不到嘅事情, 一個晚上發生這麼多事. 真是很疲倦. 當中, 只提自己要淡定. 一切就會順利........這次, 去到溫哥華目的地!!! 真是比其他時間去溫哥華, 更加難得.
當中佩服Brian 嘅口才, 同一個地勤人員講完, 再同第二個地勤人員講, 言語當中, 淡定得來,又有禮貌, 完全沒有給機場嘅混亂影響. 都是Brian 周處同地勤人員傾談, 我兩才做到最早一批stand by 嘅乘客.
不過, 我覺在暴風雪下坐飛機, 真係坐大機好(即係國際行線機)!! 因為我發覺大機, 點都會飛走!!!
都唔知係咪咁岩, 我每次坐這間航空公司, 都不能坐原定的航班. 要我轉第二班航班先能到達目的地!!!
真係好大雪喎，我係fb都見妳滯留機場，你地一共等左幾多個鐘先上都機呀?
ReplyDelete不過都好，起碼安全抵達溫哥華
其實除了搭飛機外，仲有冇其他交通工具去溫哥華呀?
[版主回覆03/06/2013 06:52:43]Oli:
~我係機場一共等咗9個鐘先上到機囉!! 個日機場又混亂, 真係攰到不得了!! 好彩, 最尾都安全上到機. 到達目的地
~其實, 坐飛機係最便利嘅方法啦!! 我由多倫多坐飛機去溫哥華. 如果無delay都要坐5小時先到.
~都有火車和長途巴士, 由多倫多去溫哥華嘅!! 但一程都要坐幾日(3日), 齋講時間, 我邊有咁多時間吖!! 都係坐飛機去溫哥華會好啲!!
my husband worked in airport before. I have been told that the expenses related to cleaning the snow for airplanes' take-off are tremendous!
ReplyDelete[版主回覆03/06/2013 06:52:55]Mrs. Tin Tin:
~我都有聽過, cleaning snow expenses 真係好大開支. 所以, 落一場雪, 政府就係新聞話, 唔見咗幾多錢!!
~不過, 我覺加拿大係cleaning snow 依方面, 都做得好好!! 多倫多時常落雪, 其實, 都唔會話成個機場都封. 仲好多野都operate到!! 已經very good!!
~依日, 依一場雪, 真係超級多, 而且,落得好快, 我能夠上到機, 到達目的地, 真係好好彩啦!!
你真算幸運,能夠有機位上機!
ReplyDelete世伯伯母真係細心體貼!
[版主回覆03/06/2013 06:53:15]mabel:
~我自己都同自己講, 上到機, 安全到達, 真係好好彩!! 因為當天, 真係超級大雪, 啲雪落到咩都睇唔清架!!
~Brian's parents 好細心架!! 驚我一個女仔無行李跟身會唔方便. 在我未到溫哥華途中已經幫我準備一切清潔用品, 我見到好感動.
總算順利去到，一路睇，我幾驚你地架機飛唔到喔，好在最後都ok 呀 ^^
ReplyDeletebrian 父母真係好鍚你呀，新抱仔，快d 結婚啦
[版主回覆03/06/2013 06:54:42]samsamdandan:
~其實, 個日真係幾驚, 係機場啲窗,望出去, 見到啲雪落到, 前面啲事野,真係咩都見唔到, 都幾驚架!! 所以, 我覺個日個機師好勁. 起飛到.......我都係聽到飛機 起飛先放心到!
~我都覺Brian's 父母好好......我自己遇到佢哋,我都覺好開心, 我也希望大家關係一直好下去!!
最緊要安全，好彩最後順利到達
ReplyDeletebrian 父母好貼心呀
[版主回覆03/06/2013 06:54:32]Ophelia:
~真係呀!! 最緊要係安全, 個日嘅天氣,真係好得人驚, 我係機場個窗, 都見唔到前面啲事物. 所以, 當日上到機, 順利到達, 真係好感動!!
~我都覺Brian's 父母對我好貼心, 他們當日, 還時時問我仲有咩用品係需要!!
好佩服你倆嘅冷靜！果然係淡定有$剩！
ReplyDelete[版主回覆03/06/2013 07:07:48]Dolphine:
~我覺越衝動, 越鬧人, 機場啲crews 越當你透明呀!! 反而, 有禮貌啲講情況比啲機場crews 聽, 反而會好啲啲!!
~其實,個日係機場混亂到難以形容!!! 個心又謊, 由其是見到機場啲窗外景色, 真係落雪落到咩都見唔到, ......不過, 當時, 已經無諗delay 幾多個鐘啦!! 上到機, 起到飛, 安全到達, 已經好感動.
折騰的一日!
ReplyDelete臨危不亂、冷靜的性格, 令身邊人有安全感!
[版主回覆03/06/2013 07:25:07]zaza:
~個時真係唔理delay 咗幾耐,咩攰都唔諗, 個心一直希望上到飛機咋!!
~其實, 個日個心都幾亂, 而且, 機場真係人多到難以形容, 我一啲都唔冷靜, 係驚到表演唔出任何情緒!! 直到最後飛機可以起飛到...個心先定啲!!
臨危不亂有大將之風呀
ReplyDelete好彩你有隨身物品，唔係就麻煩。
[版主回覆03/06/2013 07:25:08]Ka:
~其實, 好多野都發生得好突然, 真係黎唔切驚架!!
~我係今次先帶啲隨身物係身, 平時, 我好少咁做!! 所以, 好好彩!!
我喺 Toronto 的時候....試過有一次因 snowstorm 而停課....廿年以上喇
ReplyDelete順利去到Vancouver 就安樂晒lu...祝你有個愉快假期
[版主回覆03/06/2013 07:25:17]Mrs. Cook 小花媽:
~係多倫多, 冬天落雪太多啦!! 如果一落雪,就停課, 真係成個冬天都可以坐係屋企. 所以, 今次學校要停課, 場雪真係大到, 難以形容. 但我記得, 我20年前, 仲係學生妹時, 我都試過, 因落雪停了一次學. 不過, 我覺多倫多係cleaning snow依方面都做得唔錯!! 真係場雪落幾大, 啲主要馬路和機場都照樣operate 到!!
~我記得,當時係機場都好亂架!! 但最後上機, 架飛機起飛到, 安全到達, 真係好感動.
折騰咗咁耐, 真係辛苦呀, 還好最終都可以返到去過新年
ReplyDeleteBRIAN媽媽好貼心, 好錫妳呢
[版主回覆03/06/2013 08:33:29]Jo 姐姐:
~我當時真係唔理騰咗幾耐, 當時個心只想上到機......因為遲咗一,兩日先去到溫哥華, 真係無咩意思!! 所以, 最後順利上到機, 好感動!!
~Brian's 父母, 對我幾好, 希望一直都keep 住依個關係!
幾經波折終於到溫哥華, 今次都算難忘既經歷!!
ReplyDelete不過你班機已經CANCEL, 都冇通知就有點奇怪, 最終有冇查究係機場/航空公司問題???
[版主回覆03/06/2013 08:33:27]Bの家:
~你做香港人, 真係太幸福啦!! 機場有好多工作人員. 係外國 (由其是北美or 歐洲地方), 好多時, 坐飛機, 一切都係自己顧自己, 自己對住機場附設嘅機器, 自己print boarding pass, 自己print luggage tag, 自己掛上luggage tag 係行李上, 係把行李放上輸送帶時, 先見到機場啲crew, 因為睇下行李有無過重, 過重要比錢!!
~我試過坐坐下係boarding gate等上機, 無端端我要坐班機, 轉咗係第二個gate. 都無人通知架!! 外國人都慣架啦!! 因外國地方, 比較自律. 慣咗自己理自己. 機場唔會有特別announcement 架!! 我都唔知係機場/航空公司嘅問題!! 因為外國坐飛機就係咁. 不過, 機場周圍都可以上網, 所以, 坐飛機時, 真係要上網keep 住check 密啲.自己留意要多啲.
呢D咁既楊合, 一定要等. 點都唔好走.
ReplyDelete早幾年歐洲火山爆發, 各國航線取消了幾天, 雖然可以改期, 但改得很後, 孩子要上學, 到有得飛時, 一早到機場等stand by位, 最後等到那天最後一班機, 最後一個位.
[版主回覆03/06/2013 08:34:06]靚芒:
~你個次都幾驚險, 你仲要係最後一個先call上機, 當時你一定好擔心!!
~其實, 我係boarding gate 成9個鐘, 都見唔夠10個ground crews. 但好多時, 啲
ground crews 聽到啲人, 上唔到機, 都叫人離境, 返屋企上網自己再book. 最多比個網址比人!!
~我哋係今次都比人趕架!! 但點都企硬, 仲要keep住有禮貌咁, 同ground crews 講情況, 因為我知越鬧人, 啲ground crews 越當你透明!!! 不過, 最後上到機, 安全到步, 真係好開心!!!
So, do you guys need to pay extrafor taking another flight? And, how about your luggage on the orginial flight? When did you receive it?
ReplyDelete[版主回覆03/06/2013 08:38:34]Ta Ta Source:
~我唔洗比extra cost for the other flight!! 但我原本個行李就攞唔返!! 因為如果要攞返個行李, 去第二班機, (而且, 我只係等stand by, 都唔知上唔上到機), 個程序都幾覆雜!! 所以, 當時我同自己講, 一係等stand by, 一係離境攞行李, 之後自己上網再book 機!! 當然我哋選擇先者, 因為我哋想去溫哥華過年. 因我哋知道之後再book 機位, 仲更困難. 點都博下, 等stand by 位去溫哥華!!
~其實, 航空公司對行李追縱有一套好有效嘅方法, 只要自己清楚自己,orginial flight # and Luggage tag 嘅number, 航空公司會幫你追, 而且, 航空公司會將行李, 係2-3 日嘅business day運送行李係你要求個地址上. 我哋之前都試過人到, 行李無到的遭遇. 打去航空公司講抵一切情況和information. 航空公司會立刻比個code 你, 你就可以上航空公司個web-site, check 住自己個行李個行縱!!!
~我係2日之後, 航空公司已經打電話比我, 問清楚我個地址, 運送個行李比我哋!!而且依個運送,係唔需要任何費用架!! (所以, 無論坐飛機去邊, 都要記清楚flight #, keep borading pass and 要luggage tag receipt) 咁有咩事, 就咩都容易問到航空公司架啦!!
好大風雪呀,仲要好多人,好在安全到達~!
ReplyDelete[版主回覆03/06/2013 12:53:17]素會員,
-依場雪, 真係好大, 又落得密, 出街都唔方便, 飛機肯升, 而且我又上到機, 已經好好彩.
very very exciting incident. Glad that you could get on the plane !
ReplyDeleteGlad that you can celebrate the Chinese new year in Vancouver on time.
But it seemed to me very dangerous to take a plane in the stormy weather!
Blessed that you arrived Vancouver safely! Did you get back your luggage in Vancouver ?
[版主回覆03/07/2013 03:47:09]Happy Girl:
~依一日, 真是相當難忘, 由聽到天文台話有雪暴起, 個心就好驚, 唔知可唔可以上機. 其實, 這場雪真係相當可怕, 真係落到前面嘅景象都睇唔到!!所以, 當中嘅恐俱真係唔知點講出黎, 去到機場又人多& 混亂, 又找不到工作人員嘅幫忙, 當時真係傍枉, 但又要冷靜. 講真吖, 越嘈越大吵大鬧, 就越無人幫!! 所以, 今次到達咗溫哥華, 感覺好難得!!
~我到達溫哥華兩日之後, 航空公司派了專人送我個行李去到Brian家中!!!我個行李都總算安全到達溫哥華!
咁大雪都會起飛？ 好似好危險呢！
ReplyDelete不過所有野順利就OK
[版主回覆03/07/2013 03:47:48]Mrs. Wu:
~其實,我多倫多依邊, 落雪比率會比其他國家多, 多倫多機場都有一系例剷雪工具和助飛機溶雪嘅設備, 所以,好多時, 落大雪, 都會照起機. 而且, 我上網check, 我原本班機仍然會起飛, 所以, 我先去機場. 而且, 我又見到有航班起飛. 因此, 都照去.
~雖然, 我原本班機取消咗, (我懷疑我原本班機係內陸機, 又少人坐, 所以取消). 但最後,我和Brian 揾到第二班機, 雖然當中好混亂, 但最後都順利和安全到達, 感覺好難得.
完全feel得到妳嘅感受.
ReplyDeleteMany years ago I went to Tokyo, and missed out my scheduled flight cause' I had a small accident. And was awaiting for a standby allcoation on the next flight which is about 4 hours after my flight, and I was told it was full... Other people who has a priority for standby kept being called, and my name only being called after the announcement of the boarding time is about to end!!! And lots and lots of ppl are still awaiting for standby...
Thanks for sharing ^^
[版主回覆03/07/2013 04:10:57]小倩(Jade)
~你當時都幾驚險, 飛機叫人上機時, 你自己都唔知自己去向, 我相信你當時真係好擔心!!
~我個日都見到好多人嘈架!! 但我覺係外國, 真係嘈都無用, 當日, 我有stand by 位, 開心過中彩票!! 哈哈~~
Vicky 這個絕對一生難忘的航程..... !!
ReplyDelete一邊看, 一邊為妳擔心
[版主回覆03/07/2013 04:10:55]冬日Winter:
~我當日,係機場真係好傍惶呢! 所以,今次能夠到達溫哥華, 比其他時候去溫哥華, 感覺更難得!!
真係好彩呀，一路睇戥你一路驚。係呀，嗰啲大吵大鬧的人會比機組人員為難架，好彩 BRIAN夠醒。
ReplyDeleteBRIAN父母太好了， 內衣褲都準備好。 超級細心！
[版主回覆03/07/2013 04:10:54]Angela:
~我依篇blog好似整驚好多blog 友添!!!哈哈~~
~我覺都係亞洲地區, 做客人先永遠是對的. 而且, 係亞洲區, 會比較多職員去幫手!! 但去到歐洲or 北美地方, 做乘客, 好多時都要好自律, 咩都自己黎, 而且, 越鬧越無人理. 講真當日, 有啲機場職員, 真係好串爆!! 好得人驚!! 不過, 個日真係好彩, 上到機!!
~個日, 我哋攞到boarding pass時, 就即刻打電話通知Brian's 父母, Brian's 父母知道, 我人到咗溫,就無行李跟身, 就好擔心, 係電話筒問我有咩需要!! 好彩,我個hand carry 有小部分自己野, 都維持到!! 但到達溫哥華之後, 一入到自己平時自己瞓嘅房, 就見到好多日用品, 全是Brian's 父母準備比我. so touching!!
真係好大雪, 白濛濛一片!
ReplyDeleteBrian 父母好細心, 已經為你準備好日用品!
[版主回覆03/12/2013 11:27:10]ccKitty:
~當日, 真係嚇親我, 啲雪真係多到睇唔清前面嘅景像, 但航空公司初頭又無cancel 我班機, 所以都照去機場!! 但當日真係好驚險!!
~我都覺Brian 嘅父母好細心, 真係咩都幫我準備晒!! 仲驚我唔夠,第二日仲話要帶我去買野!! 哈哈~~