February 10,2013(Sunday)
溫哥華真是super 多日本人聚居, 真係行開行埋, 都可以見到日本人和大大小小嘅日本商店.
所以, 我覺係溫哥華食日本野, 係會比較正宗啲.
而這天, 午餐就去咗食日本拉麵, 碗拉麵真係好 「美味しい」 o-i-shi-i 呢!!! 去過十幾次日本嘅Brian's 父母. 一邊食一邊話, 好味道.....哈哈~~
↓午餐----日本拉麵!!!
食完一碗, 好滿足嘅拉麵午餐!!
就馬上趕回Brian's 家, 為開年飯作準備!!
這個開年飯, 會去一個Auntie 家中進行, 而我哋每個家庭要負責一些食物, 去個Auntie屋企, 一齊group埋食!!!
Brian 而家對入廚有興趣, 所以, 便準備一盤食物,去Auntie 家中. 他全個下晝就不段係自己屋企炸食物, 作準備!!!
↓Brian 就係成個下晝, 係自己家嘅廚房, 準備開年飯嘅食物,......而我就享受農曆新年嘅食品, Brian 屋企super 多農曆新年食品呀!! (至於, 我身上件大碼衫, 係Brian 係中學時穿着架!! 咁我行李未到, 所以, 就穿着住Brian 啲衫先...)
入夜, 就帶幾樣食物, 去咗個Auntie 屋企開飯!!!
依個Auntie 比較好客.......一入到Auntie 屋企, 已經見到農曆新年嘅佈置. 還有一堆零食和酒類飲品添!! 啲酒類飲品, 真係多過汽水!!
↓依個Auntie 用啲家品, 好靚架!! 個全盒好靚呀!!! 個朱古力盤又靚, 當中有啲朱古力係粉紫色, 好特別!! 而Welcome drink 就係一人一大支beer!!! 哈哈~~
↓朋友G, Brian & Brian's mom, 人人都有支大啤酒飲!!
↓我都有一支大啤酒......支大啤酒杯, 好長....飲個陣時, 都唔容易!! 不過,好好玩!!
Brian 由自己屋企個廚房, 煮到黎Auntie 屋企個廚房!!!
Brian 負責整"左公雞" (茄辣汁雞丁), Brian 好堅持,要去到Auntie 屋企先埋羹, 要將啲食物炒一炒熱, 先ok! 佢話將啲食物, 放入微波爐叮熱, 會唔好食, 所以, 要借用Auntie 個廚房, 用鑊兜兩兜啲食物, 先上檯!!
其實, 我覺Brian 個人好堅持, 而且適應力比較強, 比我去人哋屋企個廚房, 又唔知火喉, 又唔知啲廚具放係邊, 真係好難煮到野!! 所以, 我好怕去人哋個廚房煮野食!!
↓Brian 入了Auntie家中個廚房, 完成佢負責嘅食物!!
話明係開年飯, 當然有好多食物!! 而且, 係農曆新年, 所以, 啲菜式都以中式為主!!
↓有Brian's daddy 煮嘅蒜片蝦, Auntie 整嘅餃子
↓Brian's mom 整嘅新年菜, 冬菰發菜蠔豉豬手蓮籍煲, .......其實, 仲有好多好多野食, 仲有鮑魚....但太大埋人, 所以無影到!! 不過, 我好鐘意依個Auntie 家中啲碗蝶 and table setting 呀!!!
↓依餐飯, 飲咗好多酒, 紅酒, 香濱, 甜酒, 啤酒, 真係咩都飲啲, 不過, 個朋友G, 就飲啤酒飲到癲癲哋!!! 好好笑!!
↓飯後, 有西餅做甜品
↓飯後甜酒, 都有幾款, 其中一隻係Baileys+士多啤梨, 今年係蛇年.....Auntie家中有個蛇型汽球, 好應節!!
飯後, 一堆人, 玩咗電子大富翁, 飲下酒,傾下計.....估唔到同班長輩, 可以癲到零晨時份!!! Brian 父母和Brian 個邊啲Auntie 真係好玩得!!
Brian父母煮嘢咁叻，唔怪得Brian咁有天份啦
ReplyDelete妳Auntie有咁多呢D啤酒杯，洗咪好麻煩囉
[版主回覆03/08/2013 06:33:38]Oli:
~Brian's 父母都係退咗休先入廚, 以前都好少入廚房架!! 不過, 好多野都有感染, Brian 見到自己父母入廚好好玩, Brian 就跟住, 培養興趣出黎!!
~啲長型啤酒杯, 係美國買架!! 而且, 依個Auntie 好好客, 所以, 佢屋企好多得意野, 準備晒比人玩下!!
Vicky 食極唔肥，真係勁！
ReplyDelete[版主回覆03/08/2013 06:33:40]Dolphine:
~我脹了好多, 我啲褲都買過啦!! 重災區係個pat pat!!
~唔好講, 瘦or 肥, 最緊要身體健康.
Dear Vicky,
ReplyDeleteWhat is the restaurant name of 溫哥華 日本拉麵呀 ?
[版主回覆03/08/2013 06:35:41]Mimi Kim:
~係1741 Robson St. 間拉麵店叫Benkei Ramen
蒜片蝦 is so tempting!!!
ReplyDelete[版主回覆03/08/2013 07:13:32]小倩(Jade):
依味餸都幾好食, 我都夾咗幾次食!! 哈哈~~
新年都好好氣氛呀 !!
ReplyDelete[版主回覆03/08/2013 07:13:49]Katie:
係呀!! 我都覺今年係溫哥華過農曆新年, 好有氣氛!!
好正呀，咁多野食
ReplyDeleted啤酒咁大枝既，飲完都醉lu
[版主回覆03/08/2013 07:13:35]Ophelia:
~新年, 就會食得豐富啲. 所以, 特別多野食!! 我都唔覺意食咗好多!!
~其實, 杯啤酒大大支, 但杯身好幼, 啤酒量唔係好多咋!! 飲完唔會醉架!! 哈哈~~ 但咁樣飲法, 都幾好玩!!
auntie 間屋真係好好好大呀，成間餐館咁，又佈置得咁靚，犀利呀~~~~
ReplyDelete嘻....杯啤酒好勁呀
[版主回覆03/08/2013 07:13:37]samsamdandan:
~我依個Auntie 好好客架!!而且, 又農曆新年, 所以, 佈置間屋好有節日氣氛. 而且, 個Auntie 都準備咗好多小玩意比我哋玩添!!
~個啤酒杯, 我都覺特別, 咁樣飲啤酒法都好好玩!!
我妺夫有2様與朋友G相似, 1.同是外藉人 2.愛飲啤酒, 飲到好開心、好high似的!
ReplyDelete[版主回覆03/08/2013 07:14:19]zaza:
~哈哈~~ 咁你妹夫同我朋友G 都幾夾.
~我覺外國人飲咗啲啤酒, 會好容易high high 哋. 好得意!! 哈哈~~
比我阿豆見到咁大杯啤酒實好開心。
ReplyDelete你們AUNTIE的家很有新年氣氛呀。
看來你老公很有原則
[版主回覆03/08/2013 07:13:40]Ka:
~咁你平時有無同阿豆啤返杯??? 有時有啲節日飲下酒, 氣氛唔錯架!!
~個Auntie 比較好客, 所以, 準備咗好多小玩意比我哋玩, 還用咗啲時間佈置間屋.
~我未結婚架!! Brian 是我男友. 佢係咁架啦!! 對廚藝好認真
嘩~~~個啤酒真係幾大枝丫......!!!
ReplyDelete[版主回覆03/08/2013 07:13:42]涼粉子:
~其實,咁樣飲啤酒, 都幾好玩!!
~支啤酒係得個樣, 其實, 都是裝到一杯啤酒!!!
用埋紅檯布， 好有心思
ReplyDelete個酒杯好得意，好似要轉吓轉吓咁飲先無咁多泡架，不過就難為洗杯嗰個。
[冬日 Winter回覆03/09/2013 23:43:43]Angela ...啤酒杯都唔會怎樣有污漬.....用梳打水一浸, 連啤酒味都冇埋, 就好易洗 !!
[版主回覆03/08/2013 09:02:34]Angela:
~我都覺個Auntie 用了一啲時間去佈置間屋,營接新年, 所以, 一入到依個Auntie 間屋, 感覺好有氣氛.
~原來飲啤酒要轉轉下飲先無咁多泡架!! 我平時,都無咩留意添!!!
~其實, 隻杯我都唔知點洗架!! 應該用水洗潔精水沖下囉!!哈哈~~
嘩！好有新年氣氛喎,啤酒咁大杯飲得好開心呀！
ReplyDelete[版主回覆03/08/2013 09:02:35]Flora:
~我都覺Auntie用咗好多時間去佈置間屋, 一到去, 就感覺到好有氣氛.
~支啤酒得個樣, 其實, 啤酒份量同街出面嘅一杯啤酒嘅份量!! 但用咁長嘅杯飲, 都幾好玩!!哈哈~
真係好有新年氣氛呀，溫哥華應該幾好住（如果吾太凍的話，哈哈）
ReplyDelete[版主回覆03/08/2013 09:02:37]Mrs. Wu:
~可能我住多倫多太耐啦!! 其實, 溫哥華嘅冬天, 至多落一場雪, 仲要落完, 隔一陣都溶晒, 哈哈~~ 哥華平均冬天都係零度以上. 都好溫暖. 夏天又唔太熱, 唔過30℃. 對我長期係多倫多住, 冬天又凍過人, 夏天又熱過人, 溫哥華天氣算好好啦!! 我諗溫哥華嘅冬天, 係全加拿大最溫暖嘅地方!! 今次, 二月去溫哥華,我着UGG, 都覺太暖,要換鞋!!哈哈~~
新年飯好豐富呀, 多啲人一齊食更開心呢
ReplyDelete[版主回覆03/08/2013 12:22:35]Jo姐姐:
~新年同一班,岩傾,又肯玩, 大家group埋一齊熱熱鬧鬧都玩得好開心!!
Vicky , 你們個個都玩得, 又飲得....歡樂氣氛好強烈呀
ReplyDelete[版主回覆03/12/2013 08:19:11]冬日Winter:
~係個個肯玩先開心!! 所以, 今年都玩得開心!!
WA~好大支酒呀~仲要玩大富翁~一定玩得好開心~XD~
ReplyDelete[版主回覆03/12/2013 08:19:12]素會員:
~支酒, 簡直係當晚嘅焦點呀!! 有時, 有啲場合, 真係飲少少酒, 氣氛會好好多, 會開心啲!!
我發覺好多溫哥華嘅屋啲裝修都好舊？點解佢哋無諗過update吓？移民得過去又唔駛做嘅都應該有資源去整整啲內部裝修........
ReplyDelete[版主回覆03/12/2013 08:19:18]Ceci:
~其實, 我覺溫哥華啲屋嘅內部裝修, 已經好過多倫多好多嘅啦!!
~不過, 內部裝修, 都係個人嘅選擇嘅問題. 有啲人對依啲內部裝修, 完全無意見. 好多人, 真係住得就算!!哈哈~~
very happy gathering in Chinese new year ! The big glass of beer is very funny. Brian's cooking skills must have improved a lot !
ReplyDelete[版主回覆03/12/2013 08:20:25]Happy girl
~個big glass of beer, 簡直就係當日嘅焦點. 有時, 一班人飲下酒, 大家玩起來嘅氣氛, 都會好玩好多!!!
~Brian's cooking skills 真係進步咗, 而家煮飯, 都開始識隨機應變. 無以前咁, 一有啲材料唔夠, 就好傍惶. 哈哈~~
[版主回覆03/12/2013 08:20:19]Happy girl
~個big glass of beer, 簡直就係當日嘅焦點. 有時, 一班人飲下酒, 大家玩起來嘅氣氛, 都會好玩好多!!!
~Brian's cooking skills 真係進步咗, 而家煮飯, 都開始識隨機應變. 無以前咁, 一有啲材料唔夠, 就好傍惶. 哈哈~~