年廿九@Vancouver

February 9,2013(Saturday)


其實, 依日一朝早, 由機場返到去Brian 嘅屋企,都係瞓咗幾個鐘頭. 就起身食早餐.

但估唔到, 只係幾小時睡眠, 我就ok!! 有時, 都覺自己係鐵打咁, 瞓少少就可以回電.

一朝起身, 就感覺Brian 屋企好有農曆新年氣氛. 客廳已經放滿了農曆新年食品.

其實, 「氣氛」真係可以自己營做出來, 無論在那裡, 好多節日,只要花小小心思. 都有儂厚嘅氣氛.


↓Brian家中的客廳, 好有農曆新年氣氛

每次, 好例牌, 在Brian的溫哥華家中, 至少要吃三餐, 一早起身, 餐檯上, 已經有早餐,等住我食!! 還有我早餐, 良伴---yogurt!!


↓Brian屋企個早餐, 時時都排到好整齊!

由於, 我和Brian臨時轉第二班飛機行線去溫哥華, 所以個行李, 仍滯留在多倫多機場. 所以, 人到了溫哥華, 我哋行李就未到. 因此, 要去百貨公司, 買住幾日內外衫褲. 頂住先. 

而Brian's daddy 時常都擔心, 我一個女仔無行李跟身, 會好唔方便, 反而Brian 去溫哥華是回家. 普通一切所需, 一定會有.  所以, 我覺Brian's daddy 好似特別擔心我嘅情況多啲.   其實, 我未到溫哥華, 已經幫我準備一些個人清潔用品, 但食完早餐, Brian's daddy 第一件事, 就話要帶我去百貨公司, 去到百貨公司, Brian's daddy 差啲想幫我埋埋單添!!

而我哋就在中午打電話去航空公司, 追縱行李. 航空公司幫我哋入了檔案.  還即時給了行李個code 給我. 以便我自己上網追蹤. 

航空公司也同時詢問,我哋嘅聯絡電話和住址. 航空公司會在2-3日(business day). 就有專人, 把我們嘅行李送到, 我們所報嘅地址上.

其實, 航空公司對行李追縱, 有一套很有效嘅方法. 只要講清楚, 行李標籤(tag)嘅number 和航班篇號.  航空公司就會追縱到. (所以, 無論坐飛機去邊, 都要keep 好boarding pass and 行李標籤嘅收據) 

曾幾好何時, Brian 也試過, 同一遭遇. 行李真是2日內, 就到達!!


↓午餐, 去了吃粥和雲吞麵 (這些午餐, 好味道之餘, 又可以食得快啲, 因為, Brian's mom 要趕住返回家整蘿蔔糕)

農曆新年, Brian's mom 會慣常整蘿蔔糕,應下節,  其實, 都係得五個人食, (Brian's 父母, Brian, 我, and Brian家的家傭), 但Brian's mom 整兩大盤出黎, 仲要係super 多料.  出面都食唔到!!!

不過, 整蘿蔔糕都幾吃力. 用咗成個下晝去整蘿蔔糕!!!


↓幾大盤蘿蔔糕, 一共整咗兩大盤. ......而綠色衫個位女士, 係Brian家中的家傭. 她協助Brian's mom 整蘿蔔糕......哈哈~~

↓當日, 我都有幫下手, 準備過年啲野!!!

↓Brian家中嘅全盒, ...............Brian's mom會係年廿九, 新年前夕放啲吉和利是係床頭架!

而年廿九晚飯, Brian 話要去滾一滾!! 咁樣就有財源滾滾來, 越滾越有嘅意思.

依餐打邊爐, 同埋上次去Las Vegas 個家人一齊食, 仲食咗成四個幾鐘. 不過, 我幾鐘意係溫哥華打邊爐架!!因為食材好新鮮......


↓年廿九飯晚餐, 去了打邊爐...其實, 依日場內超級多人, 可能今年, 年廿九係星期六, 人人都放假, 所以, 訂了位都要等!! 但啲打邊爐食材, 真係好新鮮

↓好鮮嘅龍蝦........一齊滾呀滾