February 22,2013 (Friday)
好多營養師,都話「早餐」係全日最重要的一餐.
說實話, 有幾多人會日日食一餐豐富早餐呢? 比我都瞓到最後一分鐘啦!!
但唔知係咪, 在Brian老家---溫哥華. 每天都要吃早餐. 還吃得好豐富!!
回到多倫多, 就很掛住一起身有早餐食嘅感覺.....所以, 一朝早就會整早餐食!!
但自己啲早餐,來來去去都好似, 滿足唔到自己....(可能, 我在溫哥華所吃嘅早餐, 實在食到好滿足!)
↓每次去完Brian 老家之後, 返回來, 自己機地之後, 都會主動去弄早餐--簡簡單單, 雞蛋,火腿和麵包
↓橙汁,外賣咖啡, 沙律罐頭三文魚+雞蛋+麵包, .........或者熱檸水, 香腸,蛋,芝士牛角包
由於, 掛住溫哥華時, 所吃嘅早餐感覺. 所以係星期六, 有多啲時間, 我便嘗試模彷在溫哥華時, 吃早餐嘅格局. 由餐檯用具, 餐桌擺設, 到早餐所吃的食物. 完完全全抄足, 黎一個溫哥華式嘅盜版早餐.
不過, 跟足溫哥華式嘅早餐, 都有啲難度. 因為餐具比較多, 準備餐具都要一段時間. 但嘆到一個full breakfast. 人都精神好多.
↓左邊幅圖, 就是在溫哥華時, 我所常吃的早餐的格局. 右手邊幅圖,係我自己嘅早餐. 早餐嘅風格, 完全抄足晒. 哈哈~~ (好彩,依餐早餐, 係星期六先試玩, 原來好多工夫準備!!)
----------------------------------------------------------------------------------------
而返回多倫多之後, 多倫多嘅天氣, 仍然是落雪天, 好寒冷. 冷到說不出聲. 乜唔係春天咩, 仲係around 零下10℃, 着衫出街和回家除衫, 都變得好費時, 真是每天都想躲在家.
↓返回多倫多之後, 仍是滿地白雪, 每天都會晒陣雪.
這排的晚餐, 我和Brian都是在自己家吃. Brian 自行去超級市場入貨. 自行入廚房下廚. 有時,我都佩服他的柏力.
可能, 在溫哥華, 真係嘆慣咗, 我返回來多倫多, 懶到連買野, 都覺好費時. 多倫多生活太煩忙啦!! 市中心人太多, 買少少野, 坐陣車, 都排隊排到七彩.....連行路都時常比途人碰撞. 真係去陣街,都好似打咗場仗咁.
都係坐係自己屋企, 係最舒服.
↓晚餐, 茄汁雞翼+蠔汁小棠菜. 另外一日, 香蔥炒麵+小棠菜
↓用新嘅黃色LC 煲, 整腐乳雞煲. 還有蒸肉餅
↓蔥爆雞肉, 左公雞
↓番茄炒肉絲, 麻婆豆腐煲+蒜蓉白菜
VICKY 妳整早餐，一樣咁叻，同樣好味好食！
ReplyDelete[版主回覆03/27/2013 12:14:20]冬日Winter
-多謝讚賞, 其實有些早餐係我隔離嗰個人整㗎!
-不過, 早餐材料好容易買到, 只要花少少時間, 就會有個美味早餐
我都一定要食早餐，唔食唔舒服，不過就冇咁豐富，只係麵包加奶茶，已飽足成個上晝
ReplyDelete妳地雖然有每次都係兩餸飯，但份量十足喎
[版主回覆03/27/2013 12:21:57]Oli
-我平時都會食少少早餐, 例如一塊多士和熱飲, 咁樣出去街,個身都暖好多.由其是我依邊, 長期都係咁凍.
-我都係啱啱去完旅行先有掛住食一個豐富早餐嘅感覺, 所以去完旅行之後,好有心機整早餐.
-我哋晚餐先有機會坐埋一齊食, 而且我哋下晝嗰餐食好少, 所以dinner 會肚餓d.
你整d早餐花好多心思, 亦能展示你豐富收藏的餐具, 淨係Hello Kitty 的, 都可令餐餐有不同擺設. 令你更加愛上弄早餐. 一個溫哥華式嘅早餐, 真係用上好多時間, 但仍然值得, 辛苦搵來自在食, 我都十分享受. 如果阿仔星期日早上無節目, 我都會弄個豐富d嘅早餐. 所謂豐富, 不外孚用多d餐具, 以滿足自己展示餐具的心態. 但我的餐具, 清一色都係白色, 自從認識了你們才加添一些色彩. 令心情大靚 !
ReplyDelete[版主回覆03/28/2013 05:52:34]Alice:
~我都係去完旅行之後個一個星期, 先會弄一個溫哥華式嘅早餐食. 過咗一星期之後, 我都係等到周末, 先會弄個完整早餐食. 因為弄早餐,都幾費事架!! 而家, 我係閒日食啲早餐, 都係好簡單, 麵包or 餅乾+熱飲, 就算啦!!
~我好鐘意啲花巧和五顏六色嘅廚具架!! 我以前,同阿娘一齊住, 我唔可以入廚房, 至多都係洗下碗. 但當自己搬出去住之後, 我就會花心機去買廚具, 因為我覺啲廚具特別啲, 襯埋落啲食物度, 食都會食得開心啲. 而且, 我鐘意Hello kitty 和LC products, 所以買廚具時, 盡可能會望下依兩款嘅用品
~其實,我都鐘意清一色, 白色嘅碗蝶, 如有朋友來我度食飯, 我覺用清一色白色廚具, 會大方得有體啲. 哈
我...真係冇食早餐嘅習慣呢~~~不過如果係WEEKEND又唔洗出街..都會整番個中式早餐...^_^
ReplyDelete黃色LC煲好SHARP呢~~~!!!其實你D LC COOKWARE可能多過我架~~
[版主回覆03/28/2013 05:52:54]涼粉子
~其實, 我都無咩特別話食早餐嘅習慣, 只係剛剛去完旅行, 個內心比較掛住食早餐依一part, 所以, 先特別整個豐富早餐黎食下. 平時, 我都係食麵包或者餅乾+熱飲,當早餐就算. 因我依邊天氣比較凍, 朝早食啲野, 成個人會覺溫暖啲.
~我係weekend, 就會花啲心機, 整下早餐, (其實食時, 已經係食brunch啦!!), 因為此終weekend 時間比較多嗎. 但就好少整中式早餐, 因覺中式早餐, 需要好多時間, 怕自己個胃, 等唔切...哈哈~~
~我啲LC 真係唔多架!! 來來去去都係個啲. 我想再投資多啲. 哈哈~~~
~個yellow Lc, 係二月時, 新買架!!嘻
VICKY 你哋返工幾點起身？啲早餐整得好有心機
ReplyDelete我整嘅早餐都係簡簡單單，最鍾意煲粥，可以之前嗰晚整定。
BRIAN 越來越煮得密, 佢又 ENJOY，你又可休息吓，好事好事！
[版主回覆03/28/2013 05:52:36]Angela:
~我都係由溫哥華返咗黎多倫多之後個幾日, 係朝早先會整個豐富早餐食下, 因為掛住係溫哥華食早餐嘅感覺嗎!! 但過咗幾日之後, 我都放費再整豐富早餐. 此終, 整full breakfast都係好需時!!
~我以前唔食早餐架!! 但依邊冬天, 太凍啦!! 我係閒日啲早餐, 食件麵包or 飲杯熱飲. 咁個身會暖啲囉!!
~Brian真係好鐘意煮野食, 我真係估都估唔到, 他會肯入廚, 仲維持到而家.
How long did it take you to prep the breakfast?
ReplyDelete[版主回覆03/28/2013 06:00:26]HM:
~無特別計時, 但大概用咗20 mins去整full breakfast啦!! 但都係去完旅行之後個幾日, 先有心機整早餐, 之後, 都已經無依個柏力, 求其食件餅+熱飲, 就算數!!
我好懶，而家食碗cereal當早餐，又或者食個包，要整個咁豐富既早餐真係好費時，所以都係吾好搞我，寧願訓多陣好過，哈哈
ReplyDelete[版主回覆03/28/2013 06:00:27]Mrs. Wu:
~我以前懶到連早餐都唔食!!!
~我都係去完溫哥華旅行, 有啲掛住,在溫哥華食早餐嘅情景, 我先去整個full breakfast 食下,但幾日之後, 我都係一切從簡, 食件餅+杯熱飲, 就算數啦!! 講真,整full breakfast都幾花時間!!
wah, very nice!
ReplyDeleteWe seldom have full breakfast, just because I'm too lazy! lol... plus Brian usually eat oatmeal or cereal only (he has no patience to sit down to eat full breakfast anyway... unless it's waffles!) and Cole's so easy... therefore I rarely make anything special for them! lol...
[版主回覆03/29/2013 11:58:44]Southerngal:
~其實, 去旅行時, 成日一起身, 就食一餐好豐富早餐!! 所以, 去完旅行就掛住依個感覺. 因此, 去完旅行之後, 個幾日, 先有整早餐癮
~但過咗一排, 我啲早餐都變返好簡單, 因我令願瞓多陣. 哈哈~ 我平時啲早餐, 都係簡簡單單, 一塊餅+杯熱飲就算.
~原來你個Brian鐘意食Waffles, 我都鐘意食, 但都係weekend, 有多啲時間先會食!! 哈哈~~
全部小菜都係Brian煮的?
ReplyDelete3月尾仲落雪咁凍...都好反常噃
[版主回覆03/29/2013 11:58:55]Mrs. Cook小花媽:
~啲小菜係Brian 整架!! 依排他喜歡入廚, 我由得他. 我已經好耐無入去廚房整野食啦!! 哈哈~~
~今年都落咗好多雪!! 其實,冬天落雪都預咗, 但落雪, 路面濕滑, 出街有點不便呢!!
~我諗多倫多, 住係邊, 道路都好繁忙, 因為人口多咗好多, 多倫多已經發展了更加新市鎮啦!! 但仍是住滿人啦!! 塞車已經成為生活一部分啦!!
嘻嘻......我就係少數會每日都食好豐富早餐嘅人呢，heehee.....
ReplyDeletebrian 媽媽煮的早餐勁靚又勁豐富呀，不過你自家製的都好好味呀，睇見都想食呢 ^^
woooo~~~ 你d LC 煲真係好得，而且樣樣餸都好美味，一流呀
[版主回覆03/29/2013 12:01:57]samsamdandan:
~其實,我都好少食早餐,食到咁豐富!! 但去旅行時, 日日一起身, 就食到一個豐富早餐. 所以, 去完旅行個幾日, 一起身就想懷緬下. 食早餐嘅感覺. 所以, 先會整個豐富早餐食下. 但過咗一排, 我生活都正常返, 早餐變返簡單化, 食塊餅+杯熱飲, 就算啦!! 我依邊天氣凍, 朝早係要食少少野, 個身先會溫暖啲!!
~你而家有BB, 食早餐方面, 當然要豐富啲. 食早餐個人都會精神好多架!! 對BB健康又好啲.
~Brian's 屋企, 多數都係Brian's daddy 準備早餐. Brian真係由細到大都係食依啲早餐大!!!
~LC 真係好好用, 幫了我哋唔少手!!
買洗煮一餐頗費時! 但在家舒舒服服嘆, 最佳享受!
ReplyDelete[版主回覆03/29/2013 12:01:58]zaza:
~你講得無錯!! 買,洗,煮係一件好似好費時嘅事,但坐係屋企嘅感覺, 就真係舒服好多. 而且, 坐在家, 真係食幾耐都得. 可以慢慢細心去食!!
having a big breakfast at home is a luxury for busy city people. Your breakfast is very yummy ! And healthy too, I see a papaya in your Vancouver breakfast.
ReplyDelete[版主回覆03/29/2013 12:02:02]Happy Girl:
~你講得岩呀!! 食個豐富早餐, 其實都幾費時, 要額外早啲起身去準備!! 所以, 我都係去完旅行之後個幾日先至食到. 但過咗一排, 我就keep 唔到啦!! 因為想瞓耐啲. 哈哈~~
~但我平時都有食早餐, 一塊餅+杯熱飲. 因我依邊天氣凍, 朝早食啲野, 個身會溫暖啲.
~相中個Papaya 超級甜呀!! 因為溫哥華近夏威夷, 所以, 溫哥華啲生果好多選擇. 我返到黎多倫多,都揾唔返溫哥華食個啲papaya 嘅味道!!!
整得好靚既早餐~見到麵包係KT樣~KAWAII~!
ReplyDelete[版主回覆03/29/2013 12:02:53]素會員:
~我有個Hello kitty 多士爐, 所以, 啲麵包會有Hello kitty個樣!! 哈哈~~塊多士有HELLO KITTY樣, 都似食都會食得開心啲
Vicky , 妳真係好幸福 , Brian 一手包辦哂妳衹係坐定定等食 , 好羨慕啊 !
ReplyDelete[版主回覆04/04/2013 06:15:46]ak:
~他現在熱愛入廚, 入廚帶到成功感比佢, 所以, Brian 好肯煮!! 但其實,我都覺煮野食, 都幾有趣架!! 只要你唔覺煮野食, 係一件苦差. 煮野食都係無窮樂趣架!!