排長籠早餐, 逛LC @Vancouver

February 16,2013 (Saturday)


真難得, 黎溫哥華日日都係睛天!!

又好難得, Brian‘s  daddy 唔洗我哋係家中食招牌早餐, 一起身就換得衫, 可以出街食早餐. Yeah!!

而Brian係網上揾到間專門食早餐嘅店鋪. 但這間食鋪, 超級多人排隊, 我哋本來打算去食早餐, 但等位等到變咗食brunch!!


↓間專門食早餐嘅店鋪,位置唔起眼架! 但好多人排隊食, 真係離遠已經見到人籠啦!! (箭咀指住, 就係等位嘅人!!). 雖然, 排好耐隊先有位,仲係No Resrvations. 而且, 每日做到3pm 咋!! 但網上對這間餐廳仍是大獲好評

↓就係依間啦!! 等咗成個鐘頭先有位. (可能依間食店面積唔大, 好少檯, 所以, 有排等!!) 好彩個日好天, 企係街等, 當晒下太陽囉!!

↓終於有位坐啦!! 大家影下張好肚餓嘅樣先!! 哈哈~

依間專門食早餐嘅餐廳, 其實係食摩洛哥款式 (Moroccan) 嘅早餐.  所以, 啲早餐食材, 對我黎講,都幾好新鮮, 因為之前都未接觸過摩洛哥菜嗎. 但最後, 食完又覺幾好味!!

雖然, 係摩洛哥餐廳, 但也同時有出售Belgium Waffle (比利時華夫), 當我排隊時,聞到個陣華夫味, 都攪到我, 越等越肚餓!!

所以一入到去餐廳, 第一件事, 就係order 華夫食住先, 每一個華夫會跟一個醬, 啲醬仲係廚師特別炮製, 出面無得賣!


↓一個華夫, 跟一個醬, 我哋就試咗White Chocolate Pistachio (好香) ,Fig Orange Marmalade (啲fig 一條條好好食) and Mixed Berry(好新鮮嘅果漿呀!!), 全部華夫醬, 黎點華夫都好好味, 我哋最後連啲醬都食埋,先滿足!!  而飲品----Latte Lavender(透明玻璃果杯), Mocha Dark chocolate (最前果杯), 還有Milk chocolate coffee,仲有杯Loose Leaf Earl Grey Tea,(成壺上, 但無向上鏡)

↓原來摩洛哥早餐係成個pan 上檯, 份量都幾大, 但摩洛哥啲早餐名, 就比較難讀. 第一張相, 係Cassoulet 早餐 (兩隻蛋,煙肉,辣香腸,茄汁豆和一大個橄欖麵包), 第二張相, 係Fricasse 早餐, (有兩隻蛋,short ribs,薯仔,沙律菜,醋汁洋蔥,芝士和跟一大個橄欖麵包)

↓Tagine早餐(兩隻流心蛋,番茄羹,辣香腸,黑橄欖跟一大個橄欖大包), 最後, 係Paella早餐(一隻太陽蛋,香腸, 青瓜,紅胡椒, 粟米,番茄,沙律菜和牛油果懀咖哩長米飯)

食完一餐咁特別嘅brunch,個肚好滿足.
 

由於, 食Brunch 地點, 都近商場, 所以, 就順道去行一行. 而且我哋係網上面收到情報, 話溫哥華有Le creuset 減價. 所以, 就八八掛掛去睇下!


都唔知係咪我傳咗Le creuset毒比Brian. 他而家對Le creuset 嘅瘋狂程度, 仲比我利害. 佢差啲想掃兩個Le creuset煲走!!  但Brian真係忘記自己要坐飛機先搬到啲煲返自己個廚房!!  


因此係最後, 我哋係溫哥華買咗一個Le creuset煲. 個價錢真係非常超值.哈哈~ (遲d會再講個LC煲)


↓去百貨公司,睇Le creuset,還買咗個好超值嘅煲添!! .....依家係加拿大某大百年歷史嘅百貨公司, 終有售Le creuset 啦!!! 而且, 貨式選擇都幾多. (但顏色方面,我仍覺得好大路, 不過, 好過無, 而且買LC 方便咗好多) 

而行行下商場, 竟然見到化妝部有舞獅睇. 真係估唔到西人係新蒸頭,都會邀請舞獅表演. 仲響晒鼓聲和採青. 好特別呀!

我仲係地下執咗啲採青嘅菜. 拎返Brian 屋企擺!! 哈哈~~!


↓西人地方係新蒸頭, 竟然有舞獅....

↓仲有好多農曆新年裝飾,..............我仲執咗舞獅採青啲菜, 返Brian屋企, 嘻嘻!!

我哋四個, 係街行咗成日街.  所以, 夜晚就去街食埋晚飯. 


而我哋就去咗一間, 食燒蠟和鑊氣小炒嘅餐廳食飯. 而這一間餐廳, 最出名食脆皮燒肉.  

但因這間飯店, 每日都有限量去做, 所以, 好多野食, 都要事前一日預留先有得食. 由其是最出名嘅脆皮燒肉. 但我哋臨時臨急先去. 但估唔到,竟然有脆皮燒肉和豬肚湯..... 我哋隔離張檯, 同我哋同一時間入座. 想食咩都沽清!!! 我覺我哋好好彩!!


↓豬肚粉葛湯(好鐘意飲豬肚湯),欖菜肉碎四季豆

↓梅菜肉餅, 好美味嘅脆皮燒肉和併咗叉燒.

↓清蒸游水魚 (鮮美!!)