February 13,2013(Wednesday)
這天是天主教的Ash Wednesday.
Brian 屋企, 信天主教, 所以, Ash Wednesday 需要守齋. 不能食肉類 (但海產類就可以吃)
對Brian去說, 沒有肉類落肚的一天, 是相當不安!! 而且, Brian 又唔計海產是肉類呢!! 反而,我不會坑拒守齋, 清淡啲都幾舒服吖!!
其實,我自己覺自己是一個偏愛吃清淡嘅人. 如果得我一人吃飯. 我會選擇吃魚和菜. 但同得Brian 生活咁耐, 邊有可能吖!! 我諗都要一年一度Ash Wednesday 才有這個機會.
這天午餐, 我們去了食魚湯米線.
專門食魚湯米線嘅店鋪, 我都係頭一次去. 有好多湯底選擇. 而且, 份量都幾大. 一大碗魚湯米線做午餐. 真係大滿足啦!!
希望到時搬去溫哥華之後, 我諗我會幫襯, 多啲依間魚湯米線. 因為我鐘意飲魚湯....我覺魚湯好好飲架!!哈哈~~
↓出街去食魚湯米線途中, 到路途中見到架靚車--Benz SLS, 它的車門是以向上式打開, 如兩對車門同時打開, 就好像飛鳥的翼. 這架車, 價錢不菲, 但見到車身某塊玻璃貼住N的貼紙, 即代表車主是新牌仔, 但新牌仔就渣咁快嘅車!! 好得人驚.......(不過, 溫哥華街道上, 真係幾多靚車架!!)
↓午餐---去咗一間專門食魚湯米線嘅食店食午餐, Brian 飲奶茶, 我飲檸檬利賓納
↓Brian 食麻辣魚湯米線, 我食西洋菜魚湯底嘅魚湯米線. (我好鐘意!!我連湯都飲埋)
下午茶, 去咗市中心的西式餅店食cake.
依間西式餅店, 可以由朝早7am開到半夜(midnight). 係外國黎講, 只食西餅嘅店鋪. 好少可以營業到咁深夜!!
我哋以為閒日去食cake, 會有啲位坐下, 可以慢慢, 食件餅, 嘆杯茶, 傾下計.
點知, 一入到間西餅店, 全間西餅店都坐滿人, 我哋仲要等一倫先有位坐.
乜啲人唔洗返工咩?? 坐係西餅店啲人, 好多都係白領. 唔通佢哋 "吞pork"緊??
依間西式餅店, 啲西餅都幾多選擇, 但由於近情人節, 啲Macroon 賣剩一款咋!! 不過, 環境就幾舒服. 裝修方面都係型格路線. 怪不得吸引咁多白領啦!!
不過, 西餅店客人真係好多, 好難嘆得自在. 但啲西餅不錯, 當日我食得最多, 都唔覺滯. 甜度唔算太甜. 但甜度足以滿足甜品癮!! 還有, 這間西餅店, 都有幾多飲品選擇, 如果叫茶, 會成壺茶上檯架!!.....而我飲咗情人節朱古力奶. ....都幾好飲喎
↓甜品店...........................當天嘆的甜品和飲品
黃昏, 就去咗教堂--望彌撒!!
講真, 平時係Ash Wednesday都只係守齋. 係今次, 適逢放假, 先去教堂!!哈哈~
↓教堂知道中國農曆新年, 教堂貼咗"福"字嘅中國農曆嘅飾物喎!!!. .....由於Ash Wednesday,我額上被神父用一點灰, 畫上十字記號!!
由於,需要守齋, 所以 dinner 選擇食日本野!! 因日本野, 真係比較多海鮮嗎!!
但估唔到, 間日本食店, 要等位. 仲要唔經唔覺等咗成45分鐘先有位坐. 差唔多等到間鋪頭, 都就黎close. 我哋先入座. 閒日都咁busy嘅!!!
雖然, 等得耐先食, 但我唔介意等, 可能, 我覺溫哥華啲日本野真係好新鮮, 此終近海嘅地方, 食材真係新鮮好多!!
而且, 溫哥華太多日本人聚居啦!! 真係好多日本餐廳都係真正日本人經營. 感覺會正宗好多!!
依個世界係咁, 越競爭,越進步. 所以, 溫哥華啲日本食店, 大多都唔錯!!
↓晚餐, 食日本野!! 美味
原來天主教都要守齋？真係唔知喎，又唔聽見天主教的朋友要守齋
ReplyDelete食齋我真係唔太得，我比較鐘意食肉多D
[版主回覆03/15/2013 12:03:00]Oli:
~Opps....我記錯咗添!!!!!
~基督教..又好似無依啲野!!
[Oli回覆03/15/2013 00:37:12]妳記錯啦，我係返基督教架，哈哈
[版主回覆03/14/2013 11:46:24]Oli:
~我仲以為你會知添!! 因你話你都係天主教, 以前有去教堂習慣嗎!!
~我幾日食齋都會ok架!! 太長時間無肉, 我感覺唔太好, 此終有肉有菜營養先均衡先.
香港tea time都見有朝九晚五....在「蛇竇 」tea緊! 也許是部分見完客或需外出工作的人士嘆件cake飲杯coffee既好時光!
ReplyDelete[版主回覆03/14/2013 11:46:25]zaza:
~其實,咩人都係一樣啦!!想忙裡可以偷閒下, 有時充下電, 人都會精神啲, 做事先有幹勁嘅!!!哈哈~~
孤陋寡聞, 真係唔知道原來天主教都要守齋啊
ReplyDelete食日本嘢, 食物新鮮好重要呀
[版主回覆03/14/2013 11:46:26]Jo姐姐:
~有架!! 天主教都有守齋架!! 但一年唔係好多日要守齋!! 而且, 天主教守齋,係可以食海鮮架!! 守齋嘅性質有啲唔同!!
~我好鐘意係溫哥華食日本野架!! 因溫哥華啲食材比較新鮮架! 一食就食得出!!
地球上幾大宗教都有一近似的原則 "守齋"
ReplyDelete有唔食牛, 唔食豬....甚至完全唔食肉....
[版主回覆03/14/2013 11:46:28]冬日Winter:
~守齋都係宗教裡面其中一個意式, 但其實,邊一個宗教,都係待人向善. 大家忠指都係一樣!!
i can easily eat vegetarian on any days, but if i know that i am not allowed to eat meat on a particular day, then i feel like eating meat
ReplyDelete[版主回覆03/14/2013 11:46:30]Mrs. Tin Tin
~我都可以邊一日食全齋都得架!! 但長期就唔會啦!! 因我此終都覺人係要有肉有菜,身體先有足夠營養!!
~不過,人就係咁, 平時無特別規定食咩, 真係齋食菜一日都得. 但如果有限定食咩時, 個心就會好想動搖. 哈~~ 其實, 守齋個日經過一間燒蠟鋪,攪到我都想食燒肉&叉燒!!!哈哈~~
You guys are thinking about moving to Vancouver?
ReplyDeleteVancouver is my husband dream location to live!
[HM回覆03/16/2013 02:28:49]The houses are so expenisve in Vancouver; otherwise, we might move there
[版主回覆03/15/2013 05:41:16]HM:
~係呀!! 計劃緊搬去溫哥華居住呀!!
~咁你先生咁鐘意溫哥華, 你哋有無打算搬去呀??
原來溫哥華都有蛇竇
ReplyDelete啲 ROLLS 實在太吸引喇
[版主回覆03/15/2013 05:42:08]Angela:
~我估係蛇竇咋!! 因為間甜品店, 閒日時段,坐咗好多白領囉!!哈哈~~
~我都係超級鐘意食Roll, 一食Roll 都可以食好多粒.哈哈~~
When will you move to Vancouver ? The Japanese dinner is yummy ! Good to live in Van as there are good Japanese and Chinese food.
ReplyDelete[版主回覆03/15/2013 05:41:15]Happy Girl:
~都要下年先搬啦!! 但依家都暗暗地倒數緊啦!! 哈哈~~
~係溫哥華食日本野, 真係好新鮮,選擇又多, 而且又好好味!!
原來天主教徙要守齋架? 真係唔知呢.....
ReplyDelete[版主回覆03/15/2013 05:42:08]samsamdandan:
~要架!! 不過,一年裡面,都係得幾日要守齋!!而且, 天主教守齋,係可以食海鮮類嘅食物架!!
我真係有諗過茹素架!一來健康啲,二來體態輕盈啲!
ReplyDelete[版主回覆03/15/2013 05:41:21]mabel:
~全食齋,又唔係太好, 人此終要有肉有菜, 身體先會有足夠營養!!
~其實,要輕盈,都係要做運動!!但我太懶, 仲未抱起心肝去做!
我岩岩來美國時，見到有人係額上有灰，仲以為污糟左，哈哈！ 海鮮真係要新鮮先好味，曾幾何時去過日本，個D魚生真係即劏即食，個種鮮味真係好難形容，好好味呀
ReplyDelete[版主回覆03/15/2013 05:41:23]Mrs. Wu:
~其實,額上啲灰, 去完彌撒都可以抹走架啦!! 但有啲人就keep 住成日. 所以,會被人誤會額頭污糟咗囉!! 哈哈~~
~好羨慕你,你以前去過日本, 我都唔知幾想去一次!!
~新鮮嘅野,一食就食得出隻鮮味!!
魚湯米線好正喎！
ReplyDelete[版主回覆03/15/2013 12:04:29]Flora:
~碗魚湯米線, 真係唔錯!! 好好味架!!