February 11,2013 (Monday)
一朝早收到航空公司電話, 原來, 我哋啲行李, 已經到達咗溫哥華, 運送人員還開始運送緊, 我哋件行李去我哋所要求運送嘅地址. ----即係Brian's 屋企!!
聽到感覺好鼓舞呀!! 原來航空公司真係有做野架!! 而且, 又幾有效率, 兩日就運到!! 回想返早兩日(年廿八), 係多倫多機場, 全個離境大堂, 片地行李, 排隊人籠, 打晒蛇餅, 真是一片混亂!!
所以, 我哋兩個行李能追縱到. 順利返回我身邊, 真是要讚一讚航空公司!! 嘻! 不過, 聽身邊做過航空公司嘅人講, 航空公司對追縱行李, 真係有一套好完善嘅方法! 叫我唔洗驚喎......雖則行李追縱方法比較完善, 但我當然唔想再有依啲情況再發生啦!!
但好彩依次坐飛機嘅目的地是---溫哥華. 是一個熟識嘅地方. 人到了溫哥華, 行李滯留, 都可以係溫哥華, 知訂買返啲日常用,方便好多.
而這天, 我哋要坐在家等待行李的原故, 所以, 這天沒有出外, 留在Brian 家中吃午餐.
其實, 咁仲好, 可以清下Brian家中個雪櫃. 因為, 新年期間, 雪櫃有好多賀年食品, 年糕都有幾抵.
↓在煎糕中, 我百掛入咗廚房睇(相中左手面果個人, 就係我!!)
↓今年, Brian 都有由多倫多買啲年糕去溫哥華, 這天午餐就係食依隻年糕.......而食食下午餐, 門鐘就響, 航空公司工作人員送到個行李去到門口!! 可以有衫替換啦!! 哈哈~~
由於, 我哋預咗一整天時間, 坐係Brian's 家等待行李運送. 因此, 這天Brian's 父母完全沒有被任何人約食飯.
到晚餐時, 我哋四個, (Brian's 父母, Brian and 我)可以得四個人, 選擇我哋想食嘅野. 講真, 食飯時, 要應酬,應酬得太多, 都幾攰架!!
最後, 我哋揀咗去食日式鐵版燒! 依間, 餐店世界好多地方都有, 但加拿大只有溫哥華才有. 所以, 黎到溫哥華, 當然要去幫襯下啦!!
雖然當日閒日, 仲Book 咗位, 去到仲要等一倫位, 但我哋都照等. 因為我& Brian 都好鐘意依啲日式鐵版燒.
↓日式鐵版燒, 就係依一間, 而家出咗好多特價餐, 閒日去食, 越食越抵食!!哈哈~~
↓日式鐵版燒, 都有熟食, 食咗牛油果蝦沙律, 日式香腸
↓熟食, ---甜薯條, 金槍魚配炸飯
↓仲食了石頭飯, 還飲了三大咋啤酒 (其實, 四個人裡面, 得三個飲, 所以, 差唔多一人一咋beer)
↓開始燒呀燒......啲日式醬了醃得好野味, 其實, 知道返屋企會口渴, 但都照食!!
↓還燒了蝦和牛肉
↓甜品時間----自己磨芝麻, 自己燒豆沙魚餅, 還有黑芝麻雪糕
↓甜品仲食咗日本人新年食嘅Mochi. 啲Mochi 都要自己燒...........食完好開心!! 嘻
你好似之前去過啦，你真係好中意食日式野，嘻嘻，我地呢邊都有一間，不過我食完都覺得吾太飽，所以都費事再去lu
ReplyDelete好好彩呀，咁快拎番D行李，我個次去Hawaii, 去完旅行返到屋企仲要等左一排先寄番比我，我開頭都打定輸數，不過好彩搵番咋，勁開心！
[版主回覆03/12/2013 10:41:05]Mrs. Wu:
~係呀!我真係幾鐘意食日本野架!! 我次次去牛角, 都食到好滿足架!! 但我都係等到去溫哥華先有得食,因為多倫多無依類形嘅食店架!!
~我都有睇你上次寫Hawaii 啲BLOG. 我都知你臨時臨急, 啲ground staff 要你寄行李. 之後, 又唔見埋. 我當時讀完你寫篇blog, 我都登你驚. 因為你去旅行喎!!真係唔知地方買隨身物嗎!! 好彩你後尾都揾得返!!
~今次, 用兩日時間, 個行李返黎我身邊, 我都好興奮, 因為我估唔到航空公司會咁有效率!! Happy!!
牛角係香港都有好多分店，我一次都未食過呢
ReplyDelete[版主回覆03/12/2013 10:42:08]Oli:
~我諗香港嘅食市, 實在太多選擇! 日日食唔同野都得!!! 嘻
上年去食燒肉, 滯到我CC吓
ReplyDelete好彩有LADY M 嘅綠茶千層批做甜品咋
[版主回覆03/12/2013 10:41:08]Jo姐姐:
~ 佢啲燒肉 又真係幾美味, 我每次去必order 架!!
~我覺女士真係有個甜品胃, 主餐食到幾多, 到甜品時, 又會食到....你講個果綠茶千層批, 又幾特別. 仲可以消滯添!! 嘻
真好了，拎番件行李，good 呀
ReplyDelete個廚房好大大大大大大大啊。。。
[版主回覆03/12/2013 11:17:07]samsamdandan:
~我都好開心, 可以兩日之後可以拎返件行李, 真係估唔到航空公司都幾有效率!!
~外國地域比較大, 所以, 有比較多地方建築房屋, 外國啲屋係咁架啦!!
搵返行李就好！好彩去Brian's屋企，如果唔係行李未到，更加唔方便！
ReplyDelete[版主回覆03/12/2013 11:16:52]ccKitty:
~真係好開心, 兩日就ship返件行李比我, 航空公司真係有效率好多!!!
~你講得無錯!! 今次坐飛機, 好彩去Brian 屋企咋!! 所以, 買啲隨身物資, 比較容易啲!!
Vicky , 睇相, 這個日式爐端燒又幾似韓燒....!
ReplyDelete[版主回覆03/12/2013 11:16:53]冬日Winter:
都幾似韓燒, 但餐前有日式熟食,而燒個啲肉, 係用日式醬汁醃, 所以, 無韓燒啲肉咁辣!!
拎返行李就好了~估唔到牛角有咁多分店~仲未去食呀~!
ReplyDelete[版主回覆03/12/2013 11:16:55]素會員:
~我都好開心, 可以係兩日之後拎返件行李, 航空公司真係好快手!! 嘻!!
~我知香港有"牛角", 你有機會都試下!!我自己就好鐘意食, 不過要等我去溫哥華先有得食, 因為多倫多依邊無依類日式燒肉店架!! 所以, 我一去溫哥華, 都好想食"牛角".嘻
Airline is very efficient now. Good that luggage arrived two days later.
ReplyDeleteThe BBQ dinner is yummy ! There are a big variety of food ! I like the 豆沙魚餅!.
[版主回覆03/12/2013 11:16:57]Happy Girl:
~我初頭以為多倫多啲天氣比較差, 航空公司係揾行李方面, 手腳會無咁快!! 點知兩日之後就收到電話, 仲ship到我身邊!! 真係好開心!! 而家啲航空公司, 真係快手咗好多!!
~溫哥華嘅食品選擇比較多, 而且, 食材比較新鮮. 我都幾鐘意係溫哥華食野!! 哈哈~而個豆沙魚餅, 用爐燒過, 真係特別好食. 香好多!!