Las Vegas ---Last Day睇show & 執行李

December 23,2012 (Sunday)


這天, 算是在Las Vegas 最後一日啦!!

因為第二朝就要check out酒店, 去機場,坐飛機返溫哥華啦!!

好玩嘅野, 幾時都係過得特別快!!  (如果有份工, 能夠比到依個感覺比我. 就非常好啦!!)

縱使係最後一日係Las Vegas. 但仍然會玩盡每分鐘.

這天, 重點就是去Las Vegas 其中一間酒店裡面嘅Theatre 睇show(雜技表演). 我哋晨早係網上買了票. 畫了位. 只是在Las Vegas 某地方pick up 啲票.  就可以享受很有名氣的雜技表演團 (Cirque de Soleil)

在Las Vegas 酒店林立, 差不多每間酒店, 都有一團表演者係酒店內的劇院座陣. 真是大大小小, 有無名氣的表演 or 雜技表演. 都可以Las Vegas 揾到.

所以, 每一次黎Las Vegas旅行. 行程表內, 一定有睇show, 依個環節!


↓睇show




----------------------------------------------------------------------------

睇show 就係入夜先睇............講返依日, 係朝早點過.

這天, 一朝早, 就出咗酒店. 因為Brian 超級唔捨得Las Vegas. 黎咗六日啦!! 講真, 咩都夠皮啦!!  但佢仍是很依依不捨嘅心情. Brian點都話要, 享受盡每一樣野. 先心息.  由朝早開始, 我同Brian, 真係喺Las Vegas 行足一日. 比佢享受Las Vegas 所有熱鬧氣氛!!

而且, 在這天, 我們去到邊一達地方, Brian都要影相留念. Brian真係完全好唔捨得Las Vegas 呀.

其實, Brian 真係好鐘意熱鬧和方便. 這方面, Las Vegas 比到佢. 所以, 他千般不捨Las Vegas!!

↓這杯Cafe Mocha--- 係Brian 至愛, 早餐時, 點都要飲一大杯. 我就欣賞, Las Vegas 嘅室內裝修, 食個早餐都開心啲.

↓食完早餐, 就行出酒店, 周處行下, 行返夠本. 感染一切Las Vegas 嘅熱鬧. 影晒一切Las Vegas 景色.  (酒店下面嘅巨大噴水池.和Las Vegas 大街上的聖誕燈柱嘅玻璃裝飾)

↓身後個特別建築物,係大型商場黎架!! 我哋日日都行一次. 依家臨走個日, 都唔例外, 再行一次, 但個商場太大, 仲未行得晒. 哈哈~~

↓人造瀑布--又係每日經過一次, 所以, 點都要影返張相留念....還有酒店下面嘅天橋, 連接埋扶手電梯, 就係每日經過嘅地方. 所以, Brian 一定要影張留念

↓威尼斯人酒店, 室內嘅裝修,真係好似身在威尼斯一樣. 由於, 我哋住威尼斯其下新酒店Palazoo. 所以, 又係日日經過, 依啲威尼斯景色先返到酒店休息. 因此, Brian 係度係咁影.

↓360度影威尼斯人酒店裡面嘅景色

↓Lunch time 食咗旅遊書介紹嘅著名hotdog. 依間hotdog 店又係威尼斯人酒店裡面, 同我哋住間酒店咁近, 當然去試下啦!! .....美國啲hotdog 真的不錯! 大隻+熱辣辣. 而且, 醬料仲任吱. 幾好玩嘅!!哈

↓下午茶, 去Haagen-Dazs 鋪頭食雪糕. 其實, Haagen-Dazs係無咩特別, 但加拿大係無Haagen-Dazs鋪頭架!! 平時, 我係加拿大食Haagen-Dazs 都只係去超級市場買家庭裝食.  所以, 難得見到美國有Haagen-Dazs 鋪頭, 有埋特別組合嘅雪糕食. 當然要食下.

↓傍晚, 返回酒店執下啲行李. 執完先知, 仲有啲位剩, 所以, 便再去Sanrio一躺, 買野. 最難得Brian都叫我買. 我當然去買啦!! Super Happy! 買到一大袋,一小袋...Yeah!!

↓晚餐, 去了Palazoo 酒店, 即今次住間酒店樓下嘅中餐部, 吃中餐. (因為同行的另一家人, 很喜歡吃中餐)

入夜, 終於到今日嘅重點. 去了Aria 酒店裡面嘅Theater 睇雜技表演. 裡面場管坐得好舒服, 個雜技表演都不錯!! 由於, 場管內不能拍照, 所以, 我好合作,  一開場, 就收埋咗個影機呀!! 其實,我覺唔渣相機, 仲睇得投入!!

↓我睇咗Zarkana嘅雜技表演 (係雜技集團---Cirque du Soleil其下的一個雜技表演)...而紅檔檔嘅地方, 就係睇show嘅場管

睇完show, 啲大人就係Aria 酒店玩兩手, 我係一個唔多願賭嘅人. 玩下老虎機就係我極限. 所以, 大人玩兩手時, 我就係賭場則邊啲鋪頭行下.

Aria 酒店裡頭嘅室內設計好新穎架!! 可能新啦!! 營業歷史只得幾年. 真係咩都新啲. 連賭場則邊啲鋪頭, 都特別過人

↓Aria 酒店有個food court section係用蛋糕做主題. 所以裝飾都用大大個蛋糕,而且啲蛋糕顏色又色彩繽紛. 好吸引呀!!啲蛋糕係裝飾黎架!! 有大大棵聖誕蛋糕



↓仲有好多好多靚靚大蛋糕, 攪到我都想食返件蛋糕...哈哈~~

↓Las Vegas就係想人賭, 周圍都是賭場, 行行下啲鋪頭, 就見到老虎機, 而賭場仲要越夜越多人添!!

由於, Brian 好唔捨得Las Vegas. 所以, 有車坐都唔坐. 令願自己行路返酒店. 沿途就可以一邊行Las Vegas 嘅旅遊大街, 一邊欣賞酒店, 一邊影相留念,一邊感受Las Vegas 熱鬧嘅氣氛.

好彩,我都鐘意行路. 所以, 我都同Brian 一齊癲. 一齊慢遊Las Vegas 條五光十色嘅大街.


↓Aria 酒店

↓Cosmopolitan酒店.....我身後係Crystal galleria商場, 半夜仲有鋪頭開. 好得人嚇. 啲售貨員好似唔洗休息咁

↓見到有支巨型玫瑰, 所以影低...............我哋係Las Vegas 就係成日行天橋,周圍通黎通去. 深夜都仍然大把人行.  我覺而家Las Vegas 多咗好多行人天橋, 啲行人天橋, 真係一條接一條. 通到好多地方. 所以, 我覺今次去Las Vegas 去多咗好多地方, 而且, 行得舒服咗. 可能就係因為有行人天橋行

↓無幾耐, 就行到返酒店. 住得依度, 當然影多幾張相留念

↓我手指, 係指住Las Vegas 個街牌, 我哋日日都行架!! 最後,到達Palazoo,今次係Las Vegas 住嘅酒店門口,影返張相.

最後有件事, 一定要做嘅!! 應該話, 每次離境去旅行都要做....... 就係將所有購物單據group埋, 計算係美國購物時嘅總數. 因返到加拿大過海關, 要把外國買回加拿大的物品打稅. 所以, group好每張美國購物單據, 還例埋購物貨品嘅名稱, 以便在加拿大海關人員收取購物稅.   我每次都報清所有數架!

不過今次, 我真的有點發咗癲, 真係可以有一堆單係手袋裡面, 而且, 張張單都長到不得了. 計完一大邏數, 仲要執行李. 真係一韃落床就自然瞓得!!! 

↓今次, 齋係我購物嘅單據, 真係唔覺唔覺, 一大堆!!!

Bye Bye ~~ Las Vegas!!