December 19,2012 (Wednesday)
黎得美國---拉斯維加斯. 真是去到邊都見到賭檯和老虎機.
一落去酒店大堂, 就要經過無數賭檯, 先出到酒店.
而我哋每日都好合拍, 早一早便起身食早餐, 就出去感受Las Vegas 啦!! 哈哈~~
↓酒店下面嘅餐廳, 周圍都見到老虎機
↓同老虎機, 十幾步之隔, 食早餐 (美國啲野食好大件, 啲Muffin 好大件, 杯parfait好大杯, 我一早叫Brian 買杯最細杯嘅Parfait 比我, 原來相中杯Parfait已經係最細
!!)
去旅行, 總有幾樣野要做---- 觀光, 飲飲食食和購物. 由其事購物, 我哋真係有個心,預咗黎美國購物. 所以, 第一站就去Caesars palace酒店裡頭嘅Forums shop 行街.
雖然, Forums shop 是一個室內購物中心, 但心理上, 就有如在室外行街一樣. Las Vegas 好多酒店裡面嘅購物中心, 都整到個天花, 係藍天與白雲咁嘅款. 真係行到天黑都唔知!! 哈哈~~
美國啲野真係比加拿大便宜. 齋望個標價, 已經比加拿大低價好多. 而且, 還正直聖誕節. 好多商品, 都on sale. 真係好快手就咗一堆化妝品和買咗一對鞋.
我還是第一次, 擁有UGG 鞋呢!! 哈哈~~
↓Caesars Palace 酒店裡頭嘅購物中心(Forums Shops)
↓天花係藍天與白雲
↓啲藍天與白雲, 越夜越光猛. 真係shop到幾點都唔知!!
↓我買咗對紅色UGG(即着), Brian's mom 買咗shocking pink UGG又係即着 (Brian's mom 對UGG係童裝, 所以, 鞋後面有絲帶蝴蝶,我都想買, 但我對腳, 只可以着到成人版UGG)
真係購物中心裡頭啲, 藍天與白雲嘅天花累事, 係咁二行下, 就唔覺唔覺行到午餐時間都過去咗, 所以, 最後, 就好簡單食個hotdog 當下午茶餐.
↓美國最basic 啲hotdog 都好大件呀!! 我哋諗住唔好食hotdog 咁單調, 所以, 叫兩客薯條, 四個人share 食,點知又出事, 啲薯條係用個藍裝住. 真係好大兜薯條呀!! 係就係好食, 但吃不了.
行完美國嘅傳統購物中心. 我當然未心息啦!
午餐之後, 便去Outlet Mall 出發.
好彩, Brian's parents 也是和一樣, 對購物都有濃厚興趣!! 帶足腳骨力, 向美國Outlet Mall 前進. 哈哈~~
一去到Outlet Mall, 就見到全場都大減價!! 我哋四個在outlet mall 裡頭, 就出事啦!! 真係左手一袋, 右手又一袋!! 連平時, 無咩點買野嘅Brian's daddy!! 今次, 都起手買野!!
講真, 買到野, 啲野又岩自己, 真係好開心!! 哈哈~~
↓美國outlet mall (係室外架!! 但面積好大, 真係問定information desk 攞本地圖, 先識得點行). 買咗一堆戰利品!!!
↓買野真係好開心, 見到一袋袋購物袋...Happy~~
↓我哋對住啲戰利品, 幾開心~~ (我, Brian, and Brian's mom), 另一張相, 係Brian's daddy, Brian and Brian's mom
放完所有戰利品, 都唔想去太遠食dinner. 簡簡單單係酒店樓下, 其中一間餐廳吃晚餐.
我哋揀咗, 一間餐廳, 標榜可以睇到Las Vegas 街道嘅餐廳食飯.
侍應好好, 我哋無book 位, 都比我哋坐窗口位, 可以比我哋望住個, 五光十色嘅Las Vegas 熱鬧街道, 食晚飯..
↓行完街, 腳都攰, 在酒店樓下, 名叫"First" 餐廳食飯, .....還有裡面嘅環境
↓晚餐坐嘅位, 可以望到Las Vegas 嘅五光十色嘅街景
↓Brian and 我, 各叫了杯cocktail, 我個杯係粉紅色, 原本有cotton candy (棉花糖), 但影唔切, 啲棉花糖溶咗!!
↓頭盤Lollipop Buffalo Wings, 還有 Calamari
↓頭盤White truffle with crisp egg, 主菜Coconut Snapper (魚)
↓主菜: Lamb Osso Bucco (羊), 還有, 主菜 Blackened skirt Steak with egg
↓Brian's daddy 埋單時, 無帶筆, 用咗我支Hello kitty筆 簽單! 我覺好得意
其實, 食完一餐美國西餐, 真係好飽滿. 因為美國西餐, 蝶頭真係幾大. 但沿途行路返酒店, 行行下, 見到間雪糕店. 所以, 買一杯試下. 但我覺啲雪糕,比較甜!!!
↓雪糕店---食意大利雪糕 (但我覺似美式雪糕多啲)
↓我住嘅酒店係威尼斯其下的Palazzo 酒店, 所以, 實經過到, 威尼斯最有名的---水上小船. 夜麻麻, 都有好多旅客坐.
↓見到這隻會變色孔雀, 就知到達, 自己住嘅酒店--Palazzo, 這天, 又是行足一日.才返酒店
好靚呀~藍天與白雲既天花~感覺上有D同澳門既威尼斯人相似~但Forums shop睇落大好多靚好多~!好多戰利品正呀~!
ReplyDelete見到D食物好多都好大份喱XD
[版主回覆01/21/2013 12:46:23]素會員,
-澳門威尼斯人集團同美國威尼斯人集團, 是同一機構. 所以裡頭啲格局, 有點相同.
-但我未去過澳門, 所以唔知面積嘅差距, 但我鐘意美國拉斯維加斯嘅酒店配套, 酒店下面一定有大型購物中心, 又多食店. 又有theatre, 真係唔賭錢, 都大把娛樂.
-這日啲戰利品, 真係買得好開心, 而且又減價, 買得更加歡喜.
-我都唔明美國啲食物份量會咁大, 真係兩個人share 一個餐都夠食啦!
我都好中意shopping, shopping 大過天, 食hotdog都無問題, 最仲要係慳Ｄ時間買嘢.
ReplyDelete藍天白雲, 好似去咗澳門威尼斯酒店tim.
紅色UGG boot 好sharp, 有人陪買就會買Ｄ大膽Ｄ嘅色！睇見都好興奮！
[版主回覆01/22/2013 06:12:13]Alice:
~我都唔係成日shopping 嘅人, 但難得去旅行, 就會發癲一下!!哈哈~~
~我相信澳門係依幾年, 發展得好快, 很多美國酒店集團, 都去咗澳門, 大展權腳. 所以, 澳門啲酒店, 有點似Las Vegas 影子. 其實, 我20幾年前去過澳門. 當時, 都未有威尼斯酒店.
~我好多紅色鞋架!! 我唔知點解, 每隔幾年 就會買一次紅鞋架啦!! 感覺好容易襯衫, 又靚. 哈哈~~
~而我就係第一次擁有UGG鞋, 係多倫多着UGG, 真係好有用. 因為我而家-18℃呀!!
酒店裡頭嘅購物中心好靚呀
ReplyDelete我中意你對ugg呀，顏色好靚
[版主回覆01/22/2013 06:14:36]Ophelia:
~美國拉斯維加斯, 營造到咩娛樂都有嘅地方, 真係咩都靚過人, 咩都好行啲!!!
~我都係第一次擁有ugg 鞋, 依隻紅色ugg鞋, 我自己都好鐘意!!! 而且, 依對鞋仲好暖. 好岩而家冬天着!!
Really happy to shop and buy a lot of things ! The dinner is yummy !
ReplyDelete[版主回覆01/22/2013 06:14:38]Happy Girl:
~買野真係好開心!! 而且, Las Vegas 真係營造一個好好娛樂嘅氣氛嘅地方. 所以, shop得開心又食得開心!!
呢個mall好大同光（因為天空係藍色），入左去真係吾知幾點呀，哈哈！
ReplyDelete[版主回覆01/22/2013 06:14:39]Mrs. Wu:
~跟本就想人, 唔好走啦!! 室內做到光猛, 又藍天與白雲!! 心理上, 行耐咗都唔知!! 所以, 設計依個mall 個設計師, 好醒!!
識得同捨得洗錢，旅行都玩得開心啲！
ReplyDelete你哋真係買好多嘢呀，飛返 Vancouver 有無過重？
Brian Mommy 個樣又 cute 又 young， 著對粉紅色 UGG 都好襯。
你食晚飯幅相好靚呀，皮膚又好，旅行真係會令人容光煥發！
[版主回覆01/22/2013 06:14:41]Angela:
~我係加拿大都唔係成日買野, 但難得去到旅行, 就會shopping, 發癲下囉!!而且, 我去美國時, 大減價呀!! 忍唔住買囉!!
~好彩帶定empty行李去Las Vegas, 真係裝到滿晒返溫哥華呀!! 好得人嚇!!
~Brian's mom 好玩得, 有時仲活潑過好多後生!! 真係好好玩!!
~我鐘意Brian's mom 對ugg 多啲, 因為佢個對係shocking pink 黎架!!仲有蝴蝶係鞋尾, 但Brian's mom 個對係童裝黎架!! 我對腳太大, 一定要着成人版ugg. 因此, 我最後買咗紅色個對ugg
~0下!!我一啲都唔容光煥發呀! 我去旅行個樣好無神, 日日太早起身啦!! 不過, 多謝你讚我靚!! 哈哈~~~
我都估到你一定喺JC大出血！
ReplyDelete[版主回覆01/22/2013 06:15:08]Ceci:
~我都以為自己會係JC 大買定買!! 但反而今次係JC 又唔係買太多野!! 但今次去Las Vegas, 日日都買下依樣, 買下個樣!! 咁先大出血呀!!
我好鬼鐘意食大大份美式嘢，不過好鬼肥
ReplyDelete見到妳血併，好羨慕丫
[版主回覆01/22/2013 06:14:45]Oli:
~我好怕美國啲野, 太大份, 食得晒就話好, 但食唔晒, 好浪費!!
~我平時, 係自己居住嘅地方, 真係好少買野比自己架!! 但難得去旅行, 就會發癲一下!! 你唔洗羨慕我, 我見你舊年去德國都買得好開心呢!!
最開心莫過於與用行者齊齊掃貨!
ReplyDelete[版主回覆01/22/2013 06:14:56]zaza:
~係呀!!最開心大家都肯行, 肯shopping!! 咁樣去旅行先開心快樂!
嘩，好開心呀，真係買左勁多野：）
ReplyDeleteUGG好靚呀，粉紅色is super：）
[版主回覆01/22/2013 06:15:53]samsamdandan:
~我平時都唔係成日shopping 啲人黎架!! 但難得去旅行,就會發癲下!! 而且, 今次去旅行, 當地正值大減價, 所以, 好好shop呢!! 哈哈~~
~我都第一次擁有ugg 鞋, 我好鐘意依對紅色UGG, 好容易襯衫, 又溫暖呢!!
Nice shopping! I have not been to an outlet mall before. When you will come to France, you will have a totally different experience about food and shopping
ReplyDelete[版主回覆01/22/2013 06:41:48]Mrs. Tin Tin:
~我而家都期待去法國之旅呀!!
SHOPPING滿載而歸真係好開心呀
ReplyDelete粉紅UGG 好靚靚呢
[版主回覆01/22/2013 06:40:54]Jo姐姐:
~真係架!! Shopping 買到合適自己嘅野, 真係好開心!! 但最開心係, 我哋四個, 都肯周圍行, 周圍去!! 去旅行去得投入!!
~我都係頭一次擁有UGG 鞋, 我自己都好鐘意呀!! 而家我依邊-18℃, 真係好岩着!!哈~
I love your uggs!
ReplyDelete[版主回覆01/22/2013 06:40:56]HM:
~Thank you!!
~我自己都好鐘意依對UGG, 好暖呀!!
Vicky , 你們買了咁多袋大豐收啊 ! 購物商場佈罝得好靚 .
ReplyDelete[版主回覆01/22/2013 06:40:58]ak:
~今次去Las Vegas, 正值減價, 真係唔覺唔覺買咗好多袋, 但買到適合自己嘅野, 都好開心!!
~就係因為購物商場, 咩都靚, 真係唔覺唔覺行耐咗, 都唔知!!哈哈~
Vicky....購物和美食....就是旅行最開心時刻..!!
ReplyDelete請問 "Buffalo Wings" 即是什麼食物 ?
[版主回覆01/22/2013 06:40:59]冬日Winter:
~ Buffalo Wings= 辣汁雞翼 + blue cheese sauce!!
i miss vegas shopping!
ReplyDelete[版主回覆01/22/2013 06:41:07]Mr & Mrs. Leung:
~我都係呀!! 美國啲野, 比較多款, 又肯減價, 做消費者買得更開心!!
Very nice ugg boot :)
ReplyDelete[版主回覆01/26/2013 02:24:15]Floflo
-我都試過打完篇blog 冇曬嘅經驗, 當時真係好嬲㗎! .....好冇心機.搞到我要用第二日時間寫過.可能,隔多陣, 你有嘢想記低呢, 其實我blog 係一個好地方, 記錄低我生活嘅點滴. 有時睇返, 會好開心.
-其實ugg 出咗咁耐, 我都係依家先買, 因我初頭好驚自己現有嘅衫唔襯ugg 鞋. 但Ugg 真係暖笠笠, 真係好啱日日負十幾度嘅多倫多著, 嘻. 而且美國賣ugg 平過加拿大好多. 美國嘅原價都巳經平過加拿大啦!
-香港凍起時都好凍㗎! 有機會你都買一對, 當獎勵自己啦! 嘻
[flo flo回覆01/22/2013 13:27:23]vicky, 多謝你的問侯呀. 前2天我見好耐無update個blog就打算update近況,快完成時竟然hang機, 真是激死人了...一怒之下就無再continue...
雖然hk唔凍,但我最近都打算買對ugg boot, 感覺好cute呀
我都好喜歡你呢個款同color, nice pick
[版主回覆01/22/2013 06:41:07]floflo:
~你近排點呀!!
~Thank you, 我自己都係頭一次擁有ugg, 我自己都好鐘意依對boot!! 真係可以保暖!! 我依家依邊-18℃, 真係要好岩着ugg!!
Was it too hot to waer the UGG??
ReplyDelete[版主回覆01/30/2013 23:17:39]Big daddy,
-bingo, 係vegas 朝早, 有太陽著UGG , 係會熱d. 但夜晚著UGG 就ok.