December 17,2012 (Monday)
每年聖誕假期黎溫哥華, 我都覺在溫哥華, 都唔係重點. 因為, 我在溫哥華逗留幾日, 又要坐飛機. 去外地過聖誕節!!
去外地過節--- 觀光, 購物和飲飲食食. .....依啲當然係唔少得.
而且, 在聖誕假日裡, 很多觀光景點和食市, 都要額外人多. Book 位和預訂. 就走唔甩.
因此, 在溫哥華頭幾天, 我和Brian 都狂上網, 進行聖誕旅行的一切準備!!
其實, 要Book 位和預訂. 還有格價. 工夫都不少.
但旅行, 就係要有依啲準備, 安排好一切, 才玩得夠盡興.
這天, 由食早餐, 便開始做這些功夫. 一路book 到中午. 才衝衝忙忙出街食lunch.
↓不知我是否住了零下氣溫的地方太久, 來到溫哥華零上溫度的冬天, 就算是下雨天, 我都覺「好好多」!! 起碼, 我洗揹着厚頸巾, 唔洗時時刻刻帶手套, 這種輕便, 感覺舒服好多.
↓午餐去了吃雲吞麵, 有着香港的雲吞麵味!!
↓午餐之後, 去了港式商場, 很少在外國經營的港式商場會咁自然, 咁潔淨. 起碼, 沒有cheap 的感覺.
↓買了點零食去聖誕旅行時吃 (其實, 啲零食是Brian's mom 的, 但Brian's daddy 不太允許Brian's mom 吃太多甜吃. 所以, Brian's mom會叫我靜靜雞幫她買!!). 來到溫哥華, 日貨品也比較多. 我又買到Hello kitty 物品. 哈哈~~
↓由於, 就去聖誕旅行, 都不太方便買餸吃, 晚餐, 又出外吃. 吃了沙律蝦(美味), 梅菜肉碎蒸茄子(好野味)
↓估魯肉(炸得脆) 和 薑汁炒芥蘭 (好鐘意啲薑汁味)
↓我都估唔到Brian 影咗依張相, 其實,我和Brian's mom 都係見未開飯前, 上網摷聖誕旅行啲資料. 所以, 變了低頭族, 哈哈~~~
↓估魯肉(炸得脆) 和 薑汁炒芥蘭 (好鐘意啲薑汁味)
↓我都估唔到Brian 影咗依張相, 其實,我和Brian's mom 都係見未開飯前, 上網摷聖誕旅行啲資料. 所以, 變了低頭族, 哈哈~~~
好有香港風味的地道小菜睇落唔錯喎
ReplyDelete[版主回覆01/16/2013 07:40:57]Oli:
加拿大溫哥華, 係最近亞洲地方, 亞洲人黎加拿大, 第一個到達加拿大嘅地方,就是溫哥華. 很多香港人, 日本人,韓國人, 而家有埋啲強國人. 所以, 係溫哥華好多香港風味小食. 我聽好多香港朋友講, 係溫哥華食香港野, 可以找到香港以往香港惜日嘅風味添!! 而且, 溫哥華近海洋, 啲食物原材料, 真係感覺到新鮮啲!!
在外國有香港風味的地道小菜都算好喇！
ReplyDelete[版主回覆01/16/2013 08:52:14]Flora:
~加拿大都係多亞洲人移民嘅地方!! 真係比較多香港地道小菜吃!! 不過, 係溫哥華地理位置比好, 近海洋, 食材已經好新鮮!! 所以, 食物味道額外好!!
~我都明, 有啲外國地方,真係無咩中菜食, 所以, 係加拿大啲外國地方, 有中菜吃, 而且, 味道都唔差. 真係好好!!
Vivky, 現這時代，上網找資料又方便，又可即時預訂，怎可代替呢！
ReplyDelete[版主回覆01/16/2013 08:52:16]冬日Winter:
~我都覺呀!!依家什麼東西都能上網攪掂, 真係方便好多!!
Yummy!
ReplyDelete[版主回覆01/16/2013 08:52:17]HM:
~加拿大--溫哥華近海洋, 食材已經好新鮮!! 再加好多亞洲人移民去溫哥華. 所以, 溫哥華啲野食, 真係好Yummy!!
現今科技真係帶來不少方便！
ReplyDelete[版主回覆01/16/2013 08:52:19]ccKitty:
依家, 好多地方嘅網上資料已經好完善, 所以 什麼東西都能上網辦好, 真係好方便!! 因此, 而家嘅internet, 真係生活上唔少得嘅野!!
哈哈，而家有邊個吾係低頭一族？係subway上，個個都有iphone係手
ReplyDelete[版主回覆01/16/2013 08:52:23]Mrs Wu:
我哋加拿大--多倫多嘅地鐵, 係無同任何電訊網絡商合作, 所以, 多倫多嘅地鐵, 係好似密室咁. 上唔到網, 又打唔到手提電話架!!所以, 返工時,坐地鐵,係無人做低頭一族. 因為無signal.
麥奀家.....好有麥奀記既感覺...果然好港式呀~
ReplyDelete而加HK每個都係低頭族~特別係搭車時~XD
[版主回覆01/17/2013 09:54:44]素會員,
-其實溫哥華都有一間麥奀記㗎! 我都去過食. 真係香港間麥奀記後人開,啲麵一樣咁有香港味道
-我聽人講, 有d麥奀記啲成員有 d argue. 所以, 麥奀記部份後人, 自設門戶,開咗間麥奀家. 但D雲吞麵味道同麥奀記一樣. 而我睇下邊度就腳, 就去邊間食. 因兩間d 麵都美味
-而家唔止坐車, 連食飯, 都好多人係低頭族, 哈
個MALL幾好咁， 好過 Pacific Mall
ReplyDelete我同 Dondon 有共識，一齊食飯唔準用手機。
[版主回覆01/17/2013 10:24:29]Angela,
-個mall 仲好過西式mall. 乾淨又整潔, 又有條理, 係外國d 中式mall. 溫哥華依個中式, 算好perfect. 我都好鐘意行, 次次都係依個靚靚港式mall 放下一d 大洋. 哈哈.
-其實, 我好少出街用手機, 因我對電子產品知識好有限㗎咋! 哈
Vicky ,
ReplyDelete現在香港無論任何地方都見到大部份人都係低頭族 , 而且有時佢地會無端端笑或好興奮起來 , 因為佢地大部份都係打緊遊戲 .
[版主回覆01/18/2013 01:26:30]ak,
-電子產品真係咁吸引! 其實我都係好有需要先攞電話上綱check 資料. 平時部電話都係放係手袋.
我好朋友住溫哥華, 方便得好似住在香港一樣, 甚麼都有.
ReplyDelete[版主回覆01/19/2013 01:03:22]Alice,
-係地圖睇, 加拿大溫哥華, 係最近亞洲地方. 很多亞洲人去加拿大, 第一個著陸嘅地方就係溫哥華, 所以溫哥華好有亞洲文化. 香港人, 日本人都特別多, 仍成溫哥華, 很多亞洲嘅物資, 真係咩都有.
I have to visit Vancouver at once ....
ReplyDelete[版主回覆01/24/2013 07:06:27]表叔公:
~溫哥華真係幾舒服嘅城市!!你當時係冬天去,定夏天去??