December 24,2012 (Monday)
話咁快, 七日六夜嘅Las Vegas 之旅就完畢. 要起程返溫哥華啦!!
對我黎講, 返去溫哥華, 仍然是旅遊, 我個旅程, 仲有下半篇
但對Brian 黎講, 返溫哥華, 就代表---返屋企. 所以, 佢都唔知幾咁掛住Las Vegas, 真係想留多幾日先走!! Brian 唔捨得Las Vegas嘅情度比其他旅行國家更為利害, 佢係Las Vegas 臨check out 酒店前, 仲要去浸浴, 仲要嘆咖啡,買紀念品,仲行足酒店一大個圈, 先肯拖行李去機場. 乜Las Vegas 真係咁有吸引力到, 唔捨得走??
我又無特別唔捨得Las Vegas, 不過, 我未上機離開Las Vegas機場, Brian 已經靜靜雞同我講. 遲幾年會再組織下, 又再黎Las Vegas喎!!
0下!! 原來Las Vegas真係對Brian 黎講, 係咁特別架?? ....佢都係鐘意熱鬧大都會城市架啦!! 但我都無何否應Las Vegas真係好多野玩, 日日都見到唔同新事物. 日日都有新鮮感.
不過, 我令願去第二啲地方感染下, 都唔會時時去同個一地方.
Bye Bye--Las Vegas!!! (Brian話好快會再光臨....)
↓去到Las Vegas上機嘅閘口, 行李無過重 (Yeah!!), 一切安好, 可以等上機,返溫哥華!!!
↓預太多時間係機場, 所以, 係上機閘口附近揾間餐廳, 食個lunch!! 美國普通一間西餐廳, 啲食物份量好大碗, 好大蝶呀! 住加拿大, 啲食物份量唔係下下咁大架!!
↓食完野, 仲未夠鐘上機, 係閘口附近行咗陣, 買咗啲零食!!!有棉花糖朱古力和特別口味嘅M&M. (藍色: Pretrzel M&M, 白色:椰子M&M, 綠色:薄荷M&M)
一落機, 返到Vancouver, 就即刻去咗食中式晚餐.
Brian 屋企個邊嘅朋友, 已經訂咗一圍飯, 等我哋去食.
我發覺, 每次從外地返去溫哥華, 之後個一餐飯, 都一定吃中餐.
說實話, 都係溫哥華啲中餐好食啲. 有時, 我覺溫哥華啲中餐嘅味道, 都不輸蝕過香港!! 而且, 溫哥華地理位置好, 非常近海, 好多食材, 都新鮮啲.
↓由於, 同太多其他Auntie and Uncle 食, 我啲食物相, 都係求其快手影, 因唔想影響其他人夾餸......食了龍蝦麵,乳鴿
↓梅菜扣肉, 釀冬菰, 糯米飯,皮蛋酥(甜品)...其實,仲食咗好多野, 但唔好意思係一棚人面前影太多食物相
食完飯, 返到Brian係溫哥華嘅屋企, 我就開行李. 執下野, 洗下衫.
望返自己今次係Las Vegas 嘅戰積, 我確實買咗好多野....(有少少擔心, 由溫哥華返去多倫多個程機, 應該點執行李好!!)
其實, 我今次係Las Vegas, 我係預咗購物, 但自己都估唔到自己, 會購物得如此利害. 今次, 真係所有帶去嘅現鈔,都用光, 還要刷卡呢!!
唔計Hello kitty嘅物品, 衫褲裙鞋和其他紀念品, 我都買了一大堆. 好彩帶個空喼去Las Vegas!! 如果唔係, 我諗我要買個新喼, 先返到溫哥華!!
不過, 旅行就係要咁樣瘋癲下, 食下野, 買下野, 先會玩得暢快. 哈哈~~~
↓其他戰利品唔逐一影啦!! 剩係影下今次係Las Vegas 買咗咩Hello kitty 啦!! ......買買埋埋一大堆,......有Hello Kitty 手提電話套和一個電話音響防塵裝飾
↓一個有衫換嘅Hello kitty 公仔.......換完衫, 就變咗Hello Kitty太空裝, 還有一隻細size 嘅灰色Hello Kitty公仔(因少見Hello Kitty 轉膚色, 所以買!!!)
↓Hello Kitty 化妝品用具, 我知加拿大有, 但美國平好多,還大把貨. 黑色炮紋Hello Kitty 係化妝掃, 棕色炮紋Hello Kitty蝴蝶結--係鏡, 粉紅色個包--係化妝貼頭髮夾,用完個髮型唔會變型.
↓Hello Kitty用具--- 洗手清潔液樽和剪刀........還有一個大型鬧鐘(25cm高)和一盞床頭燈(36 cm高). 鬧鐘和床頭燈, 最大型, 用咗個喼,好多位
↓Hello Kitty 月曆和盒裝紙巾套, 還有一隻Las Vegas 杯
↓兩個Hello Kitty公仔, 還有一個Hello Kitty+Las Vegas 嘅環保袋.由於, 今次去Las Vegas 嘅sanrio太多公仔售賣, 所以,忍唔住買公仔. 不過,我個心, 係想買啲實用啲嘅Hello Kitty 物品, 例如:杯, 蝶,碗. 但Las Vegas 間sanrio就無乜依啲貨!!但今次買到咁多Hello Kitty 物品,都好Happy~~
掃咗唔少KT嘢，係咪好滿足呢
ReplyDeleteBrian咁鐘意大都會城市，應該都適合香港生活喎
[版主回覆02/05/2013 08:22:08]Oli:
~其實,我都係有啲貪心, 如果掃埋多啲Hello Kitty 用具就更開心!!哈哈~但今次都掃得好開心!! 因為好多Hello Kitty 都好靚靚
~Brian 好奇怪, 佢唔鐘意香港架!! 所以,點都唔會返!!
大約7-8年前我哋再去Van, 都覺得那裡嘅點心、中菜媲美HK!
ReplyDelete[zaza回覆02/05/2013 10:14:07]知道你住多倫多! 不過, 你上文有提溫哥華啲中餐好食, 我都覺得係, 呼應吓!
當年港人移民潮去溫哥華, 當中有唔少點心及中菜名廚被重金挖角過去那邊呢! 故此, 我都認同你話溫哥華中餐都不輸蝕過香港!
[版主回覆02/05/2013 08:22:09]zaza:
~我其實住係多倫多架!! 初頭,我都覺多倫多啲中餐都過得去,但當我食咗溫哥華啲中餐,就覺溫哥華嘅中餐,更加好味!! 可能亞洲人黎加拿大, 第一個接觸嘅地方就係溫哥華, 所以, 中餐嘅味道和風格, 同亞洲好近似. 而且, 真係很多溫哥華移民去溫哥華呢!! 所以, 溫哥華的美食,真的不錯!!
~你7-8 年前去過Vancouver, 在食方面,你應會好享受!!
WA~好多KITTY物品~KAWAII~
ReplyDelete椰子同薄荷M&M都好特別呀~想試~如果HK有就好了~
[版主回覆02/05/2013 08:22:12]素會員:
~可以買到正版Hello kitty嘅物品, 真係好開心!! 其實, 好多Hello Kitty 用品, 都可以用得着,令自己平時生活更加開心添!!
~椰子M&M 都ok, 我應該下次會買多啲!
~其實,香港都好多款零食, 我見你都好享受好多零食!!
你真係掃左好多HeIIo Kitty用品………
ReplyDelete[版主回覆02/05/2013 08:22:56]mabel:
~我太鐘意Hello kitty 架!!平時, 都能用到某Hello Kitty 用品,令生活上更開心!! 哈哈~~
椰子M&M，一定好好味啦
ReplyDelete[版主回覆02/05/2013 08:22:19]samsamdandan:
~無錯!! M&M 椰子味嘅味道都幾特別. 有機會都會買多啲!! 哈哈~
好勁呀,應該係一部份唔止咐少。
ReplyDelete[版主回覆02/05/2013 08:22:22]lily:
~可能加拿大依邊啲貨品價錢嘅定價好高嘅!! 我平時係加拿大都唔太捨得買野架!! 難得今次去美國, 而且美國啲定價又唔高, 又做緊大減價, 所以, 買得更加瘋..哈哈~~ 所以, 今次去旅行真係買咗唔少野!!
嘩！好多戰利品呀,Hello Kitty我大女兒最愛收藏！
ReplyDelete[版主回覆02/05/2013 08:22:23]Flora:
~咁你大女兒, 一定存儲咗唔少Hello Kitty 啦!!哈哈~~
you are not far from Vegas. So, can go back anytime -- even for a long weekend.
ReplyDelete[版主回覆02/05/2013 08:22:26]Mrs. TinTin:
~我係溫哥華出發去Las Vegas 都係坐就兩個鐘頭機, 就去到Las Vegas, 但如果我由多倫多出發去Las Vegas 就一啲都唔近,至少6-7個鐘先到. 所以, 我如果係多倫多出發,未必時時plan 去Las Vegas 啦!!我係多倫多, 坐6-7個鐘頭機, 都令願spend 6-7頭機, 飛去到英國啦!!哈~~
~你去北美,真係好遙遠.....但有機會, 試下揾一年plan 一個長假去行下. 都會開心!!
我又係每次旅行完都唔捨得，但又寧願次次去唔同地方唔想重複。
ReplyDelete我多倫多朋友同我講，"多倫多中國食物好過 New York 100 倍， 溫哥華比多倫多再好 100 倍"
啲 Hello Kitty 相我逐張慢慢睇，好鍾意呀。 我已經買少咗好多， 因為同 1K 唔襯。
[版主回覆02/05/2013 08:22:28]Angela:
~我係一個好鐘意周圍去, 周圍試, 好鐘意新鮮感嘅人, 所以, 去旅行, 都鐘意去唔同地方, 唔想重覆. 但Las Vegas 已經去過幾次, 今次都再去, 因為依個地方, 真係次次去到.都覺新鮮感!! 哈~~
~你朋友用"多倫多中國食物好過 New York 100 倍， 溫哥華比多倫多再好 100 倍"形容得好好呀!! 我依家都掛住溫哥華啲食物呀!!
~我以前好忍得, 會唔係好捨得買Hello kitty物品, 但一買開, 就好想買!! 其實, 你鐘意都去買下啦!! 買買下就會好襯架啦!! 你個邊有間sanrio, 真係可以入去行個圈都開心晒!!!你知唔知, 我想去New York呀!! 因為你話New york 啲sanrio好多用具嗎!!
妳買了好多hello kitty物品!好靚呀！一定好開心！
ReplyDelete[版主回覆02/05/2013 08:40:08]Happy Girl:
~係架!! 越多Hello Kitty 係自己身邊, 真係會令生活更加有樂趣!!
I love your Hello Kitty purchases!
ReplyDelete[版主回覆02/05/2013 08:40:04]HM:
~Thanks!! 我自己都好鐘意自己今次Hello Kitty嘅物品!! 哈哈~~
好多hello kitty呀~~~你實好開心喇!!! 我勁想去Las Vegas呀....看電影看相片已經夠熱鬧吸引喇....可惜呀...攪個美國visa好麻煩呢...我又唔係長期在港申請...一直想去也去不了...老公常說因為我...才遲遲去不了呢!! 哈~~
ReplyDelete[版主回覆02/05/2013 08:40:06]傻瓜. 菲:
~我以為香港人去美國都會好方便. 原來都要申請visa. 不過,你咁鐘意熱鬧, 我估你真係會好鐘意Las Vegas架!! 有機會plan下去啦!!
~啲Hello Kitty 物品,我真係買得好開心!! 平時生活上, 又能夠用到!!令平時生活上更加開心呢!! 哈
Vicky ,
ReplyDelete梅菜扣肉, 釀冬菰....嘩, 最好味的中式家庭菜....正呀 !!
棕色豹紋 Hello Kitty 蝴蝶結.....又成熟又細路款.....
[版主回覆02/05/2013 08:40:09]冬日Winter:
~有啲中式菜, 真係要出街食先好味, 好似梅菜扣肉咁啦!
個KITTY環保袋好靚啊~~~
ReplyDelete[版主回覆02/23/2013 04:27:53]Nicole:
我都好鐘意個環保袋, 有又Las vegas 啲景色, 又有hello kitty!! 而且, 好大個, 好好用