Las Vegas Day 5 (Afternoon Tea, Sanrio & 坐威尼斯小船)

December 22,2012 (Saturday)


今日, 全部節目都係好嘆嘅節目. 其中一個節目, 仲係我安排嘅Afternoon Tea!!


↓半個人的高度嘅Afternoon Tea Set, 還有好清香嘅茶.  Afternoon Tea依個活動, 永遠都比我優閒嘅感覺.

----------------------------------------------------------------------------------------


但當然, 唔係第一餐就食Afternoon Tea 啦!! 去旅行, 在食嘅方面, 就要全面啲. 由早餐, 午餐, 食到晚餐啦!! 享受晒當地嘅美食嗎!!

最開心, 今日所有啲節目都是近自己酒店, 什麼都可以慢慢黎.......

但啲男士, 在裝身方面永遠都會快啲, 我額外早起身, 都只是和班男士同步咋!!



↓Brian 偷拍我化妝,.......我反偷拍返Brian, 連去旅行都要不段上網!!! 都唔知點解,佢哋兩仔爺, 好鐘意上網和玩電話架!! (有相為證)

我哋一行七個人, 包括:我, Brian 和Brian's 父母. 仲有2個大人和一個年青人. 去酒店樓下食早餐. 唔知係咪我哋人多, 傾下傾下, 唔多覺, 我哋食到餐廳做晏晝個餐先走. 哈哈~~


↓酒店樓下嘅餐廳環境

↓早餐---我食蛋白奄例配薯餅, 還有大家share 食Pancake (我哋好似叫咗3 蝶pancake 一齊share 食!!!)

食完早餐, 我哋一行七人, 一齊行下大型商場行街!!

唔知係我細個去Las Vegas 無為意. 定係而家Las Vegas 配套好咗.  我覺而家去Las Vegas 行街, 越來越方便.   好多時, 都係一出酒店, 就行酒店附設嘅天橋 (粉紅箭咀指住) 就可以去其他酒店嘅購物中心或者去大型商場行. 完全無咩點過馬路. 就到達目的地, 真係shop到痛快!!

↓最開心去旅行天氣好, 我住Palazzo 酒店. 時常都係行酒店出面條天橋(相中: 粉紅箭咀指住) 周圍去!! 天橋又接其他天橋. 好容易就去到其他酒店or 商場

↓行天橋時, 仲可以望到其他特別景色和建築物添!!

這天, 行商場嘅目的. 都是為了美國嘅Sanrio, 裡頭啲Hello Kitty.

我是Hello Kitty fans.......黎到美國,點會唔放過係Sanrio大行特行吖!!

況且, 加拿大係無Sanrio鋪頭架!! 係加拿大某啲地方都有購賣Hello Kitty 貨品, 但我時常都好驚買到假貨架!!

真係去到正鋪, 我先買得安心. 而且, 今次Las Vegas 之旅, 隨行的一個年青人. 都是Hello Kitty fans. 我哋兩個入咗Sanrio, 真係癲咗咁劑呀!!哈哈~~~

雖然, Las Vegas 依間Sanrio鋪頭, 唔係話好大間, 但我逗留咗好耐先捨得走!! (因加拿大多倫多無依啲鋪頭架!!)


↓見到Sanrio 鋪頭, 即時係門口影返張相!!  我見到咁多Hello kitty貨品, 真係好開心, 同埋有啲失控囉!! 因裡頭啲貨品, 件件都very good!! 不過, 依間好少實用廚房用品!! 但已經足以令我, 逗留好耐啦!!

↓係Sanrio嘅戰利品呀!! 佢哋連個購物紙袋,都靚過人!! ..............當中, 我買咗個Cellphone case, 就即刻用. 因為琴日跌欄咗個case. 所以, 點都要同我個電話換新裝, 而家, 我個Cellphone變咗毛毛Hello Kitty電話. 哈哈~~

真係行一間面積唔係好大嘅Sanrio,都可以比我行咗幾個鐘. 隔一陣, 就去咗食Afternoon Tea 啦!!!


依間Afternoon Tea 酒店, 係被獲選為one of the best架!! 而且, 環境裝修, 好有時尚感之餘, 都富有高貴感覺.  哈~ 

而且, Afternoon tea 位置, 係座擁在高高的23樓, 可以嘆tea 之餘, 仲可以係高處望到Las Vegas Strip(旅遊大街)嘅繁忙景色.

但我哋一行七個人,就一定要坐係大檯, 無得緊掂窗口坐. 但仍然可望到窗外嘅景色. 而Afternoon Tea啲食物和杯茶. 都不錯!! 茶類品種,還有好多選擇!! 而且, 場內的服務員好細心, 逐一介紹Afternoon Tea 嘅menu.  Nice~~~

↓Afternoon Tea 嘅環境(感覺舒服)

↓Afternoon Tea嘅食物層架!! 係有半個人咁高. 所以, 個食物層架, 係豎立在地上, 但食物嘅高度, 是剛剛可以伸手去取的. 設計好特別呀!! 又唔會"咗"到桌上的位置, 但又可以係檯邊見到三層嘅食物.  真係Very good嘅設計!!...............我飲Lychee Green Tea (好濃荔枝味---鐘意)

 

 

 

↓第一層食物是甜點:Bubble gum Macaroons, Eggnog Truffles, Fig Cake, 金薄櫻桃朱古力,第二層有Scones (暖笠笠)

↓最下個層是咸點:Salmon cucumber, Chicken curry, black forest ham, egg salad sandwich (全都很美味),還有clotted cream, Strawberry Rhubarb marmalades and jam(依啲啲查Scones 嘅醬料, 無入到鏡頭). 當然, 黎張合照 (我們左手邊係Afternoon Tea 嘅三層食物)

↓食Afternoon Tea 時, 就是遠望到Las Vegas Strip(旅遊大街)嘅繁忙景色.

↓這間食Afternoon Tea 嘅酒店, 牆身是金色, 好特別!!! 我哋去食Afternoon Tea時, 都差唔多係聖誕節, 所以, 酒店安排合唱團, 唱聖誕歌.

嘆完Tea, 就去行咗新酒店Aria.

可能,我上次去Las Vegas, Aria 酒店仲未開架!!! 今次, 就好想入去行下.

一如以往, Las Vegas 所起嘅酒店, 真係間間都會附設購物中心和賭場. 但這間Aria 新酒店, 就係走時尚嘅風格. 裝潢都幾型格架!!

最喜歡Aria 用很多白色光作燈光. 因為我覺北美洲是喜歡彩用偏黃的燈光架!! 所以,Aria 酒店用白光. 我覺好鮮明!! 望落去整體都有現代感和精神啲.  (我下次黎Las Vegas 想住依間酒店!! 可能我鐘意依個酒店嘅設計風格啦!!)

↓係Las Vegas 行得最多係天橋, 由天橋行去Aria 附設嘅購物中心(名叫:crystals gallery)


↓Aria 酒店是連接crystals gallery 購物中心. 購物中心嘅food court 有點像鳥籠

↓Aria 酒店附設嘅Crystals Gallery 購物中心好光猛, 啲聖誕裝飾好靚

 ↓Aria 酒店附設嘅Crystal Gallery 購物中心, 用了全白燈作商場嘅主光調, (北美洲少有), 但我覺用白燈好舒服. 不過, 這個購物中心, 全是高貴名牌鋪黎架!!

 

 

↓Aria 酒店附設嘅Crystal Gallery 購物中心啲樓梯, 層層都有燈, 好靚...........之後行行下Crystal Gallery,就出咗去Aria酒店嘅賭場, 係Las Vegas 真係行到邊,都連住賭場. 不過Aria 酒店, 比較走型格路線, 連賭場天花都掛滿聖誕波

 

↓間間Las Vegas 酒店, 都是要經賭場,才出到酒店門口. Aria 酒店門口個噴泉好靚.  而且, 門口牆身全是瀑布流水黎架!!

↓唔好以為牆身是白色, 其實幅幅牆,都是瀑布流水黎架!!

 

Las Vegas, 吸引之處就係行一間酒店, 都可以行成日都得. 有一切娛樂, 美食. 真係周圍都好有新鮮感. 怪不得, Las Vegas 比人認為係成人版迪士尼啦!!

真係日日都見到鐘意嘅野架!!!

唔覺唔覺行咗又幾個鐘, 晚餐去咗威尼斯人酒店食意大利菜. 其實, 我哋都係隨便選擇. 見合適便行入去食晚飯.

↓我哋去咗疑似威尼斯嘅街頭食晚餐. 望上天花頂, 又是藍天與白雲, 牆身又是意大利街頭建築.

↓我們好像坐在露天茶座食晚餐咁, 身後仲有街頭音樂聽 (我都有啲啲時間誤會自己坐係街頭食野, 但其實我係室內, 身在威尼斯人酒店內)

↓晚餐-- 番茄醬燒茄子配Gnocchi, 還有蘑菰雞肉意粉

黎得威尼斯人酒店, 就會見到威尼斯有名的小船. 啲跎手, 真係一邊唱歌,一邊控制隻小船.

Brian 話仲未帶到我去真嘅威尼斯. 所以, 就坐住個美國威尼斯人酒店版嘅小船先!! 哈哈~~


↓我哋上咗美國版嘅威尼斯小船啦!! 我哋個跎手, 去過澳門尼斯人酒店, 做過一陣架!!

 

↓還買了啲相和相架作紀念品






今日, 啲節目好似好嘆. 但都由朝出街出到深夜先返酒店!! 係Las Vegas唔覺唔覺都可以行足一日!!