Christmas & Boxing day @ Vancouver

December 25,2012 (Tuesday)

平安夜個日, 由Las Vegas返咗黎溫哥華.

聖誕節嘅正日, 就係溫哥華過!!! 對我黎講, 係溫哥華都係旅遊身份. 所以,  內心嘅心情仍然都是好歡喜.

今年聖誕節, Brian 屋企無攪聖誕火雞大餐, 可能剛剛去完Las Vegas. 個個啲精神, 都未回正軌. 所以, 今個聖誕節, 都係出街食野為主.

係西人社會黎講, 聖誕節係大節日, 所以, 係聖誕日, 真係好多鋪頭都會關門休息. 但中國人無依啲觀念, 越是假期, 就越開得耐.

所以, 今個聖誕節, 就食中餐為主!!

而且, Brian 屋企個邊, 有啲Uncle and Aunties , 由香港飛黎溫哥華行下. 所以, 便group埋一齊出街食下飯. 


↓聖誕節, 對西人黎講係大節, 所以, 好多當地啲人, 都會用聖誕燈粉飾自己間屋, 好靚架! 所以, 係聖誕節, 行住宅區啲細街仔, 都好有聖誕氣氛!

聖誕日嘅午餐, 去了食台灣人開的食店. 依間食店係由台灣開過黎溫哥華, 招牌菜係食 "牛肉麵". 

聽依間牛肉麵店嘅廣告話, 「連台灣總統都食喎!!」 所以, 咪去試下囉.  而且, 依間"台灣牛肉麵" 越開越多分店. 都應該唔差!! (不過, 溫哥華好多台灣移民嘅!)

↓聖誕日lunch, 在台式牛肉麵店, 飲咗bubble milk tea, 食咗牛肉煎餅(好juicy), 仲食咗肉鬆皮蛋豆腐

↓水餃. 炸醬麵和招牌菜:牛肉麵 (啲麵質不錯)

2012 年嘅聖誕晚餐, 就同Brian 個邊啲Auntie and Uncles 食阿拉斯加皇帝蟹宴.

其實,啲Auntie & Uncle 我見過架啦!! 所以, 我都唔會好生靄.  而且, 大家對中菜嘅口味都幾夾, 所以, 除咗皇帝蟹外, 仲叫咗好多款中菜, 我哋可能人多, 又嘻嘻哈哈, 真係由7pm 食到酒樓都要打洋. 我哋先識走. 哈哈~~


↓有個Auntie專登係香港帶咗啲特級話梅, 用黎配「加飯酒」飲. 還食了乳鴿 (好juicy)

↓Brian 對手渣住隻皇帝蟹(好大隻),隻皇帝蟹, 分開兩味食, 有蛋白蒸蟹腳和椒鹽炒蟹身.

↓還有咕嚕肉和美極煎蝦(兩樣都幾好味)...溫哥華啲中餐, 真係不錯. 不過,又係個句, 食咗好多, 但人太多,唔好意思逐一影相!!

-----------------------------------------------------------------------------------------


December 26,2012 (Wednesday)


Boxing Day, 我一大清早就起咗身.  因為加拿大, 唔同類型嘅商鋪都會係依日做大減價.

平時, 我係多倫多住, 但逢大減價, 就大把人排隊, 鋪頭開咗無幾耐, 啲減價貨品,已經估清了.

所以, 照我經驗, 係溫哥華嘅boxing day減價, 都應該會同多倫多一樣遭遇. 所以, 這天特定早起身, 去購物---------因為Brian屋企, 真係好需要買一部家用無線電話.

好Surprise!!! 去到電器鋪, 唔洗排隊外, 仲大把貨. 十分鐘就攪掂. 整個購物過程. 啲店員又有禮貌. 依個購物嘅感覺好耐無有啦!!  所以, 真係買樣, 唔關我事嘅物品, 都好開心!!

最後, 我和Brian還有很多時間剩, 可以去第二樹行街街添!! 哈哈~~~


↓有時間剩, 我同Brian 去咗溫哥華個港式商場行街, 我幾鐘意係度行, 因為好乾淨........這天Boxing Day, 我同Brian 就係買咗依盒家用手提電話, 仲係減緊價添!!

↓Boxing Day 嘅Lunch Time 去咗食上海野, 有小籠包,咸豆漿(好鐘意)

↓油條 (好好味), 炒鱔鰗, 還有肉絲粉皮





食完Lunch, Brian's Mom 提議去商場逛下. 睇下Boxing Day有咩減價貨.

原本, 係Las Vegas 都買咗一大堆, 都無打算係溫哥華購物. 點知我一同Brian's mom 行街, 我兩又失控. 哈哈~~  可能Boxing Day 減價啦!! 我同Brian's mom 唔覺意又買咗野. 有啲衫, Brian's mom 叫我唔好諗, 啱size 就好買!! 因為Boxing day 啲衫, 又真係減得好多!!!

其實, Brian由頭到尾都有陪我and Brian's mom 行商場, 但我同Brian's mom 好似兩個人行咁, 只是我兩相討, 買邊件, 試邊件衫好!! Brian好似唔見咗咁, 依家諗返起都好笑.

↓Boxing Day 係港式商場買咗啲食品和襪, 之後, 同Brian's mom 去行商場, 我又買咗野啦!!

Boxing Day 嘅Dinner, 就係Brian's daddy 煮飯.

Brian's 屋企, 係Brian's daddy做大廚架!! 超級市場都係Brian's daddy去埋架!!  仲要時時研究新菜式. 所以, 係Brian屋企食飯, 都好有驚喜. 仲好好味添!!


↓Brian's daddy 對酒有濃厚興趣, 他還有一個大雪櫃, 是收藏紅,白酒添!! 所以, 係Brian家食飯, 都會開酒飲架!! ...........今次, Brian's daddy 就研究---話梅花鵰雞翼 (唔錯喎, 一陣食晒)

 

↓還有半生熟蛋煙肉沙律, 煎羊扒...............焗甜薯條和一些現成花生 (用黎送酒)

↓在Brian屋企食西式, 都會食足full course, 飯後仲有甜品---甜酒和朱古力


-----------------------------------------------------------------------------

December 27,2012 (Thursday)

係Brian's 屋企, 一定會食一個招牌早餐.  啲Table setting好靚靚. 未食,見到都好歡喜

↓Brian家的招牌早餐



這天, 我和Brian又單拖出街, Brian父母好鼓吹, 我和Brian兩個人出街架!! 仲叫我哋出多啲街添!! 乜啲父母, 唔係好想啲仔女坐係屋企咩??

不過, Brian父母真係好多節目架!! 我聽Brian's daddy講, 因為我和Brian返黎溫哥華, 所以, 取消咗啲節目咋!! 如果唔取消啲節目, 我和Brian會好少時間見到佢哋喎!! Brian's 父母真活躍, 真係好識享受生活.

後尾, 我同Brian去咗Brian's 屋企附近嘅商場仔行下!!

↓我同Brian 行街途中, 見 Brian睇緊野, 我就自拍張相,哈哈!! 因我這天我第一次着緊身褲, 條緊身褲都係新買, 因為着UGG 鞋, 好似着緊身褲先好睇啲!! 而夜晚, 出咗街食飯, 同Brian's daddy 啲舊同學一齊食飯. 他們也喜歡飲酒, 所以, 飯局都唔少得酒. 有個Uncle 帶咗支酒, 同Brian 好有淵源!(因為支紅酒年份,係同Brian 出生嘅年份係同一年)! 所以, Brian見到支酒就要抱住影相!!

↓Dinner 飲咗好多酒, 紅,白酒都飲了不少, 還有糯米釀雞翼, 蒸魚 (人太多,唔好意思影太多!!)

晚餐出街食dinner時, 發現坐係我哋隔離檯, 有個香港明星叫楊洛婷(我記得佢做明珠台&電視劇--同事三分親, 飾演:珠珠嘅角色架!!). 真係估唔到係溫哥華會見到依個香港明星.  不過, 我之前去溫哥華, 都見過其他香港明星架!! 但個啲明星嘅名字就太記得, 但自己就知係香港電視劇集見過咋!! 

↓香港明星---楊洛婷 (真人都幾靚,皮膚好白)