December 15,2012 (Saturday)
每年聖誕假期, 首站都是返Brian的老家---溫哥華.
在溫哥華, 蝎一蝎幾日. 之後, 就會一齊去另一個地方旅行. 渡過聖誕
第一天在Brian 家, 我往往都是時差關係, 永遠係依一日, 係會好例牌, 一早就會起身.
就算係Brian家, 幾早起身, 啲早餐set, 就已經係飯檯出現. 仲要所有餐具都排得靚靚. 等住你食. 真係好得人驚.
不過, Brian's家是一個三餐都要好分明嘅家庭. 一日內早,午,晚餐. 一定要有. 就算遲咗起身. 都要照食早餐所準備嘅食物.
所以, 我次次去到溫哥華住, 都令願早起身. 最好越早起身越好. 因為食完一餐full breakfast. 可以隔長啲時間先食下一餐. 而且, 早啲食完早餐, 又可以慢慢化下個靚妝. 先出街食lunch and 行街!! 哈哈~~
唔知近來係咪煲緊香港劇「名媛望族 」, 劇裡頭主角--劉松仁, 佢嘅家中生活嘅態度和模式, 我覺好似Brian 屋企. 但Brian's daddy 只有一位太太. 無劉松仁咁貪心, 擁有四位太太.哈哈~~
↓在Brian 家吃早餐, 餐具永遠排得靚靚
唔知點解, 去到Brian 家. 話就話一日點都要食足三餐. 但往往係溫哥華, 我覺啲時間都好緊揍. 餐與餐之間, 都係有點東西需要做。
但倒返轉頭, 問我忙過啲咩, 做過啲咩!! 又唔知點講好!! 哈哈.
↓午餐去食日本野
由於, 我們在溫哥華逗留幾日, 之後又要去坐飛機, 去第二樹. 所以, 星期六時, 就提早去咗Church, 望完彌撒, 就去咗食dinner.
↓晚餐食馬來西亞野. (串燒, 炒貴刁)
↓咖哩雞配酥餅
↓最好味係海南雞飯
還有, 宵夜.
宵夜有, 我想試好耐嘅Thomas Haas 蛋糕. 這間蛋糕店, 好巴幣, 時常買餅都排到出街. 仲要sunday and monday and special holiday 都會close. 而且, 平日開門,都好早close. 依日, 係我哋係溫哥華,見間餅店仲開. 即時入去買返幾件. 留待宵夜食. 不過啲蛋糕真係幾好味. (唔會甜爺爺!!)
第一日, 在溫哥華已經食足四餐. 哈哈~~
↓甜酒配蛋糕, 支甜酒係Brian's daddy 係地庫個酒櫃攞出黎架!!
seems great:)!
ReplyDelete[版主回覆01/13/2013 11:46:44]愛樂.音樂室.Fani*
-多謝！我男朋友一家很樂意試新菜式. 所以去襯温哥華都食到好多特別食物
第一日已經餐餐唔同款.....
ReplyDeleteVicky , 妳真有口福, 生活又好幸福....
[版主回覆01/13/2013 11:48:39]冬日Winter,
-Brian 屋企嗰邊很喜歡試新菜式,所以一去到Brian 老家就食到好多特別食物.
Did B's parents set the table at night?
ReplyDelete[版主回覆01/13/2013 11:54:55]Mrs. Tin tin,
-哈哈, 依樣我就唔知啦! 但每天breakfast 都會擺到咁. Brian 話, 就算我唔係度, 佢都係咁樣食breakfast 㗎!
-Merci , 你答我sim card 問題, 答得好快, 我會轉送依個message 比Brian 知. 因佢好需要用電話嘅人黎㗎! 嘻.
好似好好味呀！
ReplyDelete[版主回覆01/13/2013 11:56:36]啊魚,
-我男朋友嗰邊好喜歡試新菜式, 所以一去他老家就會食到好多特別食物
嘩，個早餐真係好靚呀，好似喺酒店咁，幸福喔：）
ReplyDelete[版主回覆01/13/2013 12:34:36]Samsamdandan,
-我男朋友嗰邊, 如果係佢家中食, 唔理係早餐, 午餐or 晚餐, 他家中嘅table setting 都係咁㗎! 不過, 我覺咁食法, 有種整齊嘅感覺, 我好鐘意.
唔知平時你哋唔喺度 Brian Daddy Mommy 會唔會食個咁隆重早餐？
ReplyDelete似名媛忘族，咁 Brian 係馬明?
[版主回覆01/13/2013 13:02:35]Angela,
-我都問過Brian, 佢話佢由細到大, 唔理食中餐or 西餐. 早餐Or 晚餐, 但憑係屋企食, 佢屋企嘅table setting 都係咁. 我唔係Brian 屋企, 都係咁㗎! 你話似唔似名媛望族啦？不過, Brian 又唔似馬明, ..... 因佢仲好過馬明好多, 哈哈.
早餐同宵夜都咁引人既
ReplyDelete[版主回覆01/13/2013 13:56:43]Ophelia,
-去到男朋友老家探親, 真係好似參加美食團, 因佢屋企好鐘意食嘢㗎! 還好鐘意試新菜式, 食到好開心. 哈
我同妳一樣丫，去旅行會早D起身，因為可以食多幾餐
ReplyDelete加拿大都有Thomas Haas呀?香港都有，不過唔係太多人買
[版主回覆01/13/2013 14:02:54]Oli
-哈哈哈, 你真係好鐘意食嘢, 早起身為咗食多餐.
-我平時放weekend 都無咁早起身, 不過, 去旅行都會早d起身, 感覺啲時間真係過得充實d. 哈
-原來香港都有Thomas Haas㗎! 我覺我溫哥華嗰邊嘅Thomas haas 好啱我口味. 我下次返去再想食過㖭!
唔知ny有無thomas haas呢?
ReplyDelete[版主回覆01/13/2013 14:04:47]Mrs. Wu,
-我又唔知Ny 有冇Thomas haas, 但多倫多依邊就唔覺有, 我都係等待返去溫哥華先食到.
四餐好豐富！餐餐都好正！
ReplyDelete[版主回覆01/14/2013 09:09:09]Happy girl,
-我隔離嗰個嘅屋企人, 比較鐘意嘗試新餐店, 又肯接觸新事物, 好有活力. 所以, 我一去到溫哥華就食過不停. 樣樣都好食. 哈
一日食足早午晚3餐...真係好有規律呀...好彩你唔係寧願瞓唔食早餐既人...同埋呢...brian屋企既早餐setting真係傳統呀...
ReplyDelete[版主回覆01/14/2013 09:28:32]儍瓜. 菲,
-生活有規律, 其實幾好㗎! 令到生活好有條理. 但自己平時就好難做到. 係去到Brian 老家, 先做到.
-其實, 但憑在Brian 老家, 吃中餐or 西餐, 早餐or 晚餐, 佢老家d table setting 都是比較講究, 但我幾鐘意咁㗎, 可能我鐘意廚具啦! 所以食嘢時, 會很享受table setting 㗎!
table setting, 生活情趣之一!
ReplyDelete[版主回覆01/15/2013 12:54:49]zaza:
~都係架!! 我覺食野時, 張檯擺到靚靚哋, 食野都會開心啲架!!
一日三餐加宵夜~好豐富呀~每款蛋糕好吸引~~~!
ReplyDelete我都成日食宵夜呀~~零食XDDDDD~
[版主回覆01/15/2013 12:54:49]素會員:
~一日三餐,係日常嘅規律黎, 但我唔係時時都會做到. 不過, 去到溫哥華,次次都係放假, 所以, 瘋狂食下又會ok嘅!!
~其實, 少少零食當宵夜都ok架!! 等自己食完野開心下,瞓都會舒服啲!!
其實我都覺得張檯靚靚咁真係好開心的...^^
ReplyDelete[版主回覆01/16/2013 09:06:37]涼粉子:
~我都係有咁嘅感覺! 所以, table setting 靚啲. 我食野係會開心啲架!!
Fancy table settings....I love it but it is too fancy for me la!!
ReplyDelete[版主回覆01/16/2013 09:07:12]Big Daddy:
~我好鐘意張dinner table 啲碗碗蝶蝶set 到靚一靚. 因咁樣食一餐, 感覺好開心嘅!!
甜酒配蛋糕做宵夜真不錯啊！
ReplyDelete我都每晚要食宵夜架！
[版主回覆01/16/2013 09:06:39]ccKitty:
~Brian's daddy 係屋企個地庫,有一個雪酒嘅雪櫃. 我哋有時一興起, 都會開支酒飲下. 好似今次有蛋糕, 就去地庫嘅雪櫃, 摷支甜酒, 去同蛋糕配合一下. 咁樣食法, 真係好滿足.
~我又唔係日日都食宵夜嘅人!! 平時, 都係間唔中先會食一次宵夜.但去旅行, 就唔無咩所謂. 可能, 旅行個心情開心. 會食到多啲野!!哈哈~~
Vicky ,
ReplyDelete一日食足四餐而且每餐都咁豐富 , 我諗你們今次旅行可能體重都會有增了
[版主回覆01/18/2013 01:38:20]ak
-去旅行心情愉快, 係會食多d 嘢! 所以増磅了.
現在很少家庭會堅持到咁有規律的啊! 我好欣賞, 但同時有壓力哩! 哈哈 !
ReplyDelete[版主回覆01/19/2013 00:34:50]Alice,
-我反而鐘意依隻生活, 唔覺有壓力, 我覺咁樣生活好有條理.
woo .. a warm breakfast ...
ReplyDelete[版主回覆01/24/2013 07:28:34]表叔公:
依個breakfast去襯Brian屋企實有得食!!因為佢屋企好主重早餐