December 8, 2012 (Saturday)
近來, 都是喜歡清淡一啲.
可能, 知道十二月,這一個聖誕月, 宴會和飯聚, 會特別多.
無理由去宴會, 只有說話, 不進食. 禮貌上都不合. 所以, 現在就準備好一點. 盡量在吃方面, 清淡啲.
雖然我要求清淡餸菜, 但Brian 仍是很有興趣煮食, 就算我們忙到透, 他仍喜歡下廚. 因為他現時的心態是 :「只要可以下廚便快樂」
可能我近日, 要吃清淡菜, 因此, 令Brian 研究上炒菜. 雖然, 炒菜聽落去好似簡單一蝶餸, 但要炒得爽, 炒得像酒樓的玻璃羹炒菜. 真是不容易.
因此, 他天天炒, 真是炒菜, 都好有鑊氣. 嘻 !
↓要清淡---煲了皮蛋菜絲粥和薑蔥爆雞. 另一天, 吃了檸檬雞,蒜容炒白菜仔配撈麵
↓清淡---吃了皮蛋菜絲粥和番茄雞柳煲, 但清淡了一陣, 就忍不到, 要吃肉碎豆腐煲和腐乳雞肉雜菜煲, 還煲了竹蔗紅蘿蔔無花果湯
↓豆辦醬肉碎豆腐煲和炒白菜......有一天, 因外出吃不夠, 晚上吃了一個爽口公仔麵作宵夜.
還有近日, 天氣乾燥, 皮膚都要額外潤膚膏. 所以, 我馬上去中式超級市運場, 買一些中式材料, 煲多點湯水飲. 身體內,都多點水份. 真是感覺舒服啲.
原來, 長輩所說得無錯!! 「湯水真是飲多點好. 」----這是真的. 有些說話, 真是要長大到某一個地步, 就會自然明白.
↓有時間就煲湯----紅棗排骨葛湯
↓晚餐---辣腐乳白菜雞翼煲, 湯米粉和紅棗排骨葛湯. 我們兩個人, 飲一煲湯, 要飲兩餐才完成. 所以, 另一天, 又是紅棗排骨葛湯,洋蔥茄辣雞,湯米粉和冬菇炒小棠菜.
↓有一天, 有時間便煲了牛篣青紅蘿蔔排骨湯, 第一次用牛篣, 原來牛篣煲湯, 幾好飲. 之後, 炒蝶蠔油玻璃湯菜. 就開飯!!
↓Brian仍然每天研究 炒菜, 越炒越進步. 蝶炒菜心, 好美味, 再加個肉碎加辣豆腐煲. 另一天, 煲烏雞杞子龍眼肉乾湯和吃了我好喜歡的腐乳雜菜雞煲
↓零食----吃了Saltly Caramel 果仁朱古力 (依個好味呀!! 朱古力加點鹽味, 又幾特別嘅配塔), 有天吃了麥當當宵夜, 而家天氣凍, 杯朱古力sundae, 由麥當當買返屋企食, 杯雪糕一啲都無溶, 仲硬晒. 証明外出天氣, 都幾凍!!
黎緊好多節日，依家食D清淡D作準備都好
ReplyDelete你地係個邊都成日煲水湯滋潤喎，我反而唔係好鐘意飲湯呢
個包朱古力好吸引，Caramel同果仁都係我鐘意的
[版主回覆12/16/2012 00:32:38]Oli
-臨近聖誕節, 真係好多節目,而且離不開食, 但但難得聖誕, 玩得投入d. 但事前, 做d工夫, 清淡d. 你係聖誕都玩得開心d.
-個朱古力好味㗎! 我好鐘意依個配撘, 好夾
雖然吾係好多節目，但食得清淡都係好事，可能年紀開始老，有時食多左肥膩野個肚都吾太舒服，吾好似以前食成包薯片都無所謂啦
ReplyDelete[版主回覆12/16/2012 00:37:34]Mrs. Wu,
-你講得冇錯, 以前食咩,都好似冇咩𧗾量過, 食咗先算.
-但大大下, 可能識多咗, 知多咗, 開始識驚, 會識得點食啱自己.
你好乖，會得閒清淡吓。 我返到嚟好俗，差不多日日出去食，餐餐煎炒炸。
ReplyDelete[版主回覆12/17/2012 02:34:01]Angela,
-你返到去hk,唔好理太多, 盡情做返你鐘意嘅嘢. 係美國想放d都冇咁放.
我又係呀~12月真係好多飯局~趁平日食清淡D打下底好~同凍天飲下湯水滋潤下XD
ReplyDelete牛篣青紅蘿蔔排骨湯<---好似幾正呀~最近好興用牛篣,想試下牛篣茶先~~!
[版主回覆12/30/2012 10:45:53]素會員.
-12月依個月,放假又多,飯局自然多. 所以事前都清淡d. 因一有飯局就會忍唔住, 食多d. 可能開心啦！
-牛篣味道,似參味,但冇參咁燥. 又幾潤喉㗎!
咁多餸, 又咁多湯水.....一點都唔係清淡啊,,!!
ReplyDelete有湯水....真的皮膚好D, 面色都好D
[版主回覆12/30/2012 15:55:42]冬日Winter,
-哈哈, 算係清淡, 平時仲食得多. 但在冬天,點都要飲多d湯水, 真係飲完,個身暖好多.
Vicky ,
ReplyDeleteBrian炒餸愈來愈多款式了 , 每天都有咁豐富食物 , 又有老火湯飲 , 睇見都流口水了 .
[版主回覆12/30/2012 15:58:42]ak,
-佢越煮越有興趣, 時時研究新菜式. 我都比平時食多咗㖭!
-冬天真係飲多d湯水好. 飲完碗湯, 個身暖好多.