Doctor@Vancouver

December 29,2012 (Saturday)


這天, 吃完早餐, 好驚驚!!

Brian's Daddy無啦啦職業病發作, 攞咗部量血壓機出黎, 幫我們逐一量血壓!  (但食完早餐即刻驗, 而且, 又剛剛去完Las Vegas 大飲大食, 好似好容易超標架喎!!所以, 有啲驚驚.....)

其實, Brian's Daddy 沒有規限我哋飲食, 食咩都得, 但當然唔係日日食麥當當個啲快餐啦!!

但就規定每一日, 要食足早,午,晚----三餐. 那就可以了!!

不過, Brian's Daddy很喜歡提我和Brian「做運動」!! 其實, 我哋好懶做運動, 不過, 我哋盡可能在放工時, 都步行回家. 當做運動囉!! 除咗冬天,其他季節, 在放工步行回家, 真係行到出汗架!! 哈哈~~



↓Brian's Daddy 幫人量血壓個樣好嚴蕭呀!!  就算啲血壓岩我哋年齡比例, Brian's daddy都係個句, 「一日要食足三餐 and 記住做運動!! 」

唔知係咪下晝會食飽魚, 所以, 事前量一量血壓呢!! 哈哈~~

啲鮑魚係Brian's Auntie 由香港帶黎溫哥華架!! 只要返熱啲飽魚食, 就食得!!!

午餐幾豪華!!食了鮑魚湯米!!

↓午餐---鮑魚湯米

由於, 我和Brian 試咗Thomas Haas 堂食, 很不錯!! 所以, 下午茶時間, 就帶Brian's daddy and Brian's mom 一齊去飲個茶, 食件餅.

不過, 依啲嘆tea 時間去Thomas Haas, 真係排咗超級耐隊, 等咗好耐, 先有位坐!!


↓下午茶, 4個人食咗3件西餅 (其中一件almond 牛角包, 超級好味!!) 還飲了4杯朱古力奶(用朱古力溶成液體嘅朱古力奶)

係溫哥華, 好多人都問我做過咩, 但我係溫哥華啲時間, 就真係幾緊揍, 食完Tea, 返Brian 屋企坐一陣, 去下個廁所, 又出得街!!

這天, 約咗Brian 個邊啲Uncle 一齊去食飯. Brian個Uncle 係由香港飛黎溫哥華探親架!!  這個Uncle 黎到溫哥華, 真係食得好開心. 餐餐都食得好滿足!! 佢話依啲感覺, 好耐都無有過,.....因為個Uncle 話, 可能近幾年, 香港啲食市啲租金太貴,  點都要將價就貨,攪到原本好好嘅食市, 都有啲退咗步!! 就算去到高級食店, 都無以前隻味道!!

聽到都可悲, 係我心目中, 香港啲食物, 是不錯的!! 而家, 香港係各方面,都好似唔太好.  我都唔想香港變成咁.

講返這餐嘅中菜, 差唔多全部叫晒海鮮黎食!! 而且, 啲海鮮又幾鮮. 又炒得好野味,我食咗好多呀!!

其實,我唔係偏心溫哥華, 但當把食物第一啖放入口, 就覺啲食物質地係唔同啲. 人真係會好自然作出比較架!!  


↓食咗鹵牛展, 籠仔糯米焗蟹(隻蟹啲肉好鮮, 啲糯米好香甜)

↓粉絲蝦煲(我鐘意依個啲粉絲), 我哋自己帶咗支紅酒飲

↓薑蔥生蠔煲和一條蒸魚 (啲魚肉好美味)