Las Vegas--Day 4 (又Shopping 和 Las Vegas Strip)

December 21,2012 (Friday)


由於, Brian屋企個邊有朋友(兩個大人, 一個年青人), 由香港飛咗去Las Vegas 旅行.

我們剛巧又在Las Vegas 渡聖誕. 所以, 大家便group埋一齊遊玩.

黎得美國, 當然就最想行outlet!!

所以, 我又再去Shopping 啦!! 講真, Shopping 個心情都幾開心架!! 但可能, 前一日, 都行過, 因此, 這次行街收獲, 無前一日咁利害!! 但都買到野!! 哈~

不過, 人多Shopping, 就開始有啲難度. 真係要傾好集合地點和時間!! 因為, 我覺美國啲電訊網絡商, 好難接收到信號!!

↓又去Outlet Mall.....Shopping!! 今次都有收獲!! (還有, 一些戰利品, 未有時間排整齊, 攝入鏡頭架!!哈哈~)

↓這天早餐---意大利Panni和生果, 而午餐就好簡便食法式麵包hotdog. 依個hotdog 好特別, 個法式麵包完全包住條香腸和汁料, 食得好方便. (而我就係食依個hotdog 時, 跌咗部手提電話落地. 我幾驚呀!! 好彩, 個電話無事, 係個電話case 就完全唔要得啦!!)

有時, 真佩服行街的實力, 我哋一班人, 真係由朝行到天黑!! 真係行到天都黑先肯走

行完街,啲大人返酒店, 我,Brian 和一個年青人. 一齊去Wynn hotel 食雪糕!!

其實, 我覺啲大人, 想我哋三個係埋一齊傾計.

我又無咩所謂, 大家傾下計, 認識一下.  都不錯吖!! 同人傾計當中, 可能從中都學到啲野都唔定. 所以, 我完全唔介意.

↓去咗露天花園食雪糕 (雖然, Las Vegas 得5-6℃, 但Las Vegas 咩都有可能, 我哋頭頂啲燈, 亦有暖風出, 所以, 坐戶外, 食雪糕, 都唔太凍)

↓個環境係咪好舒服, 我身後還有個人造瀑布,....而我就無咩所謂, 真係可以同咩人都傾得一餐, 對方肯講, 我就會聽. 最後, 我和年青人, 仲同酒店嘅Macaron 聖誕裝飾影相

這次Las Vegas 之旅, 好多旅遊資料, 都係喺網上啲旅遊網頁參考架!連食飯嘅餐廳, 都係參考旅遊網頁嘅評語.

這天晚餐, 就是睇咗網上評語, 而專誠而去食!!

我們一行七個人一齊去咗一間, 距離Las Vegas 旅遊大街遠少少嘅地方食一間很有名氣的意大利餐.


↓去食意大利餐廳Panevino, 這間餐廳離Las Vegas的旅遊大街, 有一段距離......但聽說這所餐廳的環境不錯, 可以飽覽全個Las Vegas 五光十色嘅燈光. 環境真是不錯!!

聽說這天又是「世界末日」, 我哋七個人, 又好似無有怕, 照去旅行, 照行街, 照買野, 照食飯, 照飲酒....哈哈~~講真個句, 我真係無把「世界末日」, 放係心裡面. 但我知, 依一日, 一定會黎, 但我營住唔會咁快!!

不過, 好多野都唔理得太多!! 係你就係你. 依年開始, 我成日都同自己講, 要「平常心」!! 隨意慢慢行, 可能有意外收獲呢!!

講返, 當日食過咩意大利野食.....


↓Cocktail --Plum Crazy(即係Pearl Plum Vodka & Syrup) and Salted Carmel--- (即係Carmel Vodka), 頭盤還有Minestrone (什菜湯)

↓頭盤--Crab cake (好美味呀!!)......我的主菜--Shrimp & Scallop Ravioli(美味!)

↓其他主菜還有, lemon chicken, Seafood Linguini

↓其他食物:Prosciutto,Mozzarella & Eggplant rolls....Calamari and Shrimp

↓甜品--- Tiramisu................Chocolate Fondant cake

食完dinner, 又去行過街!! 因黎得Las Vegas, 當然要係Las Vegas Strip (Las Vegas 旅遊大街)行下啦!! 係依條街行一陣, 真係好似環遊世界咁!!

因為這條旅遊大街啲酒店, 以不同國家的特式建築物為主題!!

好像有法國的艾菲爾鐵塔(La Tour Eiffel), 凱旋門（Arc de triomphe de l'toile）New york 嘅自由神像,羅馬許願池 --Three coins fountain, 還有 威尼斯河等等....通通都能在這條Las Vegas 旅遊大街可以見到. 

而且, 這條旅遊大街, 成日都燈火光明!! 真係就咁行都覺得好熱鬧.

但美國, 就真係美國, 雖然話得一條旅遊大街, 但依條街真係好長兼好大條. 行一日都未行得完. 而且, 這條街, 周處都有shops,賭場, 各式不同酒店林立,  真係用好多腳骨力先行到啲啲咋!!

不過, 今次黎Las Vegas覺得自己腳骨力好似好咗. 行足全日, 都唔覺點攰. 往時, 我行一陣, 就話腳攰架啦!! 哈哈~~

但最難得係, Brian's 父母都唔介意和我哋一齊周圍行, 和同我and Brian一齊癲. 我覺去旅行, 合拍好緊要. 大家去旅行, 真係預咗周圍觀光.  咁樣去旅行先愉快!!

↓係Las Vegas Strip (旅遊大街)見到---凱旋門（Arc de triomphe de l'toile）(其實, 係其中一間酒店嘅出入口)

↓艾菲爾鐵塔(La Tour Eiffel) ---其實, 係一間restaurant黎架!!

↓New york 嘅自由神像 .............忍唔住入咗去玩老虎機

↓條Las Vegas Strip (旅遊大街)好熱鬧,啲車, 時時都係咁多, 行行下見到個好有羅馬特式嘅fountain

↓現在, 我還未去過意大利, 就係依個人造嘅--Three coins fountain(許願池), 許個願先!!

↓這條Las Vegas 旅遊大街的其他酒店建築, 都好高貴. (商場入口都好靚)............還有, 每間酒店, 都會定時有點表演, 好似bellagio hotel前, 會定時有音樂噴泉表演, 啲噴泉水有十樓咁高架!! 

↓藍色的building 係新酒店, 名為cosmopolitan,裡面裝修好有時代感, .......還有另一所酒店, Caesars palace (細個黎Las vegas 就見到Caesears Palace)

↓Ballys 酒店入口, 好似入時光隧道咁................Las Vegas 旅遊大街, 真係非常busy, 時時刻刻都好多車!!

↓這間酒店The Mirage, 定時定候, 有火焰表演架!!

↓最後, 離遠見到自己今次住嘅酒店---Palzzo (係威尼斯人其下的酒店, 好似開咗5 年!)

↓我住間酒店樓下, 定時定刻有聖誕飄雪幻燈. 好光猛.

↓今年威尼斯人酒店, 好有聖誕氣氛

↓到達自己今次住嘅酒店, 當然影多啲相啦!! 依棵不段變色嘅聖誕樹, 又高,又光, 真係吸引好多人呀!! 我哋都唔例外, 係度影咗好多相!!

↓最後, 行到自己今次住嘅酒店入面, 齋望裝飾和天花, 都好靚靚

↓Las Vegas 就係咁, 住邊間酒店, 都係要經過賭場先入到酒店大堂!!! (依日都好多人玩兩手, 我, Brian and Brian's parents 都唔例外!! 哈哈~~)

↓終於見到條瀑布和隻孔雀,即代表返到自己住間酒店個大堂, 可以噤電梯上房休息啦!! 這天, 又是由朝玩到深夜