May 19 (Monday)
一連三日Victoria's day 係今日已經係最尾一日喇!! 放假時間真係過得特別快!!我今日, 大部分時間都係 同Brian 喺屋企, 而且, 好多地方,係今日都close, 包刮超市都close, 都無咩地方好行!! 留係屋企
仲開心!!
係屋企坐咗半日, 到四點幾!! 就同Brian 出咗街, 飲杯咖啡
!! Tea 一tea 喇!! 出到街先知好凍, 真係帶頸巾都無人笑, 因為啲天氣真係好涼好涼!! 我本來想試下starbucks 嘅 凍飲----lemonade
, 但啲天氣實在太涼喇!! 啲凍飲都係留返夏天先飲喇!! 所以, 今日tea time 我都係飲咗杯熱綠茶
就算!! 唔知係咪咩店鋪都唔開門營業!! Starbucks 係今日特別好生意!! 成間starbucks都係人! 我同Brian 係starbucks 都坐得好迫, 所以, 我杯hot tea 都無影到相!! 哈哈!
飲完tea, Brian 提議去, 我哋座大廈
嘅 roof garden 坐下!! Brian 依個 idea 真係唔錯, 因為飲完tea, 都想行下!! 上到Roof garden 咁岩日落, 望到黃昏嘅景色, 真係好靚, 但我實在太怕凍喇!! 又大風, 今年, 做咩?? 過咗五月中都咁涼架!!! 所以, 啲景色都係睇咗一陣就返屋企喇!! 依個長周末就係咁過!! 都過得好開心, 首先, 有個精彩開始(Buffalo 旅行), 最尾個日有Roof Garden,.....都幾豐富吖!! 哈哈!
今日, 夜晚係可以放煙花
架!! 我同Brian 無買到煙花玩, 又無去到乜乜公園欣賞煙花, 剩係食食下飯聽到出面"撞撞"聲, 走去窗口望, 見到有啲煙花!! 雖然唔講得話好大型煙花, 因為啲煙花都係市民自己係啲商鋪買, 啲煙花大極有限, 但好多人同時向天燒煙花玩, 個天突然好燦爛,哈哈!
↓依兩張相拼埋一齊,剛剛好一幅畫.....Roof garden 啲景色影到晒喇!!
↓我都唔執輸, 見到黃昏啲景色咁好, 都企定定影返張相先...依日啲風好大, 啲頭髮係咁比風吹起!!! 到返屋企, 我係電梯都要同Brian 玩影相機!! 哈哈!
woo....你哋果邊仲凍緊呀~~~香港已經開始熱喇~~~
ReplyDelete[版主回覆05/27/2008 13:51:00]V&M: ~ 其實,我依邊應該開始熱, 但唔知點解近幾排仲未熱, 仲係好涼, 我仲要着外套出街先得架!! ~ 我知香港都開始熱喇!! 見你前排買咗把風扇就知喇!! 哈哈!!
噢，vicky 我想你那里很冷吧！不过风景和天气真好！！
ReplyDelete[版主回覆05/27/2008 13:52:00]歐冰冰@比樂太太: 係架!
香港熱死人~
ReplyDelete[版主回覆05/27/2008 13:54:00]小威威: 香港好熱喇!! 我依邊仲有啲涼呀! 我都唔夠膽着短袖衫住!!!唔想冷親!!
hello vicky,
ReplyDelete我係elaine呀!! 我睇到你成日bbq, 真開心!! 在hk唔可以的, 你知bbq就要外出, 又要找一日, 一點都唔方便!!
另外, 我都想同你講, 我都同你一樣, 逢每個月的8號係我同我男友拍拖紀念日, 當日我們都會慶祝下, 食下飯的! 哈哈~~
[版主回覆05/27/2008 14:01:00]Elanie: ~ 係你呀!! 我知一定係我心目中個Elaine 喇!! 我知你專登開yahoo blog 黎留言比我架! 多謝你呀!! ~ 我依排無bbq 喇!! 依排我同男朋友出街食多, 其實, 我都同男朋友住緊大廈, bbq 都唔方便, 所以, 先自己買個bbq爐返屋企燒野食!! 哈哈!! ~ 又會咁"橋", 你又同我一樣, 係每一個月都會同男朋友慶祝拍拖紀念日架!!我哋慶祝方法好簡單, 食餐好少少就當慶祝架喇!! 哈哈!! ~ 你得閒真係要多啲上黎喇!! 哈哈!!
我好鐘意starbucks既strawberry lemonade架~ 你一定要試呀
ReplyDelete[版主回覆05/27/2008 14:08:00]睛天娃娃: 我見到你打依句之後, 我第二日真係試咗strawberry lemonade 呀!! 真係好好飲, 而且, 幾解渴添!! 多謝你嘅介紹!! 但我依邊啲天氣仲有啲涼, 所以, 飲完strawberry lemonade 之後, 成身凍晒!! 要着多件衫先得!! 哈哈!!
風景真係好靚呀~~~~~
ReplyDelete而家hk已經好熱啦, 你果邊仲凍緊, 真係羨慕呀!!
[版主回覆05/27/2008 14:12:00]Bの家: ~ 啲風景係roof garden 影,由高空望風景, 就永遠覺得好睇!! 所以, 第時有機會買樓都要買高單位! 哈哈! ~ 香港開始熱喇! 其實, 我依邊都應該差唔多夏天架喇! 但唔知點解到而家仲涼緊!! 有啲怪!! 但我自己都令願涼啲!! 舒服啲嗎!
古人話:未食五月粽,寒衣咪入"龐"!所以呢排天氣忽冷忽熱!
ReplyDelete[版主回覆05/27/2008 14:15:00]高貓貓: 我都聽過依句說話!! 我而家見到超市有粽賣, 係咪即係就黎夏天喇!!...但依排真係好涼!! 都唔夠膽穿着短袖衫!!
估唔到d天氣真係變幻無常啊, 就嚟6月都仲會凍返......
ReplyDelete雖然簡單, 但休閒咁過一日都好架......最重要係你覺得開心就得.....
天台可以望到咁靚既風景好好呢.......幅相有少少瘕疵都唔緊要, 如果影到一樣就咁勁呀
[版主回覆05/27/2008 14:26:00]細細粒: ~ 我都唔知點解,今年啲天氣會咁怪!! 往年依個時候都開始熱喇!! 而家我仲着長袖衫先覺得ok!! 但我做希望着長袖衫長少少時間, 因為我覺自己長袖衫啲衫好看啲, 哈哈!! ~ 我好容易就開心架喇! 我走上屋企樓上個公園行一個圈就好開心架喇!! 哈哈!! 有時都覺自己好簡單!! 哈哈!! ~ 我影依兩副風景相時, 都無諗過可以連埋一齊, 哈哈!! 我對影相無研究架!! 影相好隨心...仲意點影就點影!! 哈哈!! 如果係咁"咦" 都影得好, 我可能係天才喇! 哈哈!! 我應該轉行影相揾飯食喇!! 哈!!
Vicky: ~今年天氣反常,我米國呢邊到家陣5月啦,都要著件外套, 冬天越黎越長,我真係唔想"The day after tomorrow"會係真架! 所以,真係好希望大家可以保護地球! ~咁冬唔好飲凍野啦,但點解去到starbucks你只叫green tea? 可能你屋企無茶飲or茶葉之類啦,因為我個人就唔會出去外 面飲茶既(酒樓除外),我多數只會自己泡茶黎飲! ~原來呢日係可以放煙花架,好浪漫呀,有時真係唔使話要放 好大型既先係好,有時睇d人放煙花既喜悅,其實仲賞心樂事!
ReplyDelete[版主回覆05/30/2008 04:23:00]陶陶夫人: ~ 我有時看天氣報告, 都見到你個樹都話落雨, 係咪真係有咁多雨落呀??? 我依邊話就話有陽光, 但其實仲好涼架!!! 我仲着住長袖衫, ...咁都好, 可以遮住自己啲身型, 哈哈!! 但我都相信啲天氣開始反常喇! 凍都好長時間, 我相信夏天黎果陣時仲會更熱添!!! 我都唔希望好似The day after tomorrow 咁呀!! ~ 我果日去starbucks 唔想飲咖啡嗎!!! 而且, 又咁凍, 就杯熱茶囉!!! 飲熱茶會更多暖啲嗎!!我有時飲野都好即興架!!! 哈!! 但我都好喜歡泡水飲....啲中國茶係最解渴, 最消滯架喇!!飲 完舒服晒!!! ~ 依日係Victoria's day 假期係可以玩煙花架!!! 但我無買到黎玩呀!!! 係自己個窗都望到煙花喇!! 費事晒錢喇!! 哈哈!