May 28 (Wednesday)
放工好指定動作 , 去屋企樓下個郵箱, 睇下有無信係屬於我自己.....點知點解???又係無我嘅信收, 好失望呀!! ....但今日開完個郵箱竟然鎖唔返個郵箱, 仲感覺個鎖好唔穩, 想跌添!! 我知鎖唔到都唔會有人偷信, 但鎖唔到好麻煩喎!!! 咪同Brian去管理處講囉!!! 唔洗一陣管理哥哥就同我哋一齊去郵箱度, 啲效率好快....好快喎!!! 個郵箱整返好添!! 幾驚又話郵箱個鎖壞咗要整幾日呀!! 哈哈!!
雖然,依家用internet, email好普遍......但郵箱仍然都係好 important 架!! 我就算唔係等信件, 日日都有郵箱先安樂!! 係郵箱收收埋埋多數都係帳單 and 超市flyer, 但係有時都會有特別驚喜, 依啲特別驚喜都夠我開心成年喇!! 哈哈!!
↓我的郵箱, 同場加演----我朝早影嘅相!! 我隔離層大廈有人做緊高度危險動作---抹緊窗呀!
----------------------------------------------------------------------------
May 30 (Friday)
Oh!! 放weekend 喇!! 又過咗一week, 可以relax 下!!! 其實, 星期四, 我已經覺好開心, 因為仲有一日就Friday 囉, Friday 啲時間特別容易過, 係星期四放咗工, 仲同Brian 去行Canadian tire and 食街邊熱狗添!!
今日, 終於到Friday, 首先, 我自己去咗間精品店度行,咪睇下有無kitty 野囉!! 行咗陣,就返屋企喇..... 見到廚房有幾隻班點香蕉, 都係時間清理下, 就做咗
↓我個新玩具---Bear bear 蛋糕模, 我本來想溶啲朱古力去圖bear啲眼, 耳, 口,鼻, 但肚餓, 就已經食咗喇!! 哈哈!
做完香蕉蛋糕, 見唔肚餓, 又見有時間就去行一陣 Eaton centre (mall) 順便買野!! ...因Brian 個朋友下個月結婚, 我成日以為, Brian 朋友剩係請Brian 去婚禮, 估唔到請埋我去添!! 前幾日我攞咗衣櫃啲飲衫出黎試, 有啲就太闊, 有啲太緊,....無件好!! 謂有出去買囉!! 去到Mall 先知道停車費加咗價,(可能太耐無渣車去Eaton centre 喇) 比我知道加價, 買野心情, 都好似同時間競賽咁!!! 我試衫, 睇衫都好快, 對腳and 對眼好似開摩打!! ....好極速!! 我又叫Brian 幫手睇下!! 雖然係快, 但我今日有收獲喇!! 買咗條one piece 裙 and 一件西裝縷 (係用黎襯條裙)!! 依家唔洗為飲衫傷腦根喇!!
↓Shopping 戰利品
買完飲衫, 好肚餓, 出街食dinner 喇!! 今日食得好想食雲吞麵, (可能睇咗蔡欄新節目係介紹食雲吞麵架!!) 本來今日Brian 都好想食架!! 但去到間食店, 見到啲叉燒and 燒鴨都好靚, Brian 就換呔, 叫咗叉燒燒鴨飯食喇!!! 依餐又食到個肚脹"book book" 添! 食完飯, 我仲陪Brian 去賣電話, 賣完電話先返屋企!!
返到屋企又試衫,...試下脹"book book" 肚, 可唔可以着條飲裙, 哈哈!! 而且, 我又要執野....準備返weekend 返媽咪度!! 所以, 我黎緊未必覆到大家!! 大家等一等我喇!!! 有啲唔好意思呀!!
↓dinner---我食雲吞麵, Brian 食叉燒燒鴨飯. 我覺Brian 個蝶好食啲!
香蕉蛋糕~好耐都冇食過啦~Vicky~@@
ReplyDelete[版主回覆06/06/2008 01:38:00]迷迷(micmic) 香蕉蛋糕, 整就唔難整喇!! 但成日都要等香蕉熟先整到!!! 我就唔係成日都有咁嘅耐性喇!! 哈哈!
VICKY~~雲吞麵好正啊！！D云吞好大粒啊·
ReplyDelete[版主回覆06/06/2008 01:51:00]歐冰冰@比樂太太: 係呀!! D云吞好大粒, 都幾好味!
e...原來你都有睇蔡瀾..!~
ReplyDelete你的郵箱好細呀!~
[版主回覆06/06/2008 01:56:00]小威威: ~ 蔡瀾, 我係上網睇架!我依樹啲電視邊有直播呀!! 哈哈!! ~ 係加拿大依邊個個郵箱都差唔多係咁嘅size 喇! 我唔理咩size, 只要放到我想要嘅郵件就得喇!
我都有睇蔡san 節目,D云吞細細粒,我諗呢度都好難揾到!
ReplyDelete返到媽咪度玩/食得開心D !
[版主回覆06/06/2008 02:00:00]高貓貓: ~ 咁岩, 我哋大家睇啲節目都一樣, 哈哈!! 蔡san 真係好識食呀!! 我以前細個同媽咪去街市都撞過幾次 蔡san 架!! 哈哈!! ~ 我每次返媽咪度都係食食食架!! 而且, 一家人坐係身邊, 一齊食真係幾開心架!!
我都有呢個 bear bear 蛋糕模呀 不過係一盤有６個 bear bear
ReplyDelete正因為咁 個 size 大左啲 我個焗爐入唔到啊!!!
[版主回覆06/06/2008 02:04:00]畫: 我又未見過一盤有六個bear bear 蛋糕盤喎!! 又會咁岩比你買到,...咁你買咗先知自己唔用得呀!! 可唔好以攞去換架?? 咁而家依六個bear bear 盤點算呀?? 入咗冷官喇?
個bear bear蛋糕模好得意呀~~~
ReplyDelete[版主回覆06/06/2008 02:06:00]V&M: 我都覺個bear bear 盤蛋糕模好得意, 我見到就即刻要買喇!! 都買咗一段時間, 而家先攞黎用!! 哈哈!
個蛋糕好得意呢
ReplyDelete[版主回覆06/06/2008 02:07:00]心樂: 個蛋糕模, 我一見到就買喇!! 因為好cute 呀!! 忍唔住唔買..哈哈!!
Vicky: ~我都好鍾意成日check郵箱,因為我覺得寄信同收信係一件好互動既事黎架,所以都好鍾意收到朋友寄俾我既任何野,學呢話齋,真係可以開心好耐架 ~蔡san個節目我都有睇呀,真係好鬼開心睇d飲食節目,我同你一樣,又係睇完d乜乜乜,就會突然間好想食到o個樣野架啦! ~聽到你話買飲衫,我都要準備一下啦,因為老公細佬9月結婚,我得番3個月時間keep fit同四衫咋,勁趕!
ReplyDelete[版主回覆06/06/2008 02:23:00]陶陶夫人: ~收信(唔計每個月嘅帳單), 我其實好喜歡收信的感覺, 好開心架!! 我以前收咗信會即刻回架!! 而家因為比較多工作做, 自己又懶, 所以, 收完信遲遲都未回架!哈哈!! ~我都係無意之中先知蔡san 有個飲食節目, 咪睇下囉!! 蔡san 真係好識食, 而且, 他一食啲野, 都食到好滋味, 忍到我都想食,哈哈!! 所以, 我哋都係唔忍得...見人食得好食, 就會好想食到個樣野...!! 哈哈!! 而家講起我又想攞啲零食黎食添!! 哈哈!! ~你成日影相, 你真係好少影自己!! 我相信你都唔會話好肥, 你係咁二, 行啲路會瘦架喇!! ~我其實一早都唔知會去依個wedding party 架!! 我由頭到尾仲以為剩係請Brian!! 因為我同新娘哥(新娘哥係Brian 大學同學)and 新娘都唔熟, 但到個新娘哥派請柬先知請埋我, ...都沒有準備之下就要買飲衫,連肚腩都未減...哈哈!
見你去左williams sonoma買野窩~ williams sonoma係賣飛弗store黎架~ 哈哈
ReplyDelete[版主回覆06/06/2008 02:26:00]睛天娃娃: 又會比你見到Williams sonoma...哈哈!! 我都係買刮刀咋!! 哈哈!! 我每次行mall 見到William sonoma 都會兩眼發光架!! 哈哈!
買到就好啦, 我地8月要去人地婚禮, 太太佢仲未得閒去買裙呀,哈哈
ReplyDelete[版主回覆06/06/2008 02:30:00]通少: ~ 我今次買得好趕呀!! 完全無準備就去買飲衫, 啲肚腩都未減!! 好肉酸...算喇!! 參加婚禮係開心事!! 唔諗咁多喇!! ~ 而家, 都出咗幾多one piece 裙, 你放weekend 得閒就同你太太行下mall喇!!
咦...zara同H&M已經嚟咗香港, 齊齊可以買同款衫呢.......哈哈~~~
ReplyDelete個BEAR BEAR幾可愛喎~~~而香蕉蛋糕的確好好食架~~~
[版主回覆06/20/2008 14:19:00]細細粒: ~ 我而家先記得覆你依個message!!哈哈!! 唔好意思! ~ 我都知香港有Zara and H&M, 不過, 啲款色and size 同唔同加拿大咁分呢?? 不過, 依啲牌子係大路牌子, 應該好多國家and 地區都有!! ~ 個Bear bear 蛋糕, 我諗住整完之後, 會加啲眼耳口鼻上去, 玩裝飾, 但肚餓得濟食咗喇!!哈哈!! ~ 依個bear bear 蛋糕模, 我一見到就想買, 去到cashier, 原來係特價貨, 我份外開心!哈哈!
係朋友送(佢公司做廚具 都係公司拎番嚟) 好彩唔駛錢咋 唔係就..
ReplyDelete係呀 打左入冷宮呀~~ 仲有幾個焗盤都係呀 size 唔啱
唯有等呢個焗爐壞左就買個大啲既~~
[版主回覆06/20/2008 14:26:00]畫: ~ 唔好意思, 我咁遲先覆你依個message!! ~ 嘩!! 咁好, 你朋友做廚具店架!! 你個bear bear 蛋糕模唔洗錢, 用唔到都唔會話好晒錢, 我反而有興趣你做廚具果個朋友!! 你識到依個朋友真開心, 有免費廚房用具!! 我依個Bear bear 蛋糕模都係Brian 買比我, 好彩係特價貨!!! ~ 你為咗一個蛋糕模就想買大啲oven 喇!! 你好好笑呀!! 哈哈!!不過, 我相信如果你要買大爐,應該好多人會贊助你!! 哈哈!!