到friday 喇!! 放weekend 喇!! 雖然天氣仲有少少涼, 但都唔會影響我出街街心情, Brian 未到dinner 時間已經講定話去mid-town 食台灣野, 我聽到台灣野, 我都好開心, 因為有珍珠奶茶飲...哈哈!! 但去到mid-town 就比較難揾車位, 因為多數泊係街邊啲車位.....一唔留神就會錯過咗個車位!! 我哋好不容易揾到個街邊車位, 迫完之後, 見到間越南食店, 裝飾都唔錯, 見門口個menu 有檬粉食, 我同Brian 就即刻改變主意, 入咗去越南餐廳食野!! 唔食台灣野喇!!
入到去....越南餐廳, 我哋樣樣都想食....可能我哋太耐無食越南野喇!! 以前讀書時, 唔知點解好喜歡同Brian 食越南野架!!! 到做咗野之後, 反而少咗食越南野!! 哈哈!! 我成日都覺加拿大啲越南野, 都幾正宗架!! 我最喜歡食越南檬粉, 好好味架!! 我平時出街食野好少order 飲品, 除非跟餐送,...但今日食越南野食到好興份, 我還order 咗杯滴滴咖啡飲添!! 哈哈!!
食完越南野, 我就同Brian 去買手提電話添!! 連帶我部手提電話都換咗第二個型號喇!! 今次新個部手提電話多咗啲功能之外, 仲有一個位比我掛電話手繩架!! 哈哈!!
↓越南野食有:炭燒豬扒飯, 烤豬肉檬春卷檬粉
↓咖哩雞飯(味道有啲普通), and 一杯凍奶茶(Brian 架!)
↓我order 咗杯滴滴咖啡, 仲有一榨冰另上!! 幾得意!!
↓我本來用深紅色個部手提電話, 而家轉咗用橙色個部電話(有膠紙個部)!!
我都好耐無食越南野了
ReplyDelete[版主回覆05/28/2008 16:01:00]小威威: 我見你好多時都出外食lunch, 你如果經開越南餐廳, 就入去食個lunch 喇!!有時我覺越南野都清清哋, 食完唔會濟住濟住!!
我都好鐘意食越南野架
ReplyDelete[版主回覆05/28/2008 16:03:00]心樂: 你得閒都同你男朋友一齊食越南野喇!! 越南野又清清哋, 唔會太油膩!
我反而最鐘意食生牛河窩~
ReplyDelete[版主回覆05/28/2008 16:06:00]睛天娃娃: 我唔食牛架!! 所以, 唔會order 生牛河, 但我多數會提議Brian 叫生牛河食!! 哈哈!! 但他成日去親越南餐廳就order 炭燒豬扒飯架喇!! 哈哈!!
越南咖啡我都好鍾意飲,以前係H.K 未有咖啡機,我有果個滴滴杯!
ReplyDelete你哋D手機change 得眞係好密吓!
[版主回覆05/28/2008 16:11:00]高貓貓: ~ 係喎!! 我記得你有咖啡機架!! 原來你仲有個滴滴杯添!! 你對飲咖啡真係好講究呀!! 我係屋企真係好少飲咖啡架!! 因為可以揾個籍口出街飲!! 哈哈!! 不過,越南咖啡真係唔同啲, 我覺好飲啲架! 哈哈!! ~ 如果我比較Brian,我換手機已經唔算密喇!! Brian 換手機換到我唔知他換咗手機添!! 哈哈! 不過, 我唔理架喇!! Brian 打到電話比我就得架喇!!
我都好鐘意食哩度嘅越南嘢﹐不過﹐除左一樣﹐就係檬粉﹔我喺香港好鐘意食架﹐但我覺得哩度嗰D檬粉同香港嘅好唔同﹐食過一次之后﹐無再响哩邊食過lu。
ReplyDelete[版主回覆05/28/2008 16:18:00]Bobo de Licious: ~ 又會咁特別, 你唔喜歡依度啲檬粉架!! 我就會特別叫檬粉食添!! 其實, 我早倫都見你食咗越南野, 你好似叫生牛河粉!! 所以, 刺激到我, 都想食越南野...哈哈!! ~ 我係香港食越南野, 多數都去金牛苑架!(聽daddy 講, 依間食店仲係香港)! 因為個度啲野,咩都整得好好食架!! 哈哈!以前返香港, 一定要daddy 帶我去先心息, 如果唔帶我去, 我日日提住, 連我自己都覺自己煩, 哈哈!!
鍾意食泰國野多d~~~
ReplyDelete[版主回覆05/28/2008 16:19:00]V&M: 泰國啲咖哩野味啲嗎!! 但我好貪心, 越南野and 泰國野都好喜歡食架!! 哈哈!!
越南野, 我都 LIKE 呀!!
ReplyDelete你杯滴滴咖啡, 另外仲有一榨冰, 真係好特別呀!!
[版主回覆05/28/2008 16:23:00]B の家: ~ 越南野, 好多野都清清哋嗎!! 所以, 食好多越南野食,都唔會太濟, 哈哈!! 你得閒都同阿V一齊去食!! ~ 我都估唔到滴滴咖啡會另外比一榨冰, 要我自己加啲冰入杯咖啡度, 我都覺得好特別, 印象難忘, 下次會再飲添!!
未戒牛之前我都鍾意食生牛肉河~~同埋我都幾鍾意食泰國菜~~gam vicky lei?
ReplyDelete[版主回覆05/28/2008 16:30:00]嵐 ; 我好貪心架!! 我咩都仲意食, 越南野又食, 泰國野又仲意食, 泰國咖哩比較野味啲, 所以, 有時都會好掛住食泰國野架!! 我以前細個都食牛, 但由於我屋企都有人唔食牛肉架!! 雖然, 細個食牛肉, 都唔會點叫牛肉嘅野食架!! 哈哈!! 所以, 啲生牛肉河, 真係未叫過黎食, 但我成日提議我男朋友叫生牛肉河食, 但他就喜歡炭燒豬扒飯多啲, 每次食越南野都要order 先開心, 哈哈!!
hello~~ 你們咁開心架?? 星期六及日一定放假的??我就唔係啦!! 隔個星期六要返工, 如果逢星期六都唔洗返工, 心情會好好多.....
ReplyDelete我都好喜歡食越南野的, 不過就有d熱氣, 我多數去沙田先食, 哈哈~~
放心啦!! 我會得閒就上黎留言的....
[版主回覆05/28/2008 16:41:00]Elanie: ~ 我間唔中,有好多野做, 做唔晒都要星期六返工, 我星期六返工仲無補水架!! 所以, 我有咩都係五日內做晒!! 我男朋友係以前差唔多個個星期六都返工(全日)架!! 我見得他一日咋! 但依兩年好返啲, 間唔中先要星期六返!! 但我其實,好仲意返工架!! 因為我覺返工先有活力嗎!! 好多人都覺...我係怪人黎架!哈哈!! ~ 我覺越南野一啲都唔熱氣架!! 叫下檬粉, 都唔知幾清呀!! 有時出街食鬼佬野仲濟喇!! 哈哈!! 你話一入沙田就食越南野, 沙田啲越南野特別好食架!! 咁我要記低喇!! ~ 好多謝你特登走過黎留言比我, 我知你要特登過黎先留到言比我, 所以, 我每次見到你個留言都好touching架!!
越南野都係我其中一個 賣飛彿呀~~
ReplyDelete不過呢排都好少去食啊!!
你換電話都換得幾密呀 哈哈
[版主回覆05/31/2008 04:35:00]畫: ~ 我好貪心架!! 泰國野, 越南野, 台灣野,法國野, 咩都喜歡食架!! 哈哈!! ~ 我男朋友當電話係玩具黎架! 有時他換咗電話,我都唔知架!! 總之, 我揾到我男朋友, 我男朋友又揾到我就算架喇!!
Vicky: ~你地o個邊多越南人,所以整既應該都ok架! 我最鍾意就係食春卷檬,成日返工時都會order黎食架 ~睇黎你都係coffee癡,真係日日都要飲番杯先過 隱咁喎,滴漏係好飲d既,本人覺得好飲過starbucks添 ~部電話細左,咁仲有無得收發email呀?
ReplyDelete[版主回覆06/02/2008 15:39:00]陶陶夫人: ~ 我都覺係美國and 加拿大依個地方好多越南人住, ...我係香港住都唔知美國 and 加拿大會有咁越南人, 而且,去襯啲越南食店一定係好好食,...啲野仲幾正宗添!! 我仲記得你daddy係美國時, 仲買咗個滴滴咖啡器返咗香港添!! 哈哈!! ~ 我都好喜歡食檬粉,...有時覺得食檬粉, 好舒服架!! 起碼食完沒有好濟嘅感覺嗎!! 所以,lunch time 食檬粉係最好嘅選擇!! ~ 我都唔算係咖啡fans, 我屋企無咖啡機嗎!!! 所以, 如果出去飲野都會飲咖啡囉!!! 而且, 飲咖啡, 傾下計個感覺好relax 嗎!! 而且, 依個娛樂又唔係太貴, 所以, 我周不時都會同Brian 去咖啡店架!!!而我自己都好喜愛飲starbucks 咖啡架!! 真係好香膿架!!!! ~ 我新手電雖然細咗, 但都可以用到email, 如果無email 我唔架!! 因為我現時好需要email 電話架!!
有新電話用, 好開心啦, 哈哈
ReplyDelete越南野, 我哩邊個chinatown大把, 凍啡奶係必叫, 真係夠晒濃呀
[版主回覆06/02/2008 15:58:00]通少: ~ Yeah!! 有新電話, 頭個幾日會着躍啲架喇!! 哈哈!! 玩咗幾日就無咁新鮮架喇!! 哈哈 ~ 我依邊都大把越南食店, 有啲成間食店都係越南人黎架, 連啲待應都係越南人黎架!! 野食都幾正宗, 我諗有啲越南食店仲正宗過香港...哈哈!! ~ 你個樹係法文地方, 係多啲越南人架!! 因為我知有啲越南人, 係好識講法文架! 好似越南係曾經比法國統治過架!! (我啲history 好差, 我都係知啲唔知啲!! 哈哈!!) ~ 我覺越南咖啡,有埋練奶, 真係幾特別架!! 啲練奶混合埋啲咖啡膿味, 真係好香!! 好好飲架! 哈