May 17 (Saturday)
一連三日長周末假期(Victoria's day)開始喇!! 第一日假期(May 17) 就係同Brian去Buffalo 玩返日, 我初頭好好驚會落雨, 事先幾日臨瞓前會check 天氣佈 導, 祈求會好天, 咁樣渣長途車去旅行都無咁辛苦!!! 又check 定晒啲路線, 寫定去Buffalo 嘅地方...做咗一大倫research......真係去一日旅行都花咗好多心機, 臨去Buffalo 之前一晚還瞓得馬馬, 我也覺得自己好好笑...哈哈!! 而家去隔離果國家.....美國之嗎!! 我好似興份到去英國咁!!! 自己都覺自己傻傻哋! 有如自己第一次出外去旅行咁! 哈哈!!
一朝早同Brian 買咗份報紙比我, 之後, 就去麥當當食咗個早餐, 就出發去Buffalo, 去Buffalo途中都濟咗一陣車, 但比我預期之中好!! 因為, 我成日以為長周末假期, 就會好多人自駕遊, highway 一定大濟車, 但由屋企渣咗個零鐘就到我過美國海關喇!! 過咗美國海關, 就發覺美國啲交通燈有啲亂, 東一個西一個, 中間又有幾個, 有啲唔係好organize......但小心啲睇, 都明點睇!!
Yeah!! 無幾耐, 就到我哋想去嘅第一站----Outlets mall 喇! 入到去outlets mall 迫車, 好似見唔到美國人啲車, 差唔多全部都係多倫多車牌啲車, 而家美金同加幣一對一. 真係吸引好多人去美國買野!! (因美國啲標價係低過加拿大架! 所以, 而家攞加幣去美國洗會覺啲錢見洗啲)一朝早食個早餐先, 之後, 就渣TT仔一齊去美國喇!! 見到美國旗喇
入到去美國啲outlets mall 行, 真係覺得好多野行, 況且, 我又係第一次去依個outlets mall 行, 所以, 咩都覺好新鮮!! 話明outlets, 啲野緊係會平啲喇!! 雖然,有啲款色唔係最新, 但以我唔係太追求新潮嘅人, 都ok喇!! 我去旅行,無理由齋睇, 唔買喇! 都唔似我風格喇!! 我行無一陣就買咗條頸巾喇!! 無幾耐, Brian 就買咗對兩對鞋, 我又買咗一對橙色鞋, 其實, 我都無諗住買鞋, ....但Brian 話一啲都唔貴!! 亦相信係加拿大一定用唔到依個價錢買到依啲鞋. 係依個outlet mall 行咗好耐, 左看右看, 行到成下午四點tea一tea.....食咗個美國style 嘅donut...(加拿大無依個牌子架!!) 去到外國緊係試返啲當地野喇!!
之後, 再渣車去第二個美國地方行, 都係行商場(Walden Galleria)!! 但依個商場就高貴啲啲!! 其實, 美國商場啲鋪頭同加拿大差唔多, 但美國啲款色係多過加拿大好多好多架!! 但覺加拿大啲人好似斯文啲!! 哈哈!!(個人感覺), 係第二個商場行咗一倫, 我就買咗個黃色蛋糕模, 雖然加拿大都有得賣, 但計返加幣我都係平, 所以, 就決定買下!! 我同Brian 行緊第二個商場, 但我哋啲話題仲講緊第一個商場(outlet mall)啲鋪頭, 所以, 就決定食埋dinner, 再去返outlet mall 行, 本想去blog 友介紹間cheesecake factory 食dinner...但太多人排隊喇!! 所以, 我同Brian 係food court 食意大利野, 就算!!
再渣返車去第一個outlets mall 行, 可能開始夜, 啲人流少咗, 但咁樣仲好行喇!! 襯無咩人我入咗一間美國牌子手袋店,(因為依間美國牌子手袋店成日都要排隊先入到去, 見唔洗排隊就入去行) 雖然, 啲手袋真係好平, 有啲仲平到自己唔信, 但我忍到手無買到! 此於, 自己對依個牌子啲手袋無咩興趣!! 但依間手袋店, 啲飾物仔設計得幾得意....所以, 都有幫襯下...哈哈!! 我同Brian真係行到啲店鋪close 先走!!
過返海關返加拿大喇!! 我初頭以為會等好耐先過到海關, 但又唔係喎! 都係等咗一陣之埋....我等海關時仲影咗啲夜景相!! 哈哈!! 返到加拿大, 見經開賭場就入去玩下, 雖然, 得個和, 但就當娛樂下囉! 之後, 就渣車返屋企喇!! 成日個行程就玩完喇!! 玩得好開心!!! 但返到屋企就好攰, 好想瞓....以前, 讀書時, 每星期渣五小時來回返媽咪屋企, 到夜晚仲周街去都面不改容!! 依家來回都係兩個幾鐘, 但我已經好攰, 連Brian 叫我食消夜都唔去, 無晒以前讀書時啲拍力喇!哈哈!!
What a fabulous trip!
ReplyDelete我依加都諗緊出年會去Buffalo行個圈(等我做埋citizen攞左passport先)!
[版主回覆05/23/2008 15:15:00]Bobo de Licious: 出年好快o者!! 一陣就過架喇!! 其實, 我都好少出境去行下!! 加拿大實在太多, 就咁一個安省都有排...行喇!! 哈哈! !
眞係好多收獲 !下次記得去試Cheese cake , 同埋你去walden mall 時有冇行Urban Outfitters ? 佢入面有好多Kitty figers (硬膠,日本好hit 吓果D公好, 上咗唔同花/色)我唔知多倫多有冇?!你下次可以再去睇吓!
ReplyDelete[版主回覆05/23/2008 15:22:00]高貓貓: ~ 今次,真係買咗唔少野!! 因為價錢ok, 先忍唔到手,哈哈!! Cheese cake factory...我如果下次去會試下!! 咁多人排住隊都食, 即係唔差喇!! ~ 我係Walden 無行Urban outfitters 呀!! 但係加拿大就有行過, 係加拿大我都見到你話個啲硬膠kitty....但我依家買kitty 野, 大多會買實用少少啲野.擺切就少買 但多謝你講依個意見我知!! 你連出街都幫我留意埋kitty 呀!! 哈哈!
你地幾時會黎香港呀? 好想同你見面食飯呢
ReplyDelete[版主回覆05/23/2008 15:26:00]心樂: 我哋都好耐無返香港架喇!! ...哈哈!!
我上次去同你地個行程一樣，都係去左outlet先去Galleria，我地無去cheesecake factory食，只係買左外賣cheesecake係車食，下次你地有機會先試啦!
ReplyDelete[版主回覆05/23/2008 15:37:00]Mui: ~ 又會咁岩, 我哋啲行程又差唔多!!! 哈哈!! 不過, outlets 近加拿大啲嗎!! 咪行outlets先囉!!哈哈!! ~ cheesecake factory...真係好好食架?? 都好多人提我要去試下呀!! 但果日真係好多人嗎!! 我哋去咗第二度食就算!! 我又醒唔起要買外賣上車食添!!! 下次會記住!! 哈哈! 唔該!
而家美金唔值錢lu......呢個行程好滿足好豐富咁啵~~~
ReplyDelete[版主回覆05/23/2008 15:40:00]V&M: ~ 都係架!! 所以, 去美國行下咪抵啲囉!! 哈哈!! ~ 依個行程, 都係Brian 諗...而且,又係Brian 提議!! 但玩得好開心!!
好搞笑呀, 原來過去美國都係行mall, 你都幾鍾意行街喎....同我都似, 但我好懶走到咁遠去行既, 但見你買咗咁多戰利品都"等"你高興呀, 加上咁平添.......哈哈~~~
ReplyDelete[版主回覆05/23/2008 15:47:00]細細粒: 其實, 行mall 就最好架喇!! 又可以周圍睇野, 又可以買下野!! 哈哈!! 有時我行mall 未必買到野架! 都係得個"行"字,哈哈!! 係依日去outlets, 啲野真係平啲...所以,就買到野囉!! 哈哈!! 買到平野, 我都好高興架!!
去Buffalo 坐公共交通會好d嗎?
ReplyDeleteVictoria's day 我都去左上海呀!~
[版主回覆05/24/2008 02:24:00]小威威: ~ 坐交通工具無咁方便架!! 而且, 要過關, 都係渣車方便啲!! ~ 你去上海玩呀!! 咁你玩得開心啲喇!!
你地專攻SHOPPING MALL , 一定有好多收穫啦!!
ReplyDelete而家美金個RATE咁低, 用美金好過用加紙啦!!!
睇張圖都覺得美國既交通燈真係好混亂, 會唔會好容易睇錯架???
[版主回覆05/24/2008 02:31:00]bの家: ~ 其實,去邊道旅行都會主攻shopping mall 哈哈!! 行咗先安樂!! 哈哈!! ~ 我都好耐好耐無出境旅行喇!! 其實, 加拿大都有好多地方行,...但都係觀光個啲多囉!! 而家美金緊縮, 去美國就低啲囉!! ~ 美國啲交通燈真係好混亂, 真係要小心啲睇先得!!! 而且, 大風啲, 啲交通燈, 就移來移去, 我覺有啲"牙煙" 囉!
你真係未去過呀? 你應該下次同brian 去ny 個 woodburry outlet mall (好似咁吋), 大好多, 超多貨, 超平, 一定要去呀
ReplyDelete你講個donut, 我哩邊有呀, 不過我都係覺得tim horton 好味啲, 哈哈
[版主回覆05/24/2008 02:41:00]通少: ~ 嘩!! 渣去woodburry 會唔會渣好耐架??? 我哋好怕渣車渣太耐架!! 以前讀書時, 已經成日渣長途車架喇!! ~ 不過,我聽過依個woodburry outlet mall, 我依邊啲旅行社都有依個團去, 比我跟團算喇!! 哈哈!! 但好多謝你提議依個woodbury outlets mall 比我哋知!! 依個mall 啲野真係好平架!!! (考慮考慮!!) ~ 你果邊有dunkin donuts 架!! 我依邊無架!! 所以, 去到美國一定會幫襯囉!! 但如果講donut...我最喜歡係krispy kreme doughnut 喇!! 仲要熱辣辣, 新鮮出爐, 先最好食!!
原來你去左buffalo既outlet行呀? 我好少去outlet行架...因為我對美國D brand真係冇乜興趣既~
ReplyDelete[版主回覆05/24/2008 02:45:00]睛天娃娃: 我都同你一樣, 我除咗喜歡juicy, 就對美國牌子, 無咩興趣架!! 唔知點解!! 但去旅行,...唔行mall 有咩好去, 講真, 我對博物館又無興趣...都係行mall囉!! 哈哈!
Vicky: ~你地收獲都好豐富喎!一路上都係買買買~!好有幾趣呀! 咁你地總共係咪買左好多錢呢?但洗幾多都好,最緊要係洗 得開心就得啦! ~Cheesecake factory我去過3次啦,我覺得幾好食架d野,當然, 佢地份量都好大,食完主菜好大機會食唔到既地馳名既甜品 架啦!我第一次就係咁啦,但到第二三次就學精左,食主菜會就 住,唔可以無位食甜品架! ~你地有車真係好,可以四圍去,唔知我幾時先有車可以好似你地咁呢?
ReplyDelete[版主回覆05/24/2008 03:13:00]陶陶夫人: ~ 依次收獲真係好豐富, 哈哈!! 其實,上面張相,有啲都唔係買比自己, 係送比人架!! 但買得好開心, 如果唔計送比人啲野, 我哋兩個人都係洗咗差唔許多$200 usd 倒!! 係加拿大都用唔到依個價買到咁多野喇!! 不過, 行outlets 啲貨會比較亂少少!! 真係要耐心自己摷囉!! 仲要手快!! 因為手快有手慢就無架喇!! 仲有呀!! 我哋加拿大啲物價係高過美國好多好多架!! 而且, 款色選擇唔多架!! 唔好講衫, 連日常用品啲選擇都多啲架!!
~ 我去cheesecake factory...已經見到好多好多人喇!! 由於,我同Brian 唔想晒時間等位, 所以, 無食到!! 你去過成三次...證明依間食店真係幾好食喎!!! 原來cheesecake factory 啲件頭好多架!! 咁我下次醒目, 唔洗order 頭盤喇!! 或者叫外賣, 同Brian 一齊share 個啲main course..!! 咁咪可以試到多啲甜品囉!! 哈哈! 但外賣 就無得享受個氣氛囉!! 哈哈!!
~ 其實,我哋以前都好似你哋咁,係無車架!! 都係坐交通工具周圍去, 但我同Brian 都覺,係外國有車真係會方便啲架! 會去到多啲地方買野, 唔洗局限住, 交通沿線啲地方!! 但我覺養車皮費真係幾大架!! 而且渣車真係幾傷神架!
哈哈......呢個留言係我今日第一日返工期間留俾你架.......
ReplyDelete嘩,我見到你去outlet買咁多嘢,我都好鬼想去呀......你話有手袋賣,我都想見識吓係咩嘢款式呀........你條頸巾幾多$$呀?我都唔記得問你呀.....我問吓咋,你唔洗理我呀!
[版主回覆05/24/2008 03:26:00]爆炸魔女: ~ 我好少係依樹打依個名喇!!! 哈哈!! ~ 我襯返工有空檔時間都留言比我....我真係好開心呀!! 你返工都掛住我呀!! 哈哈!! 你係第一日返工都可以寫message比我, 你第一日返工都應該好輕鬆喇!! 亦可以知道, 你係工作上啲野,應該應付到喇!!! 恭喜你呀!! 祝你工作愉快!! ~ 我係你個樹答咗你話條頸巾幾多錢嘅問題喇!! 我相信你應該睇咗我打比你嘅message 喇!!我依幾日係街都帶住依條頸巾, 因為依排天氣仲好涼!!!! 往年依個時候都夏天喇!!!! 所以,依 條頸巾買得合時囉!!! 哈哈!!
係加拿大去美國須時耐唔耐呀?!!
ReplyDelete收穫都幾豐富啊~~
得閒去多啲地方 介紹吓~~ 自己無得去睇你介紹 嘻嘻
[版主回覆05/24/2008 03:37:00]畫: ~ 係加拿大去美國(buffalo), 大概需要個令鐘時間喇!! 好似香港人上深圳玩咁囉!! 哈哈!! 我今次收獲真豐富, 而且, 我去美國啲outlets 店, 所以, 價錢平啲囉!! 貴我都唔捨得買喇!!哈哈! ~ 好呀!! 我盡量去啲新地方,都會影啲相,介紹下喇!! 哈哈!! 我影相好求其架!! 哈哈!! 有時我係你度都知道好多香港唔同嘅地方!! 你影啲相好特別呀!!
哈哈, 楂車去都要5個小時呀, 哈哈哈
ReplyDelete有團去係好, 不過會唔會比得好小時間你買野呀, 無咁free喎
[版主回覆05/24/2008 03:42:00]通少: 五小時,....時間太長喇 !! 我同Brian 一定無依個耐性喇!! 你都講得岩, 跟團真係無咁free...哈哈!! 但五個鐘...真係要考慮喇!!! 哈哈!