我瞓到好遲先起身, 都唔想 郁 咁濟, 梳洗完都掛住坐係電腦面前左click 右click 咋!!真係齋睇!! 我都覺自己有少少無料! 但我好enjoy 喎!! 哈哈!! Brian 見到我咁, 他就話: 「 出面咁好陽光,不如出下街行! 唔好晒咗啲美麗陽光
同Brian 出街, 當然唔單止行超市咁簡單喇!! 緊係會行下mall 消磨下時間先喇!! 點知去mall 途中有traffic jam......擠咗幾耐呀!! 去到Sherway Garden (mall 名稱)都成四點幾, 行多陣都已經聽到啲sales 係度數硬幣啲聲, (點數)! 臨離開個mall 見到啲特價朱古力
由於見啲天氣好好, 就同Brian 坐係書店隔離啲露天座位度飲下野!! 原來, 眼見好多陽光, 但原來好涼, 好大風, 我坐一陣露天茶座都打冷陣!! 我仲叫咗杯blog 友介紹嘅凍飲
回程返屋企, 先去我想去嘅地方---超級市場, 見入開超市入貨, 就順便買埋啲海鮮, 夜晚返屋企煮dinner黎食! 咁岩,我係超市仲撞到以前坐電梯成日撞到個細路仔(白人and 唐人混血兒), 而家個細路唔洗手抱喇!! 依個細路仔仲識行識走, 周圍掂野添!! 哈哈! 聽依個細路個父母講, 由於工作關係, 已經搬咗去另外一個地方生活喇!! 做唔到我哋樓上樓下喇! 雖然, 好難得見返面, 但我無同個細路影相呀!! 費事喇!! 哈哈!! 我同舊鄰居傾兩句就say bye bye 喇!
左行右行, 最後, 返到屋企都成八點喇!! 我都開始煮飯, 其實, 海鮮餐最容易煮, 全部蒸熟, 原汁原味, 就最好食!
收獲都幾豐富啵,買到食譜又可以整比Brian食~~~呢餐海鮮餐真係夠新鮮喇~~~原汁原味就最好食架喇~~~
ReplyDelete[版主回覆06/03/2008 02:59:00]V&M: ~ 個食譜係之前都見過,但唔捨得買, 依家見特價就買囉!! 但買咗食譜之後, 就好忙, 好多野做, 返到屋企煮咗飯都唔想整甜品喇!! 哈哈!! ~ 近排見啲海鮮幾新鮮, 而且, 價錢唔係好貴, 就買啲海鮮返屋企煮囉!! 海鮮就最方便, 蒸完就食得, 唔洗醃味,最好食架喇!
你就好啦...o係TO有新鮮海鮮買...我呢邊所有野都係frozen架~ 話時話我好少係呢邊買cook book架~ 我覺得呢邊cookbook D recipe唔係好o岩我...同埋如果我想整西餐可以上網搵recipe~
ReplyDelete[版主回覆06/03/2008 03:07:00]睛天娃娃: ~ 係Toronto 間唔中都有新鮮海鮮賣, 但唔係成日有架! 如果要食新鮮海鮮都要去special 地方先有得買架!! 我好多時都係買Frozen 多!! ~ 你平時煮啲中餐, 煮得好好呀!! 你煮藝好好呀!! 真係咩都識, 比我就唔得, 我煮襯咩都要攞住本食譜先安樂,哈哈!! 我其實,我好少係加拿大買cook book,但依本甜品書, 有好多甜品我都想整架!! 所以, 見到特價就買返屋企, 有好多時都係上網學煮飯..哈哈!!慢慢學習!
行完街先買餸, 真係最好, 哩邊啲舖頭5點就關門, 之後好多時都唔知做咩好
ReplyDelete[版主回覆06/03/2008 03:12:00]通少: ~ 依邊啲店鋪真係好早就close, 有時如果真係要買野, 係weekend 都要早啲啲起身先得!! 如果唔係咩都做唔到, 我會好sad 架!! ~ 好彩, 而家有啲超市, 開始夜少少先close, 可以行埋街先買餸都得!!
Vicky: ~雖然呢排係好好陽光,但都係有風架,好似我今朝都係咁, 老公返工出去之後打俾我,話出面好好太陽,叫我出去時唔 使著外套,點知我一出到去就出事啦,我著短tee,有風,凍到飛 起,真係多得佢唔少,好彩我有條圍巾咋! ~我呢邊d鮮蝦要summer先會有架,其實我由細到大食海鮮大既, 因為大姨媽係賣海鮮架,所以從未試過俾錢買海鮮!你地係咪一 年四季都可以買到新鮮既海鮮呢?我呢邊選擇得好少,好似鍾意 食海鮮如我咁既話,就會有少少失望架啦! ~你買o個隻朱古力brand係好好味架,所以佢本身都唔平架!
ReplyDelete[版主回覆06/03/2008 03:35:00]陶陶夫人: ~ 我都覺今年夏天遲咗少少先到, 但咁仲好, 太熱都好辛苦, 哈哈!! ~ 我有一個習慣, 就係一出街, 或者一起身, 都會開電視, 仲開weather 個台黎睇, 因為咁先唔會着錯衫....有時前一晚睇咗啲天氣未必正確...因為天氣會變得好快, 但出街之前望一望, 可以清楚出面天氣會點....而且,之前一晚看天文台, 自己會好似你咁老人痴" "on"症發作,會唔記得架!!! 哈哈!! 仲有呀! 你美國個邊啲醫料費好貴, 點都保護自己身體健康啲先好,有時冷襯手尾都會好長架!!!! ~ 嘩!! 你大姨媽做海鮮架!! 唔怪之得你由細到大都有新鮮海鮮食喇!!!!!!你真係唔新鮮都唔食...哈哈!!不過, 香港海鮮真係好新鮮, 仲隨時隨地都有得買, 所以, 我覺香港人食野特別叻架!! 哈哈!! 係外國食海鮮, 真係有少少失望架!!! 鬼叫我哋生長係香港咩, 香港食野真係一流, 食咩都有. 其實, 我依邊都唔係成日有新鮮海鮮賣, 係季節性, 如果有時好想食海鮮都係食forzen 架!! 但如果係加拿大西岸住, 海鮮會充足啲, 因為近海嗎!! ~ 啲朱古力特價嗎!! 就買啲黎食囉!平時賣得都幾貴, 我都唔捨得買黎食架!!! 哈哈!! 不過, 依隻朱古力真係好好食, 我哋買完第二日都食晒喇!!! 哈哈!!
食譜呀．．．．．我都好耐冇整甜品喇，我諗有排都唔整得 lu ~~
ReplyDelete$10一本兌換返港紙，我都覺得好貴呀，但係你呢本嘅印刷同釘裝都好靚，所以都好抵呀！
[版主回覆06/03/2008 03:51:00]爆炸魔女: ~ 我知你而家一定好忙, 你做足兩份工, 家庭煮婦and 返工, 兩樣一齊, 而且, 我知你嘅性格係一定要做到好稱職啲人, 因此, 我相信你都係無咩時間做蛋糕喇!! 要都等你仔仔放summer holiday 先喇! 我近排都唔知咩事, 好多野做, 日日都有特別工作要我做, 我都少咗整甜品嘅時間, 有時煮完飯, 都已經唔想做其他野喇! 所以, 買完本食譜書都無特別研究添!! 放係床邊打開過幾頁睇咋!! ~ 其實, 我知依本食譜匯返港紙都唔平, 但依本食譜已經特價咗喇!! 哈哈!! 我等咗好耐喇!! 我不流整野食, 都係上網自己學, 但cook book 真係少買, 但依本好多甜品都係自己想整黎食架!! 所以, 先決定買... 不過, 我要等遲啲自己得閒少少先買材料整!!