May 25 (Sunday)
好例牌,一起身, 我就行咗出街買報紙, 因為我一早講咗, 我自己出去買, 所以, Brian 沒有跟我出去, 襯買報紙出開街, 就周圍"貢" 下, 行下shopper drug mart (類似香港屈臣氏), 周圍行下當做下運動都好
返到屋企, 整咗個超簡單嘅Sunday lunch, 仲蒸咗隻粽黎食!! (琴日係超市買), 其實, 我唔係好知幾時係端午節, 但見啲唐人超市, 係咁sale 啲粽,咪買啲放係雪櫃度囉!! 哈哈!!
↓今年食嘅第一隻粽呀!!!
食完lunch, 係屋企行行企企, 左抹右抹,
↓Brian 要賣嘅電話!
交易完電話, 經開超市, 就入咗去, 因為我想睇下有無特別新款雪糕
我話: 依包係"支支冰" 黎架!! 係小朋友都食過, 學校啲老師係夏天都會請啲學生食架喇!! 五妹細個成日都話要食架喇!! 五妹間學校啲老師最興係夏天請"支支冰" 比學生食架喇!! 我間學校啲老師都請過我食!!
Brian 話: 香港就食過支支冰, 係加拿大就未食過, 第一次見, 學校又無老師請過比我食過呀!! 點知呀!! 你哋啲咩學校黎架?
我話: 關咩學校事吖!! 無啲加拿大小朋友文化! 買包返屋企試下喇!!
就係咁, 我哋就買咗包"支支冰" 返屋企食!! 一大包"支支冰" 都係$1 cdn, Brian 如果你仲意食, 就買多啲喇!! 哈哈!! 係夜晚, 食完飯, 咪叫Brian 試下囉!! 他好傳統, 食咗橙汁味
↓Freezies,...即係"支支冰" 囉!!! 一大包,裡面一條條!! 有六種顏色!
↓手痕傑作,....芒果布甸!
**我而家知幾時係端午節喇! 我blog 友(檬檬)話咗比我知喇! 唔該檬檬!!
嘻嘻......唔洗客氣~~~支支冰係細路仔都一定食過架喇~~~不過我就好耐無食過喇~~~
ReplyDelete[版主回覆06/03/2008 05:36:00]V&M; ~ 我又少返屋企, 我咩點問到媽咪幾時係端午節!! 同埋我依邊都唔係話點慶祝chinese 節日, 就係你話我知, 我先知幾時係端午節!! 唔該你... ~ 檬檬, 雖然, 你依家blog 改咗V&M,但我都好仲意叫返你係檬檬, 好似順口啲, 可能我先入為主喇! ~ 我都好耐無食支支冰喇!! 細個都少食, 因為我喜歡食雪糕多啲!! 哈哈!! 不過, 食支支冰可以懷念下以前, 哈哈!!
支支冰..經典!~
ReplyDelete香港好難搵到了!~..
[版主回覆06/03/2008 05:39:00]小威威: 而家啲貨物越出越新, 以前細個食個啲野, 可能已經改良咗, 變咗第二樣野喇!! 哈哈!!
我都好耐無食過喇....小朋友時我成日都買黎食
ReplyDelete[版主回覆06/03/2008 05:41:00]心樂: 我做小朋友時, 就成日要食雪糕, 支支冰都好少食架!! 但就有食過囉!
Vicky: ~我都唔太知幾時係端午正日,但我NY呢邊就成日都有d 阿毛拎d稯出黎賣!我最鍾意就係食好多好多綠豆既,點醬 油超好食,另外就鍾意間水稯 ~唔好話brian,可能佢真係無食過老師送既吱吱冰,我都只係 係HK食過,逢小朋友都會食架啦,但外貌就同加國既好唔同 咁,而且超級硬! 你又整芒果布甸呀,吸引死我啦
ReplyDelete[版主回覆06/03/2008 06:10:00]陶陶夫人: ~ 端午節係June 8 號呀!! 其實, 啲chinese supermarket 一年四季都有forzen 粽賣架喇!! 而且,去飲茶都有粽食, 我都好少話特登去買粽食架!!!!而家就黎係端午節就應下節, 買啲粽返屋企食下囉!!! ~ 你話你個邊, 成日都係啲阿毛伶啲粽賣, 啲粽來源係邊度架?? 你要留意下啲來源先好買, 如果,唔係食到有咩事就唔喇!!!! 我食粽, 只希望有蛋黃,就好開心, 有無綠豆都無問題架!!! 我屋人反而不喜歡食綠豆架!!食粽緊係要點啲醬油先好食, 咁樣食先好味道,. 有時我食粽會點白沙糖, 都好好味...我以前都好喜食"鹼水粽架!!! 但依兩年,就無咁喜歡喇!!! 唔通學啲老一輩講, 越大個人就越唔仲意食甜嘅野!! 哈哈!! 但我食鹼水粽一定要點蜜糖 or 沙糖先食架!!
~ 我成日都同Brian 咁樣傾計架!!! 哈哈!!我哋話黎話去先開心,...哈哈!!我黎到加拿大已都經讀中學, 但啲老師係summer都請我哋食支支冰架!!! 我啲妹就讀小學,她們啲老師都會請食支支冰, 可能我依個區興請學生食支支冰啩!!! 哈哈!! 可能我有班妹係細個啲, 有時加拿大小朋友玩咩, 我都會知知哋...Brian 都係黎已經中學生, 又無細路妹, 因此,依邊小學啲野.。。小學生玩咩野, Brian 係唔知架!!
~ 其實,我細個都好少食支支冰架!! 因為我喜歡食雪糕多啲...哈!!而加拿大啲支支冰唔同香港架!!加拿大果啲支支冰係平頭架!!! 香港個啲, 咬個支支冰頭, 都咬好耐先咬到....哈哈!!支支冰味道,其實係邊度都差唔多....因為依啲冰, 都係都係一支有味道嘅冰條...享受下冰凍過程之嗎!!!哈哈!!
~ 我係你個邊, 留咗個布甸簡易食譜比你, 你見唔見到呀??如果你喜歡可以跟住做架!!!咪唔洗比我啲布甸相, 引到你囉!!
支支冰, 以前夏天打籃球必食呀, 哈哈
ReplyDelete[版主回覆06/03/2008 14:39:00]通少: 我以前讀書都有打藍球架!! 又會咁岩, 但我打完藍球之後都唔食支支冰喇!! 我令願飲檸檬茶...哈哈!! 好似飲檸檬茶舒服 and 解喝啲!
講真我都唔知幾時係端午節呀~ 可能係因為我唔鐘意食粽啦~ 哈哈
ReplyDelete[版主回覆06/03/2008 14:43:00]睛天娃娃: ~ 端午節係June 8 號呀!! 我自從黎咗加拿大都唔係好知啲chinese 節日係幾時架!! 因為啲chinese 節日都無假放!! 因此, 過咗節日都唔知架!! 有時都係媽咪or 身邊啲朋友(香港朋友)講開先知啲chinese 節日係幾時! ~ 我對粽都唔係話特別喜歡, 但間唔中都會食下!!
Vicky, 週末愉快
ReplyDelete[版主回覆06/03/2008 14:44:00]MaGGie: 我祝你日日都愉快, 考試有好成績!
セ呢度D老師會請學生食支支冰咁好?! 呢度D包装又好似唔同H.K 果D 咁! H.K 果D 好似有個"頭" !
ReplyDelete[版主回覆06/03/2008 14:54:00]高貓貓: ~ 我一黎依邊就讀中學喇!! 但啲中學老師係summer 都請我哋食支支冰架!! 有啲好人到請我啲食donut, 或者食雪條囉!! 哈哈!!但小學生好似多禮物啲, 除咗有支支冰,仲有又糖果,朱古力,曲奇,果汁,文具, 之如似類咁囉!! ~ 我同啲妹係同區讀書, 可能我啲個區啲老師興請學生食野喇! 哈哈!!不過,總刮黎講依邊啲老師好好人架!! ~ 其實,依邊啲支支冰, 有啲都有頭架!! 但平頭支支冰好似多啲地方買到!! 而且, 好似平啲..哈哈!
你咁快就買糭食喇，我都未食喎！．．．好快就到端午節喇，不過我地今年又就唔到時間做節呀，唔洗食住！
ReplyDelete你話鍾意嗰樣Hello Kitty係咩嘢嚟架？真係好貴？
我細個都成日食支支冰架，以前細個賣5毫子一支咋．．．．而家大咗就當然冇買啦，但有時都會買俾阿仔食吓嘅．．．．．
Brian真係好聽話喎，真係捨得賣舊電話喇！咁佢又多個藉口，以後可以成日換新電話啦．．．哈哈！
[版主回覆06/03/2008 16:01:00]爆炸魔女: ~ 估唔到身處外國的我, 會食粽快過你呀!!! 哈哈!!我買粽時, 都唔知幾時係端午節, , 我見supermarket 啲人係咁sale 啲粽,我咪覺得就黎端午節囉!! 咪買啲返屋企食, 當星期日lunch 囉!! 蒸完就食得, 又飽肚, 咪買啲放係雪櫃囉!!到真係端午節就應下節囉!!! 我屋企好似唔係好興食端午節飯架!!! 我琴日June1先啱啱返完屋企, 我諗我屋企人當做咗節架喇!! 不過,你屋企人食做節飯, 幾時食都無所謂, 只要你哋大家得閒就得喇!!! 大家就到時間, 先食得舒舒服服仲食得開懷喇!!!! ~ 你真係留意我每一句說話喇!!!! 我真係為hello kitty 廚具而心掛掛咗一陣, 哈哈!! 如果我買咗都唔知自己會唔會成日用到, 因為有隻kitty 杯比較細隻...哈哈!!我係咁架喇!! 買一樣野都好似諗耐咁.....哈哈!! 其實,我係怕買到假貨o者!! 嗱! 我比張相你睇下喇!!! 我自己偷影架!!! 所以,張相個效果唔係好好, 依套賣$19cdn, 會唔會太貴呀!! 其實,|Brian 都已經叫我買架喇!!! 哈哈!! 但都要我經開先...因為都要特登行去先買到依間kitty 店鋪係韓國人開架!!! 我之前好似有同你講過依間店鋪!!! 其實, 我想買個kitty waffle 機架!!但超貴, 賣成$80 cdn, 依個waffle 機, 就唔再考慮喇!!! 不過, 我依排好忙呀!! 等自己忙完, 大概friday June 6再去依間韓國鋪再行一轉先!!!
~ 我細個時都唔係食好多支支冰, 因為我好細個就喜歡食雪糕, 所以, 我去襯買凍野嘅首選都係食雪糕!!!我估唔到支支冰,賣0.5毫子, 而家物價高咗真係好多, 我相信0.5 毫子都唔知可以買到咩野喇!!!! 而Brian 好少食依啲小朋友得意野...哈哈!!
~ Brian就係賣咗啲電話, 所以, Brian 換新電話多咗...哈哈!! 不過,我無所謂架喇!!! 他有電話用就得, 但買電話唔好問我意見....他自己決定喇!! 就算我比咗意見,Brian 都可能買咗其他個啲電話型號...我講黎都無用..哈哈!!
Hello，我係加拿大o個陣都見過呢類支支冰，不過就冇買過黎食，唔知同香港個D同味道係唔係一樣呢。我比較鐘意行London Drugs多過shopper drug mart呢。
ReplyDelete[版主回覆06/06/2008 04:23:00]pal: ~ 你曾經係加拿大住過呀?? Nice to meet you!! ~ 其實, 支支冰, 係邊度食都差唔多口味, 我諗支支冰, 都係享受冰嘅涼快感覺!! ~ 我依邊西岸無London Drugs 架!! 係東岸就比較多London Drugs!! 依幾年, shopper drug mart 不段裝修, 不段加啲新貨物﹐我喜歡行shopper drug mart 多過其他drug store...哈!!
Nice to meet you too ! 我都去過Toronto住過Scarborough一兩個星期，不過我都係鐘情溫哥華多D。
ReplyDelete[版主回覆06/11/2008 04:30:00]pal: 我都去過溫哥華架!! 因為我男朋友係溫哥華人黎架!! 所以, 我都去過溫哥華幾次!! 溫哥華啲店鋪比較集中啲, 多倫多啲商鋪分得好散架!而且多倫多真係好凍架!! 夏天好熱, 好熱, 一啲都唔好住架!! 哈哈!