Brian 約咗我放工之後, 去屋企附近嘅food court 等, 皆因, 我想買雪糕囉, 哈哈!! 其實, 我哋好興放工, 係屋企附近嘅food court 等, 因為就腳, 又係空內(有冷暖氣), 而且, food court 隔離係賣電視嘅商店!! 等得耐就坐係food court 啲凳睇下電視, 都唔怕悶!! 前排依個food court 大裝修, Food court 多數咪係啲檯檯凳凳, 點知裝修咗之後,....裝修到我都唔認得, 啲食飯凳已經變咗梳化, 整到懶係休閒咁!!!哈哈!! 真係....喺依個food court 食野, 都要食得斯文啲先得!!
↓我走得幾趕先黎到food court, 哈哈! 好彩Brian 都同我差唔多時間到!! 我覺得food court啲檯檯凳凳, 完全唔似food court, 似休閒區多啲!!
去完超市買野, 同Brian 行返屋企, 返到屋企, Brian 就show部新玩具比我睇, 他又買咗新手提電話喇!! 係美國,可能出咗金色blackberry, 但係加拿大仲未有依隻色, 依部電話, Brian 係lunch 時段自己去唔知邊度買架!!! 好多時他買完先話我知!! 驚我話佢又買野吖嗎!! 不過, 我無所謂....Brian 有電話揾到我就得架喇!!
↓Brian 的新手電...
May 27 (Tuesday)
我daddy 本來話Wednesday 返香港, 我仲想託daddy 幫我攞野返hk 添!! 點知Monday night, 我daddy 感冒呀, 都係...留係加拿大休息先, 遲啲先返香港, 我咪叫Brian 走去睇我daddy 囉!! 順便接埋五妹night school 放學, 先上daddy 度, 都唔知依排係咪個太陽呃到人, 雖然,日日都有太陽伯伯出現, 但好涼, 好大風!! 要着件長袖縷先出到街!! 好涼,好涼!! 我比較怕凍, 我覺得依啲天氣好涼.....帶圍巾仔出街先安樂架!!
↓Brian 接完我五妹放學喇!!。。。。
**我daddy 睇咗醫生食咗藥好返喇!! 又可以大大聲同我講野喇!! 因為我daddy說話頭一粒字好大聲架!! 我以前細個好多同學仔聽到我daddy"喂" 一聲, 驚到收線...哈哈!! 我daddy剩係"喂" 一聲先嚇到人, 之後, 就好正常架喇!! 哈哈!
呢個 food court 真係一d都唔似呀，真係好似你話的休閒區，好有「妙手人心」 feel 呀！
ReplyDelete哈哈．．．Brian真係咁快又換咗部新電話，而家係賣出去就好d啦！
哈哈．．．呢排又咁啱，我同你都換了電話呀！
你daddy好返晒可以就快返香港就好喇，最緊要真係要身體健康，返到香港都要叫佢小心身體呀！
[版主回覆06/03/2008 17:21:00]爆炸魔女: ~ 我都比依個food court 嚇親呀!!! 裝修到咁舒服,, 係度食件三文治都享受啲...哈哈!! 但依個food court 似「妙手人心」咩?? 我剩係記得啲醫生好喜歡去酒吧傾計, 哈哈 !! 不過, 我好喜歡看依出妙手人心架!!!! 個陣時一出依套戲就追架喇!!!
~ 我都想講, 我哋大家係依排都換咗新電話呀!! 我哋大家都係換返自己用開嘅品牌嘅電話,你換返sonyericson, 我換返blackberry!! 我哋係咪都好專一呀??定係費事煩呢? 用開就用返....哈哈!! 如果我唔係Brian, 我好可能換電話密度無咁快架!!真係壞咗先換! 不過, Brian 好乖, 係賣電話earn 到錢, 先換新!!
~ 我daddy無事喇!! 你有心喇!!他而家話過咗父親節先走, 他成日都話好想返香港......真係比他激壞, 我細個移民時, 雖然好掛住香港, 但都無daddy 想返香港嘅心情咁濃!!而Candy 都係聽日(June 3)返黎喇!!!她會幫daddy 係香港攞野(衫褲)返黎...希望daddy 係加拿大會住得舒服啲喇!!
呢誹忽冷忽熱,你都小心身體呀!
ReplyDelete[版主回覆06/04/2008 03:01:00]高貓貓: 你有心呀!! 我會帶多件外套出街架喇!
我想問吓, 部 Blackberry Curve 好唔好用 ? 我都想買返部.. 哈哈
ReplyDelete[版主回覆06/04/2008 09:51:00]部Blackberry curve 緊係好用喇!! 有有full keyborad and 相機夠晒方便, 但是如果你收email 多, 又唔係好洗係blackberry 覆email, 我就覺得Pearl 會好啲, 因為夠晒細, 我女仔帶手袋出街會方便啲!!
小心身體喔~~~
ReplyDelete[版主回覆06/04/2008 09:59:00]V&M: 你有心喇!! 多謝晒!!
Vicky: ~我覺得你話個food court懶休閒咁,咁即係鍾唔鍾意o者你,我就覺得幾靚丫,食野坐得舒服d都係一種享受黎既 ~Brian又買新玩具啦,男人係咁架啦,等於佢地又會話我地,你又買新焗盤o拿?same thing! 金色係靚d既,我都要換機啦(但我部機一年都無),都係鍾情I-phone多d,我最鍾意fancy野! ~你daddy無事就好啦,佢返HK你係咪想佢幫你拎野係你Blog友呢?hehe
ReplyDelete[版主回覆06/04/2008 14:36:00]陶陶夫人: ~ 我好仲意依個food court 呀!! 坐係度食件三文治都舒服啲....學你話齋, 食野坐得舒服都係一個享受!!! 我揾日都會同Brian 去依個food court 食下三文治先...哈哈!! 不過, 我要食得斯文_!! 費事整烏祖_地方!! ~ 咪係囉!男士 and 女士嘅玩具當然唔同喇!! 好彩我.剩係買埋廚房用具, 買啲焗蛋糕材料, 我買依啲就好開心架喇!! 正如Brian 買電話當玩具, 他都好開心!!好彩, 我唔係愛鑽石...如果唔係, 都唔知點!!!哈哈!! ~ 係June 9 號i-phone 會出新version 喎!! 你係美國會首先出先....你想出新手電就快啲睇下喇!!我舊年都玩過i-phone 手機, 真係好多gimmick 野, 但我都係仲意blackberry 功能, ...所以, 我都係用返blackberry email 功能會開心啲囉! 如果你想買i-phone 就等June9 之後先買, 出部new verison!!(以上資料係Brian 提供) ~ 你有心, 我 daddy 無事喇!!! ...你又心水幾清....我daddy 今次返去, 係想daddy 幫我拎啲野返香港比blog友架, 但唔緊要, 我daddy 身體要緊, 啲禮物咪等遲啲自己寄囉!! 哈哈!
咦？ 你daddy買左機票返香港可以隨時改時間飛甘好既？
ReplyDelete[版主回覆06/04/2008 14:38:00]睛天娃娃: 得..啲機票係改得, 但要加錢囉!! 哈哈!! 咁我都想daddy 感冒好返先上機....!!
個FOOD COURT咁少人既, 真係畀人喺度休息啦, 加上D梳化咁舒服, D伯伯婆婆都會嚟坐吓啦...哈哈
ReplyDelete好彩都係少感冒姐...無事就好啦~~~
BRIAN買電話呢點就同RAYMOND一樣喇, 差不多次次都係買完先話我知, 我諗都係驚我唔畀佢買定啦, 如果我喺度我實叫佢唔好買架, 留返多D錢遲D要用架嘛, 畀佢激死呀~~~