May 4 (Sunday)
今日,我都比較遲起身,...起身時份都已經見到好好陽光, 個心都非常開心, 落咗幾日雨, 終於可以見到太陽喇!!
起身無幾耐...就上咗網, 同朋友傾談一陣, 我就去雪櫃...攞啲野食出黎叮一叮就食brunch 喇!! 食完仲落街買報紙添!! 八一八而家啲新聞!! 本來諗住看報紙成日就算!! (我看報紙唔會悶架!!)....Brian 突然間有個提議, 他話想去買baseball 票, 想係星期二(May 6)看baseball 現場球賽, 最吸引就係個日球賽票只係$2 cdn. 嘩! 聽到咁低嘅價錢, 就算坐幾遠都去襯下熱鬧!! 所以, 我就即刻換衫...同tt 仔仔and Brian 去roger centre (球賽地方)買ticket !!
↓我就係依個場館買baseball ticket...到星期二都係喺依度看現場球賽架!!
↓球賽附近, 好多旅客呀!! 仲好多旅遊巴...仲有小販hotdog擋, 幾多人行路, 另外張相係Roger centre(球賽場地)隔離啲商業大廈
↓天氣好,連單車都多啲...
見出咗街, 天氣又咁好, 又有陽光, 我同Brian 當然唔想返屋企, 我哋就直駛去Roger centre 鄰近嘅湖邊看湖景, 行下公園咁囉!!! 其實,我依邊個湖好大, 大到好似個海,一望無際....真係好舒服!! 我緊係好顛咁周圍同Brian 行,周圍影相喇!! 雖然, 行咗好多路, 但一啲都唔攰...覺得行湖邊心情好開朗....
↓依個塔叫做CN Tower....係多倫多地標黎架!! 依個塔可以坐電梯上去看景色, 塔裡面有旋轉餐廳, 玻璃地板, 玻璃電梯(連電梯啲地板都係玻璃,可以一邊坐電梯,可以望到腳下風景). 但今日我無上個塔上面呀!! 係經過影張相!
↓我好喜歡依層好似樓梯級嘅居住大廈, 因為每層露台都可以望到天上景色!另外一張相,係我啱啱行到去湖邊, 走近湖邊影返張相先!! 哈哈!
↓我見到個湖好開心...顛咗!! 都係唔好太顛,..正經啲坐定定同Brian影張相先!!
↓專登坐近個湖....啲風吹埋黎好舒服架!! 又同Brian 傾計喇!! 另外張相,...見到三個英文字咁可愛,又影張先!!
↓今日好似好接觸大自然, 見到好多雀仔, 仲見到隻好肥大鵝(定鴨)呀!! 真係好大隻架!! 另外張相,我見到有個風帆裝飾,又走去影相!!
↓行行下公園and 湖邊, 都開始肚餓, 見到有hotdog 小販車, 就買個hotdog 先, hotdog 醬料and 配料係可以自己選擇任何配塔!!...
↓我整到個hotdog 幾多配料, 有洋蔥, hot 辣椒, 有酸瓜, 有橄欖...哈哈!!Brian 買咗杯咖啡, 就坐係湖邊食野!! 食野時, 有啲小插曲, 好多雀仔會飛近你...因為啲雀仔以為你會餵它們食野架!!(但確實好多旅客會攞啲麵包餵雀仔架!!) 但我唔會餵架!!因我好怕雀仔飛近...所以, 我食hotdog 時我雙腳不段拍打地下,嚇走啲雀仔,..但啲雀仔唔驚人架!! 好恐佈架!! 因此,我依個hotdog 食得好快!!
食完hotdog, 就返咗屋企, 原來係湖邊都玩咗成個下奏, 係湖邊玩真係好舒服, 我以前,試過由自己屋企行去湖邊架!! 係行到架! 有時間都多啲去先得!!! 而且行多啲路又健康啲呢!! 其實,我都好耐無同Brian 行過湖邊喇!! 以前都行過架!! 但今次行發覺湖邊附近多咗好多居住樓宇, 啲樓起到越黎越密喇!! 周邊仲有好多工程....下次再去湖邊, 可能啲景又唔同, 又可能多咗幾層樓喇!!
返到屋企,睇下電視, .....又差唔多dinner time!! 由自己屋企個窗望去屋企樓下個bbq 場無咩人!! 就執定架餐落樓下bbq 喇!! 因為出面啲天氣實在太舒服喇!! Brian 緊係做bbq man 喇!! 但我哋都係燒啲好簡單野食, 講真吖!! 我哋至在享受好天氣, 一邊食邊周圍望下!! 我成日都同Brian 講, 第時買樓, 一定要有露台架!!!我要坐露台呀!!!
今日, 啲節目我哋全部都無預先安排架!! 想點就點...好隨心呀!! 反而咁樣仲開心,仲好玩, 仲享受!!
↓bbq 爐呀!!! bbq man 燒緊野食呀!!!
↓同bbq man 影張相先, 我後尾有扮自己燒緊野食!!
↓由於個bbq 場仲未開晒, 而家只係得一張檯咋!! 另幅相就係我食bbq 食物時望嘅景色!
↓Brian 燒野食,定係放火呀?? 哈哈!!......... 燒完野食..."琴"返個蓋先!!
↓依座就係我住果座大廈囉!!低層單位啲玻璃係粉紅色架!! 我影唔到...影到啲啲粉紅色窗咋!
VICKY，哇，好开心的一日游，天天都是快乐天!!!!!
ReplyDelete[版主回覆05/09/2008 14:33:00]歐冰冰@比樂太太: thanks!
個bbq爐係唔係有專人清理呀? 咁乾淨
ReplyDelete[版主回覆05/09/2008 14:36:00]通少: 你觀察得好細心, 個bbq 爐日日都有專人清洗架!! 但好多人燒完bbq 爐都會係咁"耳" 用自己帶備個擦, 去擦兩下架! 好有心!
天氣好，最好係BBQ!
ReplyDelete我以前都會成日去湖邊行，因老公(個時仲係男友)住downtown，好鐘意有fireworks時去睇。
[版主回覆05/09/2008 14:41:00]Mui: ~ 天氣好, 真係想做咩都方便啲!! 哈哈!! ~ 咁你對湖邊咪好熟囉?? 以前排拖都去湖邊拍拖!! 依排仲有無同香蕉仔行呀!! 我前年去湖邊同今年都唔同晒, 多咗好多樓, and 凳比人坐, 好舒服架!! ~ 我以前都有去睇firework 架!! 都睇得好清楚!! 哈哈!
セ日場CAD$2 蚊咁平, 咁最貴咪幾十蚊?!
ReplyDelete我初頭黎多倫多時,見到個湖都以為係海!
[版主回覆05/09/2008 14:44:00]高貓貓: ~ 平時最高啲位(山頂位)緊係唔係$2 cdn 咁少喇!! 係依日有special 咋!! 我襯下熱鬧咪同Brian 一齊去睇下囉!! ~ 真係呀!! 個湖真係好大好大, 我都以為係海黎架!! 哈哈!! 雖然, 係湖, 但吹埋黎啲風, 都好舒服架!
我都好想去TO行下...不過凈係summer窩...你地果邊好似仲凍過我呢邊...冬天真係咪搞我呀~ 哈哈
ReplyDelete[版主回覆05/09/2008 14:49:00]睛天娃娃: 係夏天Toronto都幾好行架!! 天氣好啲, 去邊一度都會舒服啲架!! 我都係喜歡多倫多夏天多啲, 因為我好怕凍, 一凍做咩都慢啲!! 哈哈!
WA~~~ Your apartment building is very tall ar!!!! So the bbq stove in the common area u can use it anytime ga???
ReplyDelete[版主回覆05/09/2008 14:53:00]flying cupcake: ~ 我住個座building 係好多層架!! 但越高單位就越少!! ~ 個bbq 爐係common area, 大廈啲人就用得架喇!...由早上9am 至晚上9:30pm 開放!! 有啲人唔燒野食都會去坐下架!!
嘩......行湖邊好浪漫呀~~~個感覺仲好舒服添~~~
ReplyDelete[版主回覆05/09/2008 14:56:00]檬檬: 我都無預料係依日會去湖邊行架!! 但天氣好, 行下湖邊真係好舒服架!!湖邊其實都幾多人行, 浪漫得去邊吖!
呢日真係好好天, 無雲咁滯, 應該唔熱啩.....我見你都著咗牛仔褸........加上唔係全黑啦..
ReplyDelete環境真係唔錯呢.....若果喺香港, 我諗會好悶熱既感覺添呀~~~~
我諗嗰隻係鴨嚟, 最緊要睇佢個鼻樑有無突起, 加上佢個咀黃色, 我估都係鴨多d~~~
係lu....阿通少都講咗我想講既嘢添.......個爐好乾淨, 你哋用完係咪都要清潔返? 點洗架?
你棟大廈都好高呢...睇上去都幾似商業大廈啊.......咁你都住得幾高喎~~~
[版主回覆05/09/2008 15:16:00]細細粒: ~你連天氣都識睇呀!! 我果日都少留意天上有無雲添!! 但我唔理喇!! 襯天氣暖返啲, 就真係要出街行下!! 係冬天我依邊大部分時間都係室內多!! ~有時環境依啲野, 都要有取捨架!!係我依邊! 冬天非常凍, 連日光時間都好少, 係夏天都會有37c ! 都係睇你自己係點生活. 你悶熱又係要過, 我零下-30度都係咁過!! 總之, 享受到自己時間就得喇!! ~原來係鴨黎架!! 我都唔知點分, 但我覺隻鴨好大隻呀!! 我諗我想攞隻鴨返屋企都唔夠力...哈哈!!(講笑) ~你同通少觀察得好細心!!都留意到個bbq 爐!! 個爐係每一日都有專人清洗架!! 但我座大廈啲人好有心, 用完個bbq 爐都會用自準擦去擦兩下個爐架!! 所以, 我燒完個bbq 爐都會用鑊鏟, 鏟開啲dirty 野走!! 哈哈!! ~我住依層大廈真係好高, 而且, 越高層就越少單位, 我初頭都覺好似商業大廈架!! 哈哈!! 我住幾樓你都想知, 哈哈!! 總之, 就唔係單位數字嘅層數喇!!
環境好靚呢
ReplyDelete[版主回覆05/09/2008 15:18:00]心 樂: 有湖水睇,...啲風景一定好舒服, and 好靚架!哈哈!
你和Brian 行水湖真浪漫呀!~.. 咁多人行湖邊及踏單車真優悠
ReplyDelete[版主回覆05/09/2008 15:21:00]小威威: ~ 果日係湖邊好多人行架!!又多旅客, 浪漫得去邊吖!! 哈哈!! ~ 係星期日行湖邊就一定多人, 而且, 依邊啲人喜歡家庭樂, 所以, 天氣一好, 就襯機會出去走走, 踏單車咁囉!!
個BBQ爐好鬼正
ReplyDelete[版主回覆05/09/2008 15:23:00]豬神村村長: ~ Nice to meet you!! ~ 個bbq 爐燒野食真係好正架!! 燒出黎啲野食好yummy 架!! 哈哈!
Vicky: ~你終於可以親身去睇球賽啦,而且只係加幣2蚊,唔睇都對唔住自己呀,去感受一下現場氣氛都值回票價啦! ~天氣咁好真係出去行下都已經好開心呀!我呢邊d幾時都好好天呀,可惜老公要返工,要等到星期5先出去同佢行呀! ~CN tower,我成日都係d行程表都見到架,相都見唔少呢!我都好想可以快快有個加國trip,順便你探下你呢^.^
ReplyDelete[版主回覆05/09/2008 15:37:00]陶陶夫人: ~ 我男朋友好喜歡係屋企看球賽架!! 有時都會"料"我去現場睇, 但唔想晒太多金錢係球賽門票上, 所以, 比我次次都會reject 咗我男朋友嘅要求!! 而家$2 cdn 就有得睇, 當然, 唔會放過機會喇!!講真, 係現場睇球賽真係好有氣氛, 但baseball 球賽實在太耐喇!! 有啲悶嘅時間囉!! 哈哈!! 但就感受到現場觀眾成班一齊大叫嘅氣氛囉!! ~ 行路都係運動, 學你話齋, 行咗一個月可以減咗!! 你得閒真係行多啲!! 對身體都好啲!! 你有時咪約米國啲blog 友一齊行下囉!! 一邊行一邊傾計, 行多咗路都唔知!! 哈哈! ~ 個CN Tower 係多倫多地標, CN Tower 附近都成日迫咗好多旅遊巴架!! 好多旅客架! 你plan 下黎加拿大玩下!! 夏天依邊天氣好啲, 做咩都方便啲!! 好呀!! 黎多倫多....就順便探埋我喇!! 哈哈!!
The apartment you live is like a commerical building.
ReplyDeleteBut the facilities must be good. Your BBQ food is very delicious, I like it.
[版主回覆05/09/2008 15:41:00]happy girl: ~ 我初頭住都覺係商業大廈架!! 但住落真係住得好舒服架!! 哈哈!! ~ 啲設施...都ok喇!! 最開心係可以有得bbq 囉!! 哈哈!! 啲bbq food 係Brian 燒架!! 但唔知點解, bbq 爐啲野係特別好食啲架!! 哈哈!! 所以, 好仲意bbq! 你以前係加拿大都應該有bbq 喇!
個天好藍呀~~~ 影相好正~~~
ReplyDelete你哋兩個對 bbq 仲未厭呀~~
[版主回覆05/09/2008 15:45:00]畫: ~ 你見到藍天就諗起影相喇!! 你真係影相影到上癮喇!! 哈哈!! ~ 唔知點解好仲意bbq 啲野食, 成日覺bbq 爐燒出黎啲野食, 係特別yummy 啲, 係自己個煮食爐頭係做唔到架!! 哈哈! 所以, 好似食極都唔厭囉! 哈哈!!
Vicky,
ReplyDeleteI have been to CN tower many many years ago, but didn't relealize that there is a lake beside it ar......it is always relax and facing ocean/lake......i like it too ar~
[版主回覆05/13/2008 23:08:00]MaGGie: ~ 咁遲先比回覆你添!! ~ CN tower 落多一條街就係依個lake...雖然, 我住地方都可以行到去CN Tower, 但都唔係成日去, 真係一年都無去一次!!哈哈! 你下次黎多倫多, 我可以同你行湖邊架!!