回家飯局

May 31 (Saturday)
    啱啱過去嘅weekend, 返咗媽咪度喇! 咪又係食食食囉!! 星期六,返到媽咪度就去咗飲茶

喇!! 去到間茶樓裝修係幾好, 但太多水晶燈, 所以, 整到成個場好熱,我都無心機食點心, 連相都無影!!

    食完一餐好焗嘅lunch 就同Brian去行咗陣街,  之後, 就約埋Daddy 去行街街, 去買酒, 因為媽咪會係dinner 煮海鮮餐, 當然買返支白酒嘆下

喇! 雖然, 我話同daddy and Brian 一齊去行街順便買酒, 但我係買酒途中經開啲超市, 就入咗超市行, 我又買咗成袋雜拔"none" 野, 先捨得返屋企, 我覺自己真係似師奶, 見平就掃貨, 哈哈!

   同daddy and  Brian 行完街返屋企, 無幾耐就開得飯.....今餐dinner 有蝦, 魚, 蜆, 仲有腐皮卷....好多好多, 我覺得好豐富喇! 我自己一定要用足成日時間先整到, 但媽咪幾鐘就個搞掂, 仲有埋湯!  成個煮飯超人咁!! 哈哈!!   而依餐dinner, 仲有兩支白酒添!! 我好衰, 我明知五妹飲酒唔唔叻, 我都會迫五妹飲酒...哈哈!! 其實, 我都係想五妹酒量好啲咋!! 哈哈!    食完飯最好娛樂緊係打牌喇!! 我打得好水皮呀!! 完全無天份...真係至在玩下!!

水瓜浸蜆(好鮮甜, 啲湯好好飲), 另外張相係腐皮卷, 係媽咪自己做架!!

我買咗兩支酒, 一支係香濱酒, 就係相中個支, 另外一支係白酒, 但我就唔記得影支白酒, 因為我掛住食囉!!  而右手面張相係魚柳肉炒西芹, 我好怕食西芹架!! 係四妹and 五妹先最喜歡食!!而係魚柳肉炒西芹傍邊係泰式酸辣汁...係媽咪識到個泰國朋友, 係佢教我媽咪整, 依個泰式汁好好味, 我連食菜都點架!! 哈!

啲蝦臨煮時都識 郁, 我咪攞黎嚇人, 攞黎玩囉!! 啲蝦用鹽水淥熟就食得喇!! 蝦啲肉質好爽呀!!

九杞湯 (媽咪話依隻湯叫九杞湯), 仲有一條新鮮蒸魚...其實,仲有肉碎炒豆角, 上湯菜心苗, 但我無影到, 係咁食食食...哈哈!

      打打下牌, 個個好想食宵晚甜品, 四妹男朋友話出去"許留山" 食甜品, ...個idea 唔錯, 其實, 許留山係加拿大開分店, 都開咗好多年喇!!! 但係我心目中都係同Brian 去過一次咋!! 計埋今次都係去咗第二次, 但依間許留山比我想像中靜, 都無咩人!! 我哋成班去食宵夜都食得細細聲咁!! 哈哈!! 我哋叫咗甜品食之外, 仲叫埋街邊腸粉食, 啲腸粉真係好好食, 好滑!! 我哋一行五個人 (Brian,我, 四妹, 四妹男朋友, and 五妹), 要食兩客先夠, 哈哈!!! 食完甜品, 買返兩碗甜品外賣, 返屋企比daddy, 返到屋企又再同daddy and 媽咪打牌, 打到零晨2am 先玩完!

我食咗椰汁黑糯米, 而Brian, 五妹 and 四妹都分別都叫咗芒果西米露

四妹男朋友叫咗"楊枝金露", ...我哋仲share 街邊腸粉,啲腸粉好yummy!

仲有咖哩魚蛋食添!

June 1(sunday)
     今日, 我都成十一點先起身, 我媽咪已經話比啲粽我喇!!! 話比我帶返自己屋企食, 但一比就比咗半打粽我.  我真係要慢慢食,...... 到下午一點我同媽咪去咗飲茶, 飲完茶仲成班人一齊行chinese 開嘅商場添!! 我哋仲買咗珍珠奶茶飲添!! 我哋行街見到food court 話有臭豆腐, 就買客黎試, 嘩!! 啲豆腐真係好臭呀!! 但一啲都唔香脆!! 我食完個肚仲有啲shake shake 哋添! 但Brian and 我屋企人食咗又無事! 哈哈!! 同屋企人行完街, 就同Brian 一齊執野返自己屋企喇!

一朝起身, 就叫Brian 幫我同daddy and 媽咪影副相先....之後,見到五妹有觸住影返張先, 我同五妹都有黑眼圈, 因為夜晚打完牌, 我哋一齊瞓, 又係咁傾八婆計, 傾到零晨四點!!

郵箱+Friday shopping

May 28 (Wednesday)
    放工好指定動作 , 去屋企樓下個郵箱, 睇下有無信係屬於我自己.....點知點解???又係無我嘅信收, 好失望呀

!!  ....但今日開完個郵箱竟然鎖唔返個郵箱, 仲感覺個鎖好唔穩, 想跌添!! 我知鎖唔到都唔會有人偷信, 但鎖唔到好麻煩喎!!! 咪同Brian去管理處講囉!!!  唔洗一陣管理哥哥就同我哋一齊去郵箱度, 啲效率好快....好快喎!!! 個郵箱整返好添!! 幾驚又話郵箱個鎖壞咗要整幾日呀!! 哈哈!!

   雖然,依家用internet, email好普遍......但郵箱仍然都係好  important 架!! 我就算唔係等信件, 日日都有郵箱先安樂!! 係郵箱收收埋埋多數都係帳單 and 超市flyer, 但係有時都會有特別驚喜, 依啲特別驚喜都夠我開心成年喇!! 哈哈!! 

↓我的郵箱, 同場加演----我朝早影嘅相!! 我隔離層大廈有人做緊高度危險動作---抹緊窗呀!

          ----------------------------------------------------------------------------
May 30 (Friday)
    Oh!! 放weekend 喇!! 又過咗一week, 可以relax 下!!! 其實, 星期四, 我已經覺好開心, 因為仲有一日就Friday 囉, Friday 啲時間特別容易過, 係星期四放咗工, 仲同Brian 去行Canadian tire and 食街邊熱狗添!!
    今日, 終於到Friday, 首先, 我自己去咗間精品店度行,咪睇下有無kitty 野囉!! 行咗陣,就返屋企喇..... 見到廚房有幾隻班點香蕉, 都係時間清理下, 就做咗

啲香蕉蛋糕囉!! 本來想整多啲香蕉蛋糕, 聽日攞返媽咪屋企架!! 但又好似唔夠....索性做咗啲香蕉蛋糕同Brian 一齊食算喇!!哈哈!!

↓我個新玩具---Bear bear 蛋糕模, 我本來想溶啲朱古力去圖bear啲眼, 耳, 口,鼻, 但肚餓, 就已經食咗喇!! 哈哈!

    做完香蕉蛋糕, 見唔肚餓, 又見有時間就去行一陣 Eaton centre (mall) 順便買野!! ...因Brian 個朋友下個月結婚, 我成日以為, Brian 朋友剩係請Brian 去婚禮, 估唔到請埋我去添!! 前幾日我攞咗衣櫃啲飲衫出黎試, 有啲就太闊, 有啲太緊,....無件好!! 謂有出去買囉!! 去到Mall 先知道停車費加咗價,(可能太耐無渣車去Eaton centre 喇) 比我知道加價, 買野心情, 都好似同時間競賽咁!!! 我試衫, 睇衫都好快, 對腳and 對眼好似開摩打!! ....好極速!! 我又叫Brian 幫手睇下!!   雖然係快, 但我今日有收獲喇!! 買咗條one piece 裙 and 一件西裝縷 (係用黎襯條裙)!! 依家唔洗為飲衫傷腦根喇!!

↓Shopping 戰利品

   買完飲衫, 好肚餓, 出街食dinner 喇!! 今日食得好想食雲吞麵, (可能睇咗蔡欄新節目係介紹食雲吞麵架!!) 本來今日Brian 都好想食架!! 但去到間食店, 見到啲叉燒and 燒鴨都好靚, Brian 就換呔, 叫咗叉燒燒鴨飯食喇!!! 依餐又食到個肚脹"book book" 添! 食完飯, 我仲陪Brian 去賣電話, 賣完電話先返屋企!!

    返到屋企又試衫,...試下脹"book book" 肚, 可唔可以着條飲裙, 哈哈!! 而且, 我又要執野....準備返weekend 返媽咪度!! 所以, 我黎緊未必覆到大家!! 大家等一等我喇!!! 有啲唔好意思呀!!

↓dinner---我食雲吞麵, Brian 食叉燒燒鴨飯. 我覺Brian 個蝶好食啲!

華麗food court

May 26 (Monday)

   Brian 約咗我放工之後, 去屋企附近嘅food court 等, 皆因, 我想買雪糕囉, 哈哈!! 其實, 我哋好興放工, 係屋企附近嘅food court 等, 因為就腳, 又係空內(有冷暖氣), 而且, food court 隔離係賣電視嘅商店!! 等得耐就坐係food court 啲凳睇下電視, 都唔怕悶!! 前排依個food court 大裝修, Food court 多數咪係啲檯檯凳凳, 點知裝修咗之後,....裝修到我都唔認得, 啲食飯凳已經變咗梳化, 整到懶係休閒咁!!!哈哈!! 真係....喺依個food court 食野, 都要食得斯文啲先得!!

↓我走得幾趕先黎到food court, 哈哈! 好彩Brian 都同我差唔多時間到!! 我覺得food court啲檯檯凳凳, 完全唔似food court, 似休閒區多啲!!

    

    去完超市買野, 同Brian 行返屋企, 返到屋企, Brian 就show部新玩具比我睇, 他又買咗新手提電話喇!! 係美國,可能出咗金色blackberry, 但係加拿大仲未有依隻色, 依部電話, Brian 係lunch 時段自己去唔知邊度買架!!!  好多時他買完先話我知!! 驚我話佢又買野吖嗎!! 不過, 我無所謂....Brian 有電話揾到我就得架喇!!

↓Brian 的新手電...

May 27 (Tuesday)

   我daddy 本來話Wednesday 返香港, 我仲想託daddy 幫我攞野返hk 添!! 點知Monday night, 我daddy 感冒呀, 都係...留係加拿大休息先, 遲啲先返香港,  我咪叫Brian 走去睇我daddy 囉!! 順便接埋五妹night school 放學, 先上daddy 度, 都唔知依排係咪個太陽呃到人, 雖然,日日都有太陽伯伯出現, 但好涼, 好大風!! 要着件長袖縷先出到街!! 好涼,好涼!! 我比較怕凍, 我覺得依啲天氣好涼.....帶圍巾仔出街先安樂架!!

↓Brian 接完我五妹放學喇!!。。。。

**我daddy 睇咗醫生食咗藥好返喇!! 又可以大大聲同我講野喇!! 因為我daddy說話頭一粒字好大聲架!! 我以前細個好多同學仔聽到我daddy"喂" 一聲, 驚到收線...哈哈!! 我daddy剩係"喂" 一聲先嚇到人, 之後, 就好正常架喇!! 哈哈!

支支冰

May 25 (Sunday)

好例牌,一起身, 我就行咗出街買報紙, 因為我一早講咗, 我自己出去買, 所以, Brian 沒有跟我出去, 襯買報紙出開街, 就周圍"貢" 下, 行下shopper drug mart (類似香港屈臣氏), 周圍行下當做下運動都好

, 去到shopper  又比我買到野,  哈哈!!

返到屋企, 整咗個超簡單嘅Sunday lunch, 仲蒸咗隻粽黎食!! (琴日係超市買), 其實, 我唔係好知幾時係端午節, 但見啲唐人超市, 係咁sale 啲粽,咪買啲放係雪櫃度囉!! 哈哈!! 

↓今年食嘅第一隻粽呀!!!

  食完lunch, 係屋企行行企企, 左抹右抹,

, 突然間有buyer 話買Brian 手頭上啲電話, 我咪乘機又跟埋出街!! 我就行下mall 等囉!! 去到Eaton Centre (mall) 行, 見到有hello kitty

野賣, 但超級貴囉!!  有啲都唔知係咪真!! 所以, 我忍到手無買囉!! 哈哈!!  但個心就係咁諗住囉

!! 哈哈!

↓Brian 要賣嘅電話!

  交易完電話, 經開超市, 就入咗去, 因為我想睇下有無特別新款雪糕

賣, 點知依間超市無咩特別雪糕賣添!! 但比Brian 見到包, 他認為好特別嘅貨品, 依包貨品, 其實, 係"支支冰"黎架!!  但Brian 好出奇咁問我, 依包係咩黎架??  真係比他激壞!! 


我話: 依包係"支支冰" 黎架!! 係小朋友都食過, 學校啲老師係夏天都會請啲學生食架喇!!    五妹細個成日都話要食架喇!! 五妹間學校啲老師最興係夏天請"支支冰" 比學生食架喇!! 我間學校啲老師都請過我食!!

Brian 話: 香港就食過支支冰, 係加拿大就未食過, 第一次見, 學校又無老師請過比我食過呀!! 點知呀!! 你哋啲咩學校黎架?

我話: 關咩學校事吖!! 無啲加拿大小朋友文化! 買包返屋企試下喇!!

就係咁, 我哋就買咗包"支支冰" 返屋企食!! 一大包"支支冰" 都係$1 cdn,  Brian 如果你仲意食, 就買多啲喇!! 哈哈!! 係夜晚, 食完飯, 咪叫Brian 試下囉!! 他好傳統, 食咗橙汁味

先!! 哈哈! 我係依邊讀書時, 最仲意食藍色"支支冰", 因為可以整到個咀唇and 舌頭都係藍色囉!! 冷型咁!! 哈哈! 食完"支支冰" 仲有芒果布甸

食添!! 哈哈! 都係手痕整黎食!

↓Freezies,...即係"支支冰" 囉!!! 一大包,裡面一條條!! 有六種顏色!

↓手痕傑作,....芒果布甸!

**我而家知幾時係端午節喇! 我blog 友(檬檬)話咗比我知喇! 唔該檬檬!!