是日, 放咗工我隔離果個約我去行Mall. 試問係閒日,有幾多閒情雅緻去行商場吖?? 又無特別野想買!!!! 如果唔係我隔離果個咁啱要去Yorkdale Mall (商場)辦點事, 我真係令願坐係屋企等我隔離果個返屋企開飯, 就算喇
原本我叫佢自己去. 唔好理我, 我坐係屋企好自在呀!! 點知, 我隔離果個點都要我去商場, 話可以順便行下....好啦! 好啦! 就去行下啦!!
講真, 我都幾怕去依個商場架, 依個商場係就係幾多特別品牌商鋪, 但由我果樹渣車去, 實塞好耐車, 係商場又難泊位, 真係未行商場, 人都攰晒啦...... 但如果揀坐地鐵去, 又坐好耐先到. 而且, 個商場長時間都好多人, 無咩必要都唔去行啦!! (但最後揀坐地鐵去, 唔洗傷神, 仲可以係地鐵閉目養神..haha)
最後, 係商場周圍行下, 感覺商場光猛咗..... 雖無咩目的行商場, 但一出街就點都會花費下, 一入去, 就買咗杯綠茶紅豆冰, 都係第一次飲, 又幾好飲, 話就話, 同隔離果個share 飲, 但我飲咗大半杯呀!! 行行下仲食埋pretzel 添!!! 之後, 坐地鐵途中, 又去咖啡店, 買甜飲. 返屋企再食Pizza........嘩!! 食咗好多糖份 and 卡路里入肚呀!! 所以, 係閒日, 無咩必要都唔好出街行.
↓綠茶紅豆冰+Pretzel
↓咖啡店甜飲0
等人少再去啦!~ 哈哈
ReplyDelete[版主回覆05/18/2010 08:15:00]小威威 依個Mall 無論係邊日都好多人架!!我無咩必要都唔去啦!! 又無野想買!!
pooh媽話:無事出街少破財....
ReplyDelete[版主回覆05/18/2010 08:15:00]開心幸福Pooh 講得無錯. 一出街實會洗下錢.....哈哈~
你就好啦, 士他筆 咁平......可以成日飲......
ReplyDelete[版主回覆05/20/2010 07:16:00]東主有喜: ~其實依度嘅starbucks 唔算係特別平架!! 早幾年,我返香港, 見到香港starbucks啲咖啡價錢同加拿大差唔多!! ~係早排starbucks推廣啲優惠, 所以先去飲多咗!!