維多利亞長周末假期

May 21, 2010 (Friday)

   依個Friday, 我諗好多人都好期待.....因為依日之後, 就放長周末假期.   星期一放維多利亞公眾假期.  所以, Friday 一放工, 仲唔去下街咩........, 散佈下啲holiday mood啦!

  一放工, 就渣車去咗食漢堡包,薯條, 黎打開長周末假期嘅序啦!! New york fries 薯條太耐無食! 好掛住架!!  依啲fast food, 真係好好味.....雖然, 知道薯條+ burger係無益, 但間唔中都想食一次. 顛返下. 算啦....放假嗎.... 刮出去啦!!

  依日,始於第一日假, 當然會活躍啲, 食完野, 去咗行Golf 鋪頭, 又去下啲電器鋪行. 其實, 都無咩野特別想買, 但周圍行下,好開心架!!

  咁啱依排天氣比較熱........行兩行都口渴, 入咗咖啡店嘆杯冰凍咖啡, 而家, 飲frappucino飲到上咗癮, 近排首選冰凍綠茶frappucino....飲完成身凍晒.....又要着多件衫. 我係咁, 好容易怕凍.  但又要飲凍野......哈哈~

   沿途渣車返屋企, 見到好多人排長龍買意大利Gelato 雪糕. 條龍排到雪糕店外, 我又心思思, 終於, 叫Brian泊好架車, 去趁熱鬧排隊食Gelato. 嘩!! 排咗一陣, 終於, 食到香滑Gelato, 好滿足!    

↓漢堡包+薯條......啲薯條and 漢堡包都幾似張宣傳單張吖!!0

↓去Golf 鋪頭行, 見到個大Golf 波, 咪走去影下相0

↓去咖啡店飲下野0

↓食意大利雪糕, 好耐無幫襯啦!! 見經開, 間鋪頭又開....就當然食gelato 啦!! 依間意大利雪糕店好巴幣架!! 唔係時時開門架! 有時, 都唔照門口個business hour牌開門營業架!! 冬天有幾個月唔開門添!! 但唔明點解依間雪糕店又捱到. 哈哈~  但依間雪糕好香滑. 啲開心果雪糕好香, 我每次一定食. 0

↓無聊....又係電梯影相0

---------------------------------------------------------------------------------------------
May 22, 2010 (Saturday)

   依日, 原本想早啲起身, 嘆返一個早餐架!! 點知我瞓過龍. 叫極都唔起身, 過晒早餐時間.....唯有保償, 我自薦落街買下晝囉!! 都係買啲fast food囉!!我食麥當當沙律. Brian食咗Kfc囉!!

   晏晝....睇咗場現場直播嘅場球(Hockey), 雖然, 結果係失望, 但都幾刺激...睇到我好緊張.哈哈~~~

    之後,租咗兩隻藍光蝶黎睇, 話時話, 而家租藍光蝶好抵睇架! 加多$1 可以睇足成個星期先還, 唔洗心心急急趕住睇.  而且, 啲戲都唔算舊, 幾多選擇........在這, 我比較鐘意係屋企睇戲. 起碼睇睇下, 去廁所, 去雪櫃攞野食, 咩都得!! .....今次, 我仲一邊睇戲,一邊開罐頭食涼粉. 仲食popcorn 添.  哈哈~

   睇戲時, 唔覺意食太多口林濕.......攪到晚餐時段唔肚餓, 到夜深, 先出街食台灣野當晚餐......其實, 每次去食台灣野, 都係為杯峰蜜綠茶咋!!

↓就係租咗依兩齣戲 + 台灣食物做晚餐.0

----------------------------------------------------------------------------------------

May 23, 2010 (Sunday)

   依日, 好早起到身, 緊係早起啦!! 因為, 成身好itchy, 皮膚敏感呀!! 仲出紅點....咪去咗睇醫生囉!!  原來我又敏感洗頭水呀!! (因為洗頭水係近排先更換支新)  咁我每日沖涼就順便洗頭, 啲洗頭液實會觸摸到我個身!!  咪身上有紅點囉。食咗藥, 唔用新個支洗頭水, 好返好多啦!!

   不過, 我覺今次好好彩啦! 因為係長週末都有間walk-in 診所. 個醫生仲營業. 好好啦!!

  其實, 醫生所分析我嘅身體狀況, 都係同Brian 分析啲野一樣架!! 但我有啲擔心嗎, 咪去睇醫生, 放心啲嗎!!

   而到下晝, 我好返啲.....係屋企食啲野就出街買啲日常所需嘅物品. 順便買啲熟食返屋企做晚餐.

↓晚餐係燒雞, 薯角, 配沙律 + 冰凍啤酒 (因為天時熱....30℃又出現啦!)0

↓係西人燒雞先有嘅wishing bone. 要兩個人一齊玩, 兩個人同時用手, 一人一邊"且"骨, 邊個"且"到多骨果個人, 心裡面個願望會實現. 最後, Brian勝出.  哈哈~ (其實,我覺依個玩意係用黎呃細路食野, 因為想許願, 就食晒件雞, 先見到骨......才可以許願). 0

-------------------------------------------------------------------------------------
May 24, 2010 (Monday)
   假期最後一日啦!!  依日純水係屋企整理部新電腦, 依部新電腦, 係網上買架!  其實, 依部新電腦係專係用黎駁屋企部電視機, 以便係電視熒光幕容易睇到香港啲電視劇集 or 香港啲節目. 

    其實, 以前都有一部電腦專係黎駁電視架!! 但原本駁電視部電腦, 要退休啦!! 咪買部新電腦替換囉!!

    都唔明, 我隔離個黎咗加拿大好一段時間, 仲係好迷香港啲節目!! ..... 佢真係比香港人仲似香港人呀!!  反而, 我自己睇電視, 都好少睇中文台架!
↓新電腦0