係依個周末, 我哋兩個都好出奇地, 好早就起咗身. 咁早起身, 就當然去嘆返個早餐啦!!
我哋仲專登渣去遠少少嘅麥當當食早餐, 貪遠少少果間麥當當夠大,又啱啱新裝修完. 地方好坐啲, 咁食個早餐都覺舒服啲嗎. 哈哈~~
食完早餐還去行咗陣電器鋪, 之後去租隻DVD movie. 就返歸坐喇!! 唔知麥當當早餐, 係咪有太多營養啦!! (即係...太多fat) 哈哈. 一餐麥當當早餐, 就可以飽足大半日..... 我哋連午餐都唔洗食. 都ok!!
係到3點3, 諗住開套戲睇, 我先行去屋企附近嘅咖啡店買半價咖啡飲. 一邊睇蝶. 一邊飲野, 感覺好舒服.哈哈~
↓麥當當早餐, 我食Big breakfast, Brian食豬柳蛋漢堡 0
↓這間咖啡店嘅冰凍咖啡有半價優惠, 但竟然無咩人去買嘅?? 啲人入咖啡店都係買正規價格嘅咖啡.
???.......而我哋飲咗Soy Strawberry creme and green tea frappucino (Double blended) 依兩杯都係半價架!! 外賣返屋企飲0
我哋兩個唔知點解. 近排,好鐘意係屋企坐......係屋企玩下電腦,做下自己野, 望下電視, 打下機, 就咁就過咗大半日, 咁樣過, 我都唔知幾舒服. 我見係屋企有時間, 我仲幫Brian剪埋個頭, 其實, 都係修剪下. 都唔知幾充實. 哈哈~~~
到零晨, 先感覺肚餓, 我哋先出街揾野食, 可能我哋真係好夜深先出街, 好多餐店都close咗啦!! 見有間餐店仲開門, 就緊係入去食啦! 但依晚幫襯間餐店好唔掂, 個Menu係就係, 好多食物選擇, 但味道同食物賣相, 都馬馬哋囉!! 真係無下次呀!!
↓蜂蜜綠茶+ 一客饅魚飯, 估唔到一客饅魚飯, 可以分得咁開上臺, 白飯還白飯上,...之後先上蝶蔬菜, ... 再之後先上條饅魚 ....咁就叫一客饅魚飯.
0
↓而Brian食台式香腸飯, 但感覺有如食楊州炒飯.....成餐係串魚蛋幾好食!!0
--------------------------------------------------------------
May 16, 2010 (Sunday)
又係出奇地, 好早起身, 早到可以去商場行一個圈, 先去買早餐食. 食完早餐, 又行陣商場, 講真,係商場都係一個"行"字, 都無野想買, 哈哈~~~ 之後, 去超市入啲濕聲野, 就返歸啦!!
返到屋企睇下hockey 球賽, ....到下晝我再出動, 行落樓下買特惠冰凍咖啡外賣, 再係屋企繼續hea....成個weekend都無咩話特別去過邊, 大部分時間都係屋企, 但係咁, 感覺額外舒服!!
↓早餐食麥當當big breakfast, 下晝飲杯冰凍咖啡
0
你哋就好喇....可以成日飲starbucks.....係咪真係比香港平呢???兌返港幣幾錢呀????我又懶....又嫌香港既starbucks貴....好少飲....呵呵!!! 不過香港可以飲coffee既地方都有好多choice....唔1定係starbucks既....
ReplyDelete[版主回覆05/20/2010 08:34:00]開心幸福Pooh: ~係咁岩Starbucks 係依排推廣啲特惠飲品, 所以, 依排先飲多咗Starbucks. ~我早兩年返過香港一轉, 見到香港Starbucks 咖啡嘅價錢, 係同加拿大差唔多架! ~其實,優閒時飲杯starbucks 放鬆下,好舒服架!! 但我都明,香港太多飲品地方hea啦!! 未必一定去Starbucks都得.
拿拿拿, 又 士他筆 喇............魚........
ReplyDelete[版主回覆05/20/2010 08:34:00]東主有喜: 咁我依邊啲Starbucks咁岩做特價優惠嗎!! 咁當然比平時幫襯多啲囉!!
"幫Brian剪埋個頭" , 你好勁啊 ............. 剪頭髮你都識..... 年中慳番唔少 ..........
ReplyDelete[版主回覆05/20/2010 08:34:00]WingL^^ 都係修剪下咋!! 而且,男仔頭髮比較短,容易handle啲!! 我有時都會同自己修剪下前額啲頭髮架!!
~孫生勁鍾意食麥記早餐，逢星期六 or 日必食！佢食一個 Big breakfast再加多個扭扭粉呀！肥到佢吖！
ReplyDelete[版主回覆05/20/2010 08:34:00]靚太: ~嘩!! 麥記早餐營養太豐富啦!! 我食一個麥記, 都可以唔洗食lunch 啦!! ~我想知, 咩野係扭扭粉???係咪通粉黎架?? 麥記有埋通粉架??我係依邊太耐啦!!唔知香港啲麥記早餐係點!!
麥記同Starbucks係你地兩個既飯堂 Starbucks個special完左未呀？
ReplyDelete[版主回覆05/20/2010 08:34:00]Mui ~係囉!! 剛剛過去嘅禮拜六日, 真係去多咗麥記and starbucks!! 其實, 我都好想食啲港式早餐, 果啲A餐B餐, 但可惜唔就腳.....哈哈!! ~Starbucks 個special 已經完咗啦!! 下次Starbucks or 其他咖啡店有咩優惠, 我知嘅, 都盡量話你知吖!!
如果香港有半價咖啡就好啦!~
ReplyDelete[版主回覆05/22/2010 14:08:00]小威威: 反而我依邊啲冰凍咖啡frappucino減價, 都無咩人理!!我都唔明點解!!
~係呀！而家麥記有埋通粉買架，有幾隻味！湯底都有分兩隻，一種係普通嘅雜菜雞湯，另外一種係芝士味湯底！至於配料都係煙肉蛋Or豬柳蛋！
ReplyDelete~而家香港麥記仲有送貨服務添....叫"麥麥送"，我哋星期六、日就會叫囉！
[版主回覆05/22/2010 14:08:00]靚太: ~嘩!! 香港連麥記都咁豐富架!! 仲可以送埋去屋企添!! 好好呀!!我都想依邊啲麥當當有外賣,咁冬天就唔洗係個暖笠笠被斗爬起身買早餐. ~但香港嘅麥當當外賣,要買滿幾多價值嘅早餐先肯送餐呀??
咖啡有半價優惠咁正???竟然無咩人去買~~
ReplyDelete[版主回覆05/22/2010 14:08:00]飛毛華腿 只係frappucino有半價優惠, 但我依邊啲人,反而唔係太熱烈響應,我都覺奇怪!!哈哈~
I like to cook at home at weekend. Staying home is very relaxing.
ReplyDelete[版主回覆05/22/2010 14:08:00]Happy Girl 係呀!!係屋企真係好舒服架!! 但我好懶,連煮飯想休息唔煮.
Shopping malls are open on sunday?
ReplyDelete[版主回覆05/22/2010 14:08:00]Mrs. Tin Tin 係呀!! 而家啲shopping malls 唔止星期日都開,連公眾假期都照常營業架!!
(Empty)
ReplyDelete~其實無最低收費，但買滿$60就可免費送貨！低過$60就要俾$12送貨費用囉！
ReplyDelete[版主回覆05/27/2010 06:18:00]靚太: 加多$12 就可以送餐,都好超值呀! 香港真係方法便.
I want to try the soy strawberry too is tat taste good??
ReplyDelete[版主回覆05/27/2010 06:18:00]Laura: 我覺好飲呀!! 你都試下啦!