周末, 好熱呀!! 出開街買啲濕聲野, 就成塊面紅晒啦!! ......去咖啡店買凍飲, 仲排咗好耐先買到!! 因為天氣實太熱啦!!
炎炎夏日, 都係坐自己屋企最為舒服. 所以, 臨返屋企前,去咗粥鋪買啲熟食小炒返屋企, 當晚餐囉!! 順手租藍蝶睇. 而且近排, Brian都唔知幾想坐係屋企玩新玩具呢......
今年夏天真係特別熱,仲好焗, 我哋去開啲食鋪, 開冷氣好似唔多夠涼...., 所以, 夏天去街食, 都幾辛苦. 由其事我隔離果個超怕熱. 佢熱到唔出聲, 我仲難受.
記得係香港生活時, 啲商場,啲食鋪, 係夏天時, 開冷氣開到超涼架!! 涼到要着外套. 就算人流有幾多, 出入口keep 住又開又"山". 都唔會影響室內啲溫度, 室內仍然好涼快架!! 但係加拿大, 夏天一到, 我此終都係覺, 室內公眾地方開唔夠冷氣. 我唔怕熱就無所謂. 怕熱啲人, 我見到都登佢哋辛苦.
如果, 今年夏天長期都係咁熱, 我諗我哋嘅weekend都留係屋企多啦!!
↓明明order 咗中型裝凍飲. 但咖啡店用晒中型杯啦!! 所以, 比中型杯價錢有大型杯凍飲....哈哈0
↓買外賣回家食, 仲順手租藍光蝶返屋企睇0
No comments:
Post a Comment