30度以上嘅天氣又到達多倫多啦!! 近排, 天氣真係好炎熱!! 係條街行一陣, 兩個面豬都紅晒. 真係連咽脂都唔洗查, 塊面都會自然紅. 哈哈~~
依日, Brian放工約我係地鐵等, 沿途一齊行返屋企,已經忍唔住, 走咗入間咖啡店(Tim horton's) 度買杯野飲. 但見間咖啡店, 現在, 內置一間雪糕店, 咁熱辣辣天氣, 見到有雪糕賣, 兩眼自然發光啦!! 即刻幫襯杯雪糕先!!
原來依間內置雪糕店, 係專賣炒雪糕架!! 其實, 炒雪糕即係將一個雪糕球放係張凍板上, 係你面前, 將啲雪糕+雪糕配料, 例如, 曲奇餅粒,朱古力粒, 糖醬之類....用兩支類似穫剷黎撈雪糕配料入雪糕球裡面. 好似鐵板燒型式黎對待雪糕, 將雪糕球and 雪糕配料一齊炒均. 從而, 成為一杯好多配料嘅雪糕.
係度睇住炒雪糕時, 個身都已經涼返啲啦!! 因為座炒雪糕嘅display玻璃都幾凍架!! 哈哈!! 而食完炒雪糕成身好涼晒啦!! 但杯雪糕太多配料啦!!食到口都有啲軟. 哈哈~~~不過, 間唔中試下都幾得意.
後尾, 返到屋企睇天文台先知, 原來今日有37度呀!!嘩!! 乜熱成咁呀!
↓Tim horton‘s咖啡店,內置嘅炒雪糕店 (名叫Cold stone). 牆上有特別炒雪糕推介0
↓炒雪糕呀!! (紅圈)0
↓炒完杯雪糕就係咁, 如果加點錢, 有waffle 筒伴杯添0
↓店內仲有雪糕蛋糕賣架!!0
Yeah! One of my favorite ice-cream stores......i always order strawberry with tons of crackers......so yum yum! What did you order?
ReplyDelete[版主回覆06/04/2010 10:52:00]小水怪 ~原來你鐘意食炒雪糕!!!!照你所講, Strawberry+tons of cracker....聽落去都幾吸引!!!!我下次有機會都試下 ~我今次order cookies dough, chocolate chip and caramel ......哈哈~~
"炒雪糕" 我都想食呀? 不過, 香港都好似唔見有 ........
ReplyDelete[版主回覆06/04/2010 10:52:00]WingL^^ 係咩!!香港未有"炒雪糕" 呀!! 我諗好快就有架啦!因為香港好有觸覺嘅城市...! 哈
我未試過呀，不過好想試，里個summer真係熱得早
ReplyDelete[版主回覆06/04/2010 10:52:00]Mui ~有機會你都試下, 都幾得意架!! ~你講得無錯, 今年summer比舊年早熱, 仲熱得好多添!!
上次我同個frd去,一個要brownie 一個要cookie dough..炒到個女仔手軟
ReplyDelete[版主回覆06/04/2010 10:52:00]Kitty ~炒雪糕女仔...炒到手軟...哈哈~~ ~咁聽落去Brownie ....and cookies dough又幾好食....等我遲啲又叫brownie and cookies dough 先..哈