三妹 and 三妹男朋友係早倫返咗轉香港玩. 我見依個咁好機會........而我又諗住慳返啲郵費! 咪叫三妹幫我做跑腿, 順便由加拿大帶啲物品比我香港啲朋友囉!!
點知, 我啲香港朋友, 又好有心, 又叫三妹帶返啲禮物送比我. ......所以, 好感激三妹去旅行都為我舟車勞動, 頻頻撲撲, 又分享部分行李夾啲位比我, 為我運送啲禮物
三妹還一返黎加拿大, 一有時間, 就帶我堆禮物, 黎我度啦!!! ..嘩!! 當我見到啲禮物時, 我真係好興奮呀!! 點解有咁多禮物架!!成袋禮物都係我架??? (三妹將所屬於我的物品放在一個大袋子裡) 我估唔到我有成袋禮物, 咁多架!!
早前, 透過電腦得知, 我個朋友---"爆炸魔女". 話想送啲香港現在好流行嘅蝴蝶曲奇比我品賞. 但奈何郵寄食物黎加拿大. 此終, 有點困難, 所以, 難得三妹回港, 就趁依個機會托三妹送盒比我!!! 所以, 我一早預料到我會有盒蝴蝶曲奇餅. .....點知,我依個朋友, 除咗送曲奇比我之外, 仲傻到買埋其他野比我作禮物!!!...... 依份額外禮物, 咪就係一對hello kitty 碗........ 我真係非常意外, 會收到Hello kitty 廚具架!! 好多人知我鐘意Hello kitty, 但我對Hello kitty廚具什為熱愛. 所以, 送對碗比我, 真係好實用, 我一定會用到架!! 真係多謝晒呀!!係繁忙中都抽時間買禮物比我.
其實,我同依個朋友( 爆炸魔女), 喺寫blog 識架!! 真係估唔到用依個方法, 能夠識到一個咁close嘅朋友. 雖然, 我哋相距好遠, 仲有時差相隔, 但唔知點解一想同大家傾訴or 分享, 就會好自自然然係電腦某一個各落見到大家. 要對方好有心, 才能發展到我哋依份友誼.....我唔係因為人哋送咗野比我, 我先咁講依啲野, 但大家都有家庭, 大家都有自己嘅野要顧. 但對方都會我作適當嘅關心. 真係好難得架!! Anyway, 多謝你個心意!!! 真想同你再一次見面, 暢談一反。
↓依盒蝴蝶酥曲奇, 我班妹, 都唔知喉住我盒蝴蝶曲奇, 幾耐呀!! 我班妹成日係我耳邊講,「家姐.....(平時叫我個名架!! 邊會咁客氣呀!!) 不如擦咗盒紫色盒曲奇先睇其他禮物吖!!.... 」嘩!!.....啲蝴蝶酥曲奇真係好香口呀! 好美味呀!......Thanks Thanks0
↓仲有依對Hello kitty 碗. 好實用.0
--------------------------------------------------------------------
仲有呀!!仲有呀!! 我仲有另一個朋友, 都托三妹比禮物我呀!! 依個朋友, 我哋真係識咗好耐, 我讀小學已經識啦!! 真係識咗好耐啦!! 連我大學畢業都特登係香港飛過黎!! 你話幾有心吖!! 由於,彼此識得耐, 我屋企人都已經同依位朋友好相熟. 其實, 我屋企人經常香港和加拿大兩邊走架!! 依個朋友都總會塔我屋企比野我!! 時常比好多意外驚喜我架!! 今次, 就係送咗一堆Hello kitty 日用品比我!! 好實用架!!
我時常覺依個朋友好忙碌架!! 又返工,又進修, 又要顧頭家. 但都抽到時間理我喎, 買啲佢唔在行嘅Hello kitty物品給我!! 真係收到佢送嘅Hello kitty 禮物, 真係會額外興奮架!!! 真係好想返香港, 同對我咁好啲朋友見面呀!
↓Hello kitty臺墊, 杯墊, 儲物箱, 仲有裝sauce用嘅Hello kitty container.0
-------------------------------------------------------------------- 今次, 三妹幫我一個大忙, 我唔該三妹都黎唔切啦!! 但三妹係香港都仍然有買野比我..........真係做咩對我咁好呀!!!
依個月又唔係生日, 又唔係聖誕節, 收到咁多禮物, 真係好開心呀!!
↓三妹買比我嘅禮物......日式咖哩, 係sogo買嘅曲奇,仲有Hello kitty環保袋 0
真係開心啦，唔係Christmas都有咁多禮物收，你個妹真係好乖呀，咁多野幫你帶過黎，仲要係打得爛既，咪要hand-carry?
ReplyDelete[版主回覆06/06/2010 06:20:00]Mui ~係囉!! 而家仲係夏天, 離聖誕節仲有好遠, 但都收到咁多禮物, 真係好開心呀!! ~講真吖!! 我都唔知我香港啲朋友會買咁多野比我, 都係三妹返黎加拿大我先知, 有咁多野都係屬於我架!! ~我唔知三妹有無幫我hand carry呀!! 因為而家hand carry都唔可以帶太重架!! 不過, 都感謝三妹肯幫我帶禮物比我!! ~不過, 我都試過係香港帶套ceramic碗and 杯返黎加拿大, 都無hand carry, 全套裝係行李度, (托賴)都ok!! 但當然每一件都要用特別包裝啦!
我知你實會鍾意架, 原本呢套碗係有埋一對杯賣架, 但我搵咗幾間都冇晒, 之前仲見到有架, 所以只係買咗套碗俾你.....
ReplyDelete不過, 後來諗諗吓, 冇杯都好, 因為要Candy攞兩盒打得爛嘅嘢都幾慘, 都係唔好洗得佢咁盡呀.....哈哈！
之前你同我講你d妹話叫你開紫色盒嘢先, 我覺得好好笑, 真係好似小朋友咁呀, 我買咗兩盒架, 一盒你, 一盒三妹, 早知我就買多兩盒啦......
[版主回覆06/06/2010 06:20:00]爆炸魔女 ~你講套杯, 我諗我知你講邊套呀!! 我係啲網上拍賣網站見過架!!好似兩隻杯連長蝶嗎??right!! 我曾心思思想係網上買呀!! 哈哈. 你知啦!!我係對杯杯,蝶蝶, 好有情意結架啦!!哈哈~~所以,有留意. ~0下!!! 唔係掛!! 本來你個概思, 係想送埋套杯比我架!! 你做咩想買咁多野比我呀!!你傻咗呀!! 哈哈~~ 唔洗對我咁好架!! 哈哈~~~ 而家依對碗,我已經好有意外驚喜啦!! 已經好開心啦!! 唔好太破費啦!! ~三妹, 不流都對我好好架!! 我諗你比多盒野佢, 佢都會照拎返黎架!! 好豪氣架!! 哈哈~~不過,我都係唔好太貪心, 三妹已經係超級好啦!! 犧牲咗咁多行李位比我!! 依家啲航空公司越來越多管製呀!! 係行李重量方面好嚴呀!! 而且, 又好容易超磅架! ~哈哈!! 我啲妹都係貪得意想試下啲蝴蝶曲奇咋!!而且, 見盒蝴蝶餅放係度又唔擦, 忍唔到嗎!!咪成日係我耳邊講囉!!哈~~佢哋係咁架! 只想過下口癮咋!! 唔洗理佢哋!!你第時唔洗就埋我啲妹, 所以, 你第時比野我, 唔洗額外預多啲架!!你真係唔洗理埋我班妹架!! 你對已經好好架啦!! ~原來你買多一盒比三妹架!! 三妹都忙到未同我講, 可能三妹未返黎加拿大已經食晒啦!!! 但你做咩咁做呀! 做咩買兩盒...你太破費啦!!下次唔好啦!! 我真難得, 識到你, 仲理埋我屋企班妹.......你下次真係唔洗咁熱情架!! ~除多謝都唔知令我講咩好啦!! 你對我太好啦!! 你咁對我, 你屋企人, 仲言and 你丈夫會唔會呷我醋架??哈哈~~
Your sister and friends are so good to you ! Lucky !!
ReplyDelete[版主回覆06/06/2010 06:20:00]Happy Girl 係呀!!我啲朋友and sister真係好好呀!! 突然間, 收到咁多禮物, 我都打咗個特呀!! 仲以為係聖誕節添!!哈哈~~
見到甘多禮物一定好開心興奮
ReplyDelete[版主回覆06/06/2010 06:20:00]Florachk 係呀!!我真係好興奮!!有咁多禮物仲以為係聖誕節呀!!哈哈~~
對Hello kitty 碗好靚呀, 你d朋友真係錫你...........
ReplyDelete[版主回覆06/06/2010 06:20:00]WingL^^ 對hello kitty碗, 我好鐘意架!又靚,又實用. 啲朋友越對我好, 我就越感動,越想飛返去見佢哋呀!!!
~收到咁多禮物一定好開心啦！
ReplyDelete[版主回覆06/08/2010 10:52:00]靚太: 係呀!! 我超開心呀!! 啲禮物又岩我用. 用啲禮物時更多開心!!
我都系呀,我一見hello kitty就不能自拔！
ReplyDelete[版主回覆06/15/2010 09:41:00]mrsleung ~我都係架!! 我哋真係智趣相投!! 哈哈~~ ~但我比較着重喜歡Hello kitty 廚具 and Hello kitty日用品多啲!!