咖哩飯局

May 28,2010 (Friday)

  依個飯局, 又係知道得好突然. 星期五飯局, 但就係星期四夜晚先知, 仲要大部分啲妹以及她們的另一半都話上黎我度食飯添!!
 
  我近排有啲敏感, 食咗啲藥, 成個人好攰, 好早休息, 所以, 變相少咗執屋. 突然間聽到Brian講, 話有一大班人上黎, 當然都要執下屋啦. 係就係我班妹係自己人. 但上到黎我度, 我都想比人感覺係整齊啲囉!! 所以, 我一聽到班妹話上黎食飯依個消息. 我就係咁清潔自己間屋.......清潔完之後, 手都震埋. 因為,我太落力洗洗抹抹啦!!  真係未同啲妹玩, 已經成身攰了一大半.

   今次飯局, 主要係食咖哩, 啲咖哩係三妹岩啱係香港買返黎架!! ...... 咁即係話....啲咖哩係喺香港新鮮運到加拿大啦!!.... 三妹咁識做, 返香港都掛住我哋胃.  仲肯煮埋, 真係好開心. 哈哈~~

   啲阿妹話,我完全唔洗準備任何食物架!! 啲阿妹話上黎我個廚房煮喎!!! 但由於, 我啲妹唔熟我個廚房個架部, 煮咖哩餐時, 我都係企係廚房專係攞煲, 攞匙比佢哋舞囉!!哈哈~~~

   我班妹, 一煮就煮咗四大煲咖哩出黎啦!!! 啲咖哩大部分都好有日本味道. 都幾好味架!!仲有印度簿餅送咖哩添!! 真係好特別, 好特色.  除咗咖哩, 我哋一大班人, 當然順便飲多兩杯酒啦!! 又食又飲. 氣氛好高漲架!!

   飯後仲落咗樓下間starbucks 飲咖啡, 嘆一嘆.  之後, 再折返我度, 一邊再傾計, 飲紅酒and 鋤大D, 又係顛到夜深4am. 哈哈!!

↓阿妹煮嘅咖哩餐, 驟眼望落去啲咖哩煲有點似香港啲咖哩魚蛋....哈!

↓椒鹽雞翼, 印尼薄餅 (依個簿餅, 好好味,齋食都好正)

↓飲品有......紅酒,啤酒, 仲有落街買嘅starbucks飲品

↓飯前合照(我係渣機果個, 所以,唔係張相裡面), ....食飯中途五妹已經飲到面紅紅....哈哈!!