依個星期係長周末假期(Family Day), 星期一都唔洗返工, 所以, 都好開心...哈哈! 但星期五(Feb 15) 一放工都無即刻出街玩...可能剛剛過去果個星期, 又慶祝12 號,又慶祝情人節
, 成日食街外野!! 所以,到星期五(Feb 15) 開始放假都令願留係屋企食飯...我煮咗一個好簡單嘅肉腸番茄意粉
...飲埋早排列飲剩嘅紅酒
, 就一餐喇!!
Feb 16 (Saturday)
去車展!! 去Auto show之前, 當然出去食lunch 先喇!! 我同Brian 去咗粥店食炒飯
行完Auto show
,都成晚上九點, 都估唔到我同Brian 可以係Auto show 行咗咁耐, 真係行到好攰, 連腳都攰埋...但仲要迫地鐵
返屋企, 原來我坐依個地鐵站,咁啱有一班列車
到咗地鐵站轉車, 所以,成個地鐵站都係人, 要警察維持治安
, ...有感覺好似香港電視新聞果啲民工係度迫車
-----------------------------------------------------------------
夜馬馬,...又唔想煮,...我就提議去食台灣野,因為台灣食店比較夜少少先close ... Brian 就攞車匙
, ...同TT仔仔
出街食dinner, 點知,去到街,政府人員係條街...個樹吸緊雪堆...本來有三條行車線,都變咗一條線...所以,好擠車! 今年真係落得多雪,而且天氣持續凍, 啲雪唔溶不特止...仲好似座山咁, 左住人or 車行路, 政府謂有要將啲雪...好似吸塵咁, 用大型吸雪機吸走, 將啲雪用拖車
運去食水廠, 靜化之後飲用!!真係好不容易先擠到台灣食店, 入到台灣食店都成十一點幾!! dinner 都變宵夜,...我就order 咗個湯飯
Feb 17(Sunday)
一早起身
去咗麥當當食早餐
好過,...又唔知係咪琴日係auto show行多路,今日真係唔想出街,因為好攰
!! 但Brian 係依日就成日"料"我去食雪糕
, 好喇....就出去食雪糕
, ...所以,食完美味geleto 就去chinese supermarket! 今日,就係好簡單咁過!! 但我覺得,好舒服!!
Feb 18(Monday)
都唔洗返工, 雖然,我屋企附近啲商場咩都有開門營業,但我都無行街, ....可能凍喇! 而且有少少雪, 留係屋企休息仲實制!! ...但到五點幾, Brian 有朋友想買他手頭上啲野,...所以,就出街囉!! 我同Brian 順道出街嘆下啲加拿大咖啡
....飲飲下咖啡, 又比我發現到咖啡店隔離,..開咗間新超市,仲開24 小時, 所以,飲完咖啡, 就入咗去新超市行, 本來都無咩特別野想買, 但我一入超市
, 一定有收獲...見肉
平又買...買咗成袋
先捨得返屋企...哈哈!!之後, 返屋企食湯麵
我都好鍾意食番茄肉腸意粉架, 但紅酒就真係好少飲, 唔太鍾意酒味, 不過上次試過一隻真係幾好飲, 有d果汁, 又唔嗆鼻, $79/枝喎
ReplyDelete呢排又好少食粥, 係咪要去到唐人街嗰邊先有粥店? 天氣咁凍都係唔好飲咁多凍飲啦~~
其實見你哋個碗好似好細咁, 點煲飯丫
雖然簡單, 但都覺得過得好快呢~~~
[版主回覆02/22/2008 18:29:00]細細粒: ~你都鐘意番茄肉腸意粉架!! 你得閒都整啲同Raymond一齊食吖!! 又容易整,而且係超市就買到,好方便!! ~我比較喜歡飲紅酒架!! 你話有啲紅酒會嗆鼻,其實,可能你飲支紅酒未air...(透氣---即係倒啲酒入一個沒有蓋嘅玻璃器皿內一陣,令到紅酒同空氣融合),如果air 一air 先飲, 紅酒味道會容易入口,你下次試下吖!! 如果你怕紅酒味...你可試下飲白酒..因為白酒比較容易入口!! 但白酒就要襯無咁膿味嘅食品!! ~我相信你喜歡飲果汁酒,其實,你唔好以為果汁酒容易飲, 其實, 有啲果汁酒..酒精成份好高...小心呀!!不過,唔緊要Raymond 會睇住你架喇!! ~我唔係好夠膽去唐人街架!! 因為我覺唐人比較唔乾淨!! 我依間粥店,都係喺一條街中,其中一間店鋪...隔離有fast food 店,and 本土食店!! 其實,唔洗一定去唐人街先有chinese 野食架!! 我依邊有啲商場係香港人經營,裡面都有好多食店...購買店都好chinese!! ~我都覺自己顛顛哋, 冬天咁凍,都去飲凍野..但我見人哋檯叫,我忍唔住咪叫黎飲囉!! 哈哈!!不過,唔緊要,有碗熱粥係隔離!! 一邊食熱粥and 飲凍野都幾爽!哈哈! ~你問我點煲飯..哈哈!其實,我縮細咗張相! 你未..覺我啲飯少囉! 我都煮咗兩"墨"米架!! 我平時仲食得少飯,係依日有魚食,我先煮多啲飯咋!!
點解有時會有Long weekend嘅？之前我成日唔記得問呀！．．．星期一係咩嘢假呀，唔洗返工嘅？
ReplyDelete呢四日都食咗不同style嘅食物，冇重覆喎，好嘢！
你自己有冇買花返屋企插呀？都唔錯架！
嘩，我都好鍾意你呢間supermarket呀，好似好大，好多嘢賣咁呀．．．．．我好喜歡自己一個去supermarket，慢慢行，好舒服架！
[版主回覆02/23/2008 03:38:00]爆炸魔女: ~啱啱過去嘅星期一(Feb18)係公眾假期,依個公眾假期叫做family day. 總之就,唔洗返工..依個公眾假期都係第一年建立...我唔理喇!! 有假放,當然出去食食食 and 瞓耐少少!! 雖然,我係有出街食,但食黎食去都係果啲食店..哈哈!! 都無咩新意!! 但我又唔食厭..哈哈!! ~我好想買啲小盆栽返屋企種架!! 我想自己種香葉(自己可以煮飯時用),..我也想種一啲花仔,開心下!! 但我自己住依樹無露台架!! 而且, 我怕有蚊之出動!! 所以,打消咗念頭! 哈哈!! 而花就真係少買返屋企插..因為插一兩日就無,好唔捨得呀!! ~我都好喜歡自己一個人去超市行, 自己行,行幾耐都得!! 可以慢慢睇,有時就係因為慢慢睇, 就會係supermarket 發現到新產品,新用具!! 我好婆仔架!! 我行超市都好開心架!! 哈哈!! 有時同Brian 一齊行超市..都唔好玩, 可能男士唔覺得行超市係一種樂趣喇!! 我同啲妹行超市都好顛架!! 叫極都唔走!!好似成班婆仔去超市咁!! ~依間超市係西人超市,你有無發覺間超市係無人切豬肉架!! 西人超市係比較令靜啲...你買咩都唔會有血水, pack 好晒一包包...咁買!!
Wow, you had a very fulfilling long weekend! My hubby and I were in Toronto last weekend, to visit his mom. There was so much snow that the city didn't remove, it was quite inconvenient.
ReplyDelete[版主回覆02/23/2008 03:47:00]Fatgarfield: ~叫自己做肥加菲..你個名好得意...你好似第一次係我blog 作出回應!! 多謝你呀!! ~乜你依個長周末都有係多倫多玩呀!! 有無周圍食食食呀?? 不過.今年,多倫多落得太多雪...而且又特別凍! 啲雪跟本溶唔到又落第二場新雪!! 越積越多!! 周街都係雪山仔!! 有啲雙線行車路都變咗單線行車路!!好唔方便!! 政府都好盡力係咁搬走or 鏟走啲雪..但雪實在太多...都做唔切!! ~點呀!!多倫多好玩嗎??
你個weekend都好正喎~~~我都好鍾意行supermarket架,不過而家就少左行~~~
ReplyDelete[版主回覆02/23/2008 03:51:00]檬檬: ~原來唔止我一個喜歡行supermarket..原來都幾blog 友都喜歡行超市!! 哈哈!! 我覺一個人行超市or 同啲同channel 嘅人行,先行得開心... ~點解依家少行咗!! 係咪忙住同張生出街呢!??你哋好恩愛!!
點解唔開TT 去車展... 可以不用逼地鐵!~
ReplyDelete[版主回覆02/23/2008 03:56:00]小威威: 泊咗位去車展,都要行一大個圈先到車展會場,但坐地鐵一出閘,係室內行唔洗好耐就到車展會場!! 依家冬天咁凍,我都令願行室內多啲喇!
~你個意粉好正喎...我都鐘意飲紅酒架....以前我成日陪爸飲的...同爸周圍去試紅酒...如果覺得果隻紅酒好味..爸會一箱箱咁買架.....不過而家分開住少咗一齊飲住紅酒傾吓計嚕....除非我返去爸媽家啦..一定會開一支一齊飲..嘻...
ReplyDelete~你呢個星期都好豐富喎....吃了很多不同種類的食物....正呀...
[版主回覆02/23/2008 04:29:00]小妹: ~多謝你讚我啲意粉好正!! 你煮啲野食咪仲好食!! 但我知你比較喜歡食意粉多啲!! 哈哈! ~我都喜歡飲紅酒..唔知點解我有啲喜慶就想飲紅酒,有時有啲食物襯啲紅酒食,感覺都唔同晒!! ~你Daddy 對酒都幾有興趣,會一箱箱買返屋企,..你細細個就跟Daddy飲紅酒,你紅酒知識一定好好!! 一定好識試紅酒味道...香唔香!!係咪full body... 一飲就知,啲酒洗唔洗air!! 我都好大個先飲紅酒,有啲紅酒知識都係Brian教我架!! 哈哈!! ~我啱啱果個星期一(Feb 18)係公眾假期,咪出街食野囉!! 但我上幾個星期都幫襯過粥店and 台灣食店,...其實,我同Brian去黎去都係果幾間食店!! 都無咩新意架!! 哈哈!!
~我地18號都係假期呀,總統日呀,所以我地都唔使返工架! ~你就好啦,有台灣野食,真係唔知係咪我地呢邊多大陸人呢,如果想係china town搵間好d既食店都真係幾難,可能d呢邊既大陸人對食物無乜要求,所以呢邊d食店咁耐以黎都係咁差! ~你地o個邊唔知幾時先落完雪呢,呢排你講既天氣就只有雪,雪,同埋雪,有時都真係登你地慘呀,行路開車又滑,真係要小心d呀 ~又有新超市俾你行啦,你一定好開心!
ReplyDelete[版主回覆02/25/2008 14:46:00]陶 陶夫人: ~又會咁"橋",大家都一齊放長周末假期!!我都想知,你身為美國人,你會投邊個總統一投呀?!! ~話樣野你知,其實,加拿大都有好多中國內陸嘅移民..有啲有錢到嚇親人,有啲就無咩要求!!所以,都有啲好普通嘅chinese supermarket!! 另外一方面, 我依邊就好多香港and 台灣移民..所以,都有一定份量嘅香港店鋪 and 台灣店鋪, 我依邊都好多韓國移民架!啲韓國超市仲好有規模,好得意!! ~我都去過New york 玩架!! 我個陣時覺, 美國都幾多商店行架!! 哈哈!! 但如果要我長住,我都令願係香港,因為至少交通方便啲! ~你明我,落大風雪個感覺一啲都唔好受!! 我落雪會盡量樣樣小心, 多謝你諒解我!! ~有新超市,我會係超市行成日都得,我覺自己一個人超市好舒服架! 哈哈!!