回家

Feb 23 (Saturday)
   我又返媽咪屋企喇!! 今日,返屋企啲妹好懶,可能放緊reading week 假期喇!! 所以,我返到屋企啲妹都未起身, 整到好遲先出街食lunch...我哋都係好例牌,出街飲茶
,食點心囉!! 飲完茶,我就同parents 去chinese supermarket
買餸,每次去買餸, 媽咪都話..."Vicky, 我之前果幾日係超市, 我已經幫你買依啲野...同依啲食品(用手指...指住), 等你攞返自己屋企, 仲有無野要買...快啲襯而家得閒買." 我媽咪and daddy 就係成日怕我放工後,無時間買野食, 又怕我餓襯.....My parents 就係時時刻刻都好關心我!!! 唔該晒!!

   今次返屋企之前一日, 我仲特登整咗個cheese cake 比啲妹試, 因為上次啲一口一淡朱古力蛋糕好歡迎, ....所以,今次就整第二啲款比啲妹食, 好彩她們都話依個cheese cake 好食, 但甜咗啲...ok...下次再落少啲糖喇!

依兩個就係cheese cake 係我由自己屋企整, 帶返去媽咪屋企,...啲妹話,似日本cheese cake..因為比較soft..但好味, 不過,就甜啲. 0

   到dinner 時份, Brian 都上咗我媽咪屋企食dinner....今餐dinner..係媽咪煮
, 我無幫手呀!! 因為媽咪煮飯,實在太快,...所以, 我都唔知點幫..哈哈!! 媽咪快到可以煲埋湯,

....我都係幫下手洗洗抹抹.但依啲都好快搞掂, 食完飯, 我仲有好多時間同啲妹 and Brian玩對打nds... And 同my parents傾計!! 我哋傾傾下我哋一家又口痕...就開始食Brian 買果啲gelato (雪糕),個個妹都話啲雪糕好好食, ...好香,好滑!! 我啲妹,仲即刻問Brian 哥哥(我啲妹是這樣稱呼Brian)攞雪糕店地址, 有機會啲妹自己可以帶朋友仔再去食雪糕

!!  我哋全家人一齊一邊食野,一邊傾計,睇下電視...就好開心架喇!!

依餐飯,係媽咪煮嘅愛心飯..有蒸青斑魚, 上湯沼菜, 茄汁蝦仁, 醬油雞, 蒸潤腸同埋粉葛唔知咩湯! 雖然,好簡單菜式, 但好好味...0

   

Feb 24 (星期日)
   我哋全家人, 都好早,好早起身...就係因為要去佛堂拜神囉!! 我哋年年過咗農曆新年都會去拜神架!!因為無咁迫人, 其實,去佛堂都係求下安心,我都係一年先去一次佛堂!! 今年去佛堂就特別啲, 因為Brian 都有去佛堂, 他雖然係天主教, 但未去過佛堂, 所以,一大清早同我哋全家去佛堂, Brian 就順便參觀察下, ...  Brian 都有比錢我,添香油..哈哈!!
   拜完神,就即刻去飲茶,因為媽咪話,開咗一間新茶樓,成日都好多人,我哋全家咪早啲去飲茶囉!!  入到茶樓真係好多人,剛剛十二點都已經好多人等緊! 間茶樓, 都裝修得幾華麗!! 我哋全家,仲等咗一陣先有位,...坐到埋位,啲碗蝶都幾靚 and 清潔. 啲待應好好服侍....啲點心又幾特別,幾特色,但價錢就貴啲!! 但有咁多享受...都值喇!! 總之,成家人一齊食,就開心喇!!

間新茶樓裝修好華麗,啲水晶燈好靚呀!! 啲餐具仲比較特別添!!連杯茶都噥味啲!! 好有茶味!0

    食完lunch, 返媽咪屋企執野

, 順便又再同parents 傾一餐,傾傾下講開三妹男朋友就開新店鋪,  所以,我同Brian and Daddy 探三妹男朋友間新鋪, 係便利店黎架!! 由於間鋪要係下星期先開張, 有啲安全條例, 仲要等政府人員檢查, 所以,啲貨架上還未有野賣!! 哈哈!! 但三妹男朋友好落力, 係咁砌汽水雪櫃

 

and 清潔

架!! ...我一去到便利店, 仲見到三妹朋友嘅parents...他們好健談架!! 我都係第一次見三妹男朋友嘅daddy and mommy...他們仲話我啲神態 and 樣子都好似三妹...哈哈!! 但我自己覺自己漂亮過三妹, 哈哈!!!
  去完探三妹朋友...我就返自己屋企喇!!