初三回家過新年

Feb 9 (saturday)
         農曆新年嗎!! 咪返多啲媽咪屋企

個樹囉!! 我臨返媽咪屋企,做了一大盒朱古力蛋糕

...仲係一口一啖蛋糕

...因為五妹話好想食, 你想食,我一定整比你食!! 好彩沒有失手...五妹都話好食!!

依盒咪係我整嘅朱古力蛋糕! 整到細細粒架!! 一口一啖架!0

 
   

          今次,返媽咪屋企, 我要渣架車

比返媽咪, 所以, 落雪都要渣車,..... 真係好耐都無落雪渣車喇!! 所以,我渣得比較慢, ...哈哈!! 最後,都安全到步,  我其實有點兒唔捨得架車還返去媽咪屋企架!!  因為我對依架車好似女女咁看待 (我稱呼架車做YB 女女)!! YB女女臨返我媽咪屋企之前, 我還幫YB女女洗白白, 內外都洗!!! ......但媽咪屋企好需要車用, 所以,渣返架車去媽咪屋企喇!! YB女女

,我要返媽咪屋企先見到你喇!!

        返到媽咪屋企都係食食

多, 一返去屋企媽咪已經比荳漿我飲, 係媽咪親手用黃荳渣架!! 飲完一大杯,就出咗去飲茶

...今餐茶, Brian 都有去!!! 仲係Brian 請...哈哈!! 飲完茶同Brian 行金鋪, 因為我哋要揾生肖金牌!! 最後,都揾到!! 返到屋企...見到鄰居趙生,趙太

黎拜年.....他們啲仔女和我差不多大,  也是同學

,但他們現在係香港生活!! 所以, 趙生,趙太也是剛剛從香港回來

, 今次,  見到他們, 都傾咗一陣!!!  趙生,趙太好肯幫人架, 又健談架!! 而且都幾風趣!! 本來叫趙生,趙太和我們一家一起食晚飯.....但他們要去第二樹拜年!! 因此,我哋一家人就自己出去食.....我屋企人(我父母) 喜歡中菜.

..一定食中菜. 但原來好多間restaurant 都爆滿, 所以, 去了一間平時少去的酒樓食!! 二妹男朋友都有去, 原來二妹男朋友係依間食店的常客, 但他好像似熟賣熟, 又要人送特別甜品....啲野又話要大蝶啲

!!!!! ...但依餐飯食得好豐富,好多野食!! 但我坐係二妹男朋友隔離, 他成日同侍應講野....好嘈呀

!! 所以, 無影相...三妹男朋友都問我點解今日唔影相呀

!!!?? 邊有mood,  哈哈!!!   ......未食完晚餐, 爸爸,媽咪都已經提議打牌, 好喇!! 食完飯返屋企就打牌

喇!!! 我同四妹share 一個位打,因為我係麻雀初學者.....麻雀係咁輸!! 但後尾Brian 比個生肖金牌我....就係咁贏

, 應真好笑!! 三妹男朋友話要借用生肖金牌添!!!哈!!! 打麻雀打到兩點先瞓!!! 但玩得好開心!!

打牌喇!! 係打台灣牌, 我都唔係好識打!! 純水玩下,娛樂下!0

     -------------------------------------------------------------------------------------------------

Feb 10 (sunday)
          今日, 四妹男朋友黎我哋屋企拜年

呀!!! 他係第一次見我daddy and mommy 架!! 但我之前都見過架喇!!! Brian 都話四妹男朋友nice!! 我媽竟然係人少少問Brian 覺得四妹男朋友點!! 乜依啲野,唔係問daddy咩?? 竟然問Brian...!!!媽咪真係越黎越好笑喇!! ......本來,我媽咪打算, 今日lunch 試新野!! 約埋三妹朋友, Brian﹐ 四妹男朋友係屋企集合, 但突然間收到堂舅父電話

, 他話而家黎拜年, 他年年拜年都好似即慶...拜年前半小時才通知!! 令到我媽咪食lunch個plan 都要改變!! 無理由, 有人黎拜年, 都say no 咩!!哈哈!!  由於,成排人係媽咪屋企集合, 諗住一齊出去食lunch,所以,我媽咪屋企成屋都係人,  所以, 堂舅父, 母見人就派利事,

!! 真係唔好意思,  ...唔知,堂舅父,母見到我哋咁多人, 有無嚇驚呢?? 後尾就同堂舅父一家四口去飲茶!! 我飲完茶返咗屋企同媽咪, daddy傾咗好耐計, 就執野

返自己屋企喇!!  返到自己屋企, 由於返媽咪屋企吃了太多食物

﹐所以,自己dinner 都係吃少少!! 就算!!