今日係情人節
, 首先要祝大家情人節快樂
....
屈指一算, 我同Brian都渡過咗八年情人節喇!! 還記得早幾個星期, 我和Brian 講返起, ...我哋以前啲野, 好似講關於, 以前啲食店...講講下, Brian 就提起, 我哋第一次見面, 原來係一間上海食店裡面
..哈哈!! 係喎, 我差點兒忘記, 我們第一次見面的地方添!! 我當時係陪朋友食飯
, Brian 是飯局裡, 其中一位座上客.... 本來,我是不想陪朋友去吃飯的!! 但朋友打了幾次電話來
,請我去, 好喇....就陪朋友一起去食飯!! 我就係咁, 係依次飯局裡面認識了Brian 喇!! 哈哈!! 直到現在!! ......
而係依兩天, Brian
都要上公司為他安排的training 班
, 要天都未光起身渣車去返training 班. 我初頭都好驚, Brian 要去第二個省training....好彩都係我依家住緊個省讀training course...但地區就比較遠, 要渣車上學, 而且,情人節之後個日都要早起身返training course, 所以, 今餐情人節dinner 比往年情人節...提前幾個小時食. 都唔緊要....Brian 陪我就得架喇!! 唔出街食都ok.....
今年, 情人節
, 有很多食店已經爆滿, 有啲話要等到九時才有位, 而且, 仲係set menu...無得隨意點正常menu 嘅食物!! 令到食物選擇少了!! 最後, 我同Brian 決定去食返團年飯果日,...果間日本食店!! 雖然唔夠半個月再去食日本野. 但日本野
咁好食!! 所以, 我再去食日本野都非常興份架!!
今日, 我好早起身做朱古力蛋糕
,作情人節小甜品!! 但Brian 還比我早起身, 我諗他鬧鐘四時五十分已經響, ....好像朝早五時已經出咗門口, 渣車返training course 了.....還以為Brian 返training course 會早點返到屋企, 點知條路好長又好擠車... 下午五時四十五分先返到屋企, 坐唔夠一陣...又出街食dinner 喇!!! 真辛苦了Brian!!
以下張相咪係我整嘅情人節朱古力蛋糕! 我覺得我啲蛋糕咁樣擺法,有啲似米奇老鼠呀! 哈!!0
Yeah!! 今餐二人情人節dinner...叫咗好多sushi
以下啲相就係食日本野個陣時影架!! 我哋兩個人食咗48 件壽司呀!! 計埋手卷, 食咗50 件喇!! 哈哈!! 仲咪計小食....哈哈!!! 我哋二個人嘅胃口, 原來可以咁大架!! 我哋唔係食任食壽司,我哋係逐樣壽司叫架!! 連待應都眼凸凸!! 0
**依間日本食店....名叫 I ZU Japanese Restaurant, 位於 1835 Yonge Street (Yonge street 夾Davisville Ave) , Tel: 416-932-8349
, 好多grilled food食
.....還食唔晒, 要打包返屋企添!!! 咁聽日餐lunch
有着落喇....哈哈!!.....Brain 成日都好似怕唔夠食.......都已經叫到成檯都係野食喇!! 點會唔夠!! 哈哈! 我哋情人節就係食日本野慶祝!!! 食得好開心!!
祝你和Brain年年情人節都Sweet啦!~
ReplyDelete[版主回覆02/20/2008 05:40:00]小威威: ~多謝你呀!! ~我都祝你快啲揾到心中至愛!!
真係叫左好多野食，好好味，有機會都想去試試!
ReplyDeleteHappy Belated Valentine's Day!祝你同Brian日日都甜甜蜜蜜，開開心心!
[版主回覆02/20/2008 05:48:00]Mui: ~你都喜歡食日本野架!! 我都好喜歡食日本野架!! 因為覺得日本野食,好精緻, 要好有心機先做到,而且每樣都細細粒..好似可以食~好多好多都得..哈哈! 你個樹多唔多日本野食架?? ~你話情人節好商業化嘅節日,我就係比依啲商業化節日呃咗喇! 我同Brian都要出街食野先至覺得應節! 哈哈!! 無喇喇! 出街消費添!! ~多謝你同我講情人節祝賀說話..我都祝你同香蕉仔,日日開心!!
原來係係朋友拉埋你同 BRIAN, 你有無多謝佢介紹個咁好既男朋友俾你呀 !!
ReplyDelete嘩, 成8年喇. 都唔短日子喎, 幾時拉埋天窗, 請我飲呀 !!
每次見到你同BRAIN 都咁 SWEET, 真係令人羨慕呀 !!
[版主回覆02/20/2008 05:57:00]New beauty sandy: ~無咩點話多謝果個朋友...哈哈!因為讀大學二年班,大家都唔同school residence 住,就少咗來往喇! 但依個朋友知我同Brian一齊囉!! ~好喇! 拉埋就話你知喇!! 但我諗你要等多陣...先飲到我個餐!! 哈哈!! 因為我都唔知幾時先結婚..哈哈! ~我都相信,你會好快好快揾到另一半架喇!! 可能你弟時仲sweet ...所以,你唔洗話羨慕我! 我內心都有時常希望你快啲揾到心中至愛架!! 因為你一定會好錫男朋友架!!
48件壽司))))) 食得是福呀嘛~~
ReplyDelete我同我朋友出街食壽司都會叫好多野食 有時啲份量 嚟多1-2個人都夠食
架!! 每次食完都會好滿足~~ (不過食完 要隔一排先會再食) 哈哈
[版主回覆02/20/2008 06:05:00]炭炭媽: ~講真,48件壽司當中,我比Brian仲食得仲多!! 哈哈!! 我諗我係Brian心目中係大食積!!!哈哈!! ~係呀!! 唔知點解出親街都會特別order 多啲野食..哈哈!你都係咁呀!! 你咪每次出街食飯,都會帶個肚皮返屋企囉! 哈哈!! 我而家個肚都肚凸凸, 都係食得太多之過, 但食個陣時,好開心,好滿足..所以,都唔理得咁多!! 哈哈!!
我都係食日本餐呀~~~祝你同brain日日都咁開心,咁甜蜜~~~
ReplyDelete[版主回覆02/20/2008 06:07:00]檬檬: 我都見到你食日本野!! 你仲做咗心型朱古力比張生,..而且張生又送花比你,你哋都好sweet!! 我都祝你同張生日日開心快樂!
Vicky, 8年真係唔易架!真心祝你地白頭到老! 你講呢間日本既貴唔貴呀?d野食好嗎? 我前排一行四人去食all u can eat,因為o個間野岩岩轉左手(但其實只係老婆轉俾老公),所以諗住去食下,好似話多左少少野食!我地叫任食壽司啦,點知件件壽司飯都大過件魚生,好似想同件魚生鬥大咁,平日我地可以食3-4 round,但o個日就只可以食1round半,真係好離普呀,真係唔識做生意! 係呀!我有睇到你既見意呀,買楓糖醬真係一個好好既提議,我會叫媽咪買多幾樽返香港沖黎飲架啦!我其實都未報團架,希望可以睇多少少info,搵到個可以睇多少少景點既團啦!anyway,thx for ur info!
ReplyDelete[版主回覆02/20/2008 06:30:00]陶陶夫人: ~我依餐二人日本野好似食咗$80 cdn ...我覺幾好食架!! 我比較喜歡日本人整壽司啲店鋪, 而且喜歡逐樣點黎食!! ~我依邊都有all you can eat 日本野!! 我都去過,味道都ok!! 但all you can eat 啲日本食店,多數都係中國人經營..壽司都係中國人整, 感覺有啲唔係好japanese style..哈哈!! 但好在, 可以食幾多壽司都得, 但每次都一定留咗單..等好耐先到!!而且限時間..所以,要成日"摧" 有啲唔方便!! ~你食量都幾大,可以同先生食4-5round 壽司都ok架!! 真係睇你個樣都唔似可以食咁多!! 乜你今次食果間壽司店, 飯大過魚生,食飯都已經夠飽喇!! 個食店boss 跟本就係想用壽司飯令到啲顧客飽喇!! 咪可以減魚生成本,啲顧客又可以order 少啲囉!! 依間壽司店老闆有啲唔老實...下次,去第二間喇! ~你慢慢睇toronto 旅遊啲野,睇到啱先報團喇!! 我自己係加拿大住,咩都好似係自己身邊,真係無咩點留意,加拿大有咩特別出名,有咩係加拿大特別嘅手信!! 我都諗咗一倫先問答你,希望我啲info 係有用喇!! 你唔洗咁客氣,多謝我,...都係舉手之勞..
你似乎比我個仔仲更加鍾意食日本嘢呀．．．．．其實我個仔都好想order多d，但我呢個弧寒媽咪就叫佢唔好叫太貴，同太多碟呀．．．．．．寧願再同佢去食糖水仲好，因為我鍾意食嘛．．．．．
ReplyDelete你地又幾特別喎，情人節揀咗食日本嘢，唔食西餐，我都估唔到添．．．．你地有冇送禮物呀？
哈哈．．．如果８年前你冇去嗰個gathering，你就真係走寶喇，你睇吓Brian對你幾好呀．．．．．．
你情人節見到心心都想買嘢俾我，真係好多謝你呀！不過，你真係唔好買呀，我都係貪得意買一個蠟燭座返嚟玩吓咋，有時見到你地好有情調咁，咪學吓你地囉．．．．你講得啱呀，我有小朋友真係好少用到，之前你話個暖水袋都講得啱架，我成日周圍騰，真係好少坐定定用到暖袋，所以咪唔買俾自己囉．．．．．．
你真係好了解我呀！
[版主回覆02/20/2008 07:12:00]爆炸魔女: ~我諗我比你仔仔更加喜歡食壽司!!哈哈!! 但我覺你喜歡食甜品多啲..所以,要你仔仔留肚陪你食甜品!!哈哈!! 我很喜歡食chinese 甜品架!! 例如溜鏈pancake....湯丸,楊支金露,芋香西米露,仲有潮州人食嘅清心丸and 水晶包...通通都好好味架!! 上次,見你話同先生拍拖都去食糖水,...真係份外sweet!!Brian馬馬哋仲意食糖水架!! 所以,我好少整架!! ~本來都想去食西餐架!! 但我哋遲咗book位,所以,fully book 咗, 要等到成九點先有檯,本來都ok..但情人節之後果日Brian要天都未光起身渣車返training course...所以,唔想太夜食飯...打了幾間西餐店,都話要遲啲先有位,而且有啲西餐店只係得set menu,得幾樣食品選擇!! 有啲唔化算...所以,就諗住食日本野。。本來去第二間更加有特色日本食店..但又fully book..所以,再去返團年飯個間日本食店食囉!! 我都ok..唔mind 食咩架!! 哈哈!! 我以前都試過同Brian食chinese 野慶祝情人節架!! 哈哈! ~我係gathering 識Brian 架!! 我都唔知點解會被編排坐係Brian隔離!! 其實,依餐飯局,我個個人都識,係謂獨唔識Brian...個陣時都諗唔到會係依個gathering識到Brian,哈哈!! 飯局啲朋友知我哋拍拖都有啲驚訝架!! ( 因為飯局目的唔係為我識男朋友而切囉!...哈哈!!) ~話比你知,其實, 我係屋企點蠟燭,唔係因為..為咗有情調架!! 我係想攞啲蠟燭氣味黎"pick" 咗我煮飯時啲油煙味!! 因為我住緊依間屋,廚房係無窗架!! 所以,煮親咩都會有好大陣味留係屋企,所以,開行抽氣扇, 點蠟燭, 放杯白醋係爐頭傍邊, 用空氣清新機,咩都做齊先得!! 哈哈!!
好似好好味咁呀
ReplyDelete[版主回覆02/20/2008 10:41:00]通少: 好好味架!! 我好仲意食壽司架!! 哈哈!