依個周末係長周末假期...其中一個重型節目,係同Brian 去睇車展---Auto show!! 車展有好多唔同品牌嘅新車集合一齊作出展覽. 其實,車展年年都有舉行, 但我都無去, 以前讀書時,很喜歡同Brian去...但自從出黎做野...就已經無去過喇!! 今年好想睇某幾款新車,所以, 就去和Brian 去了Auto show...唔洗逐間車行去!!
食完lunch ...返係屋企坐陣,...就坐地鐵
去auto show 喇! 今年auto show 比我想像中無咁多人!! 但有啲名廠車...如果要上車坐下,睇下....都要排隊架!! 但都係排一陣就ok.....去到auto show...當然係影相喇!! 咩都影一餐!!影咗成百幾張相...真係誇張...哈哈!! 我都唔好講咁多...睇相仲實制...由於有太多相..所以,我分開幾個BLOG.... post 出黎!
白色架WRX好靚仔呀~~~
ReplyDelete[版主回覆02/21/2008 06:44:00]檬檬: ~我男朋友都渣subaru 架!! 但他買subaru果陣時, 加拿大仲未黎WRX... 但我都好喜歡Brian 渣subaru 出街架!! ~唔好以為加拿大外國地方有好多車選擇,其實,有陣時啲車,因為pass 唔到加拿大safety 條例,所以,啲車引擎唔會好似香港咁快, 有啲車直情唔黎得加拿大添!!
嘩,你真係影左好多相呀,但架架車都咁正, 唔影就真係對唔住自己! 我都鍾意Lexus既車,款靚之餘又實制,但就貴dd, 我以前o個ex都有一架,o個陣得20歲,佢又係20歲, 當時係香港買都貴架(依家都係貴),所以都覺得坐佢車幾威架! Toyta架多用車好得喎,真係學你話齋,有張檯仔打四圈都仲得, 去長途好岩呀!但後面o個兩個人乜要坐倒頭車囉?
ReplyDelete[版主回覆02/21/2008 07:12:00]陶陶夫人: ~我初頭入auto show 場館都無咩點影相, 因為周圍都係車,真係眼花料亂!! 哈哈!! 但一開始影第一張相之後就,..係咁影,停唔到, 而且好多人都舉起相機係咁影,我都忍唔住影.....其實,我post 出黎啲相都係一部分相, 由於影得太多...都係post 其中一部分出黎...我無學過影相架!! 所以,唔係好識點樣步足物件神水...哈哈! 唔檬查查就算!! 但我多得有數碼相機嘅發明,令我可以成日影相...唔靚可以再影過!! 哈哈!! ~都幾多人喜歡Leuxs 喎!! 我身邊啲朋友都喜歡Leuxs 架!! Leuxs 啲車內外設計啲好特別...但我都覺Leuxs 係貴啲啲!! ...你以前個ex 都幾捨得買車...仲20歲就有靚靚車渣..你果陣時同ex 出街咪好威..真令人羨慕..哈哈!!.因為係香港黎講, Leuxs 都幾貴架!! ~你而家個先生, 好彩唔識中文...如果你先生識睇中文, 見到你話ex ..坐leuxs 覺威, 。。你先生知道一定有啲angry!! ~Toyota..架車,啲seat 可以轉動架!! 所以,可以四個人面對面坐..玩脾牌, and 麻雀,傾計都方便啲!! 坐倒頭車都唔緊要,坐長途車都可以一齊玩無咁悶!!
我以前都成日去auto show，記得讀書時每次都撞o岩係reading week，所以一定去，加埋以前男友都係鐘意車(我諗無乜邊個男仔唔鐘意)。
ReplyDelete你地影左好多相呀!唔見你仔仔TT既，會唔會係之後個d呢？
[版主回覆02/22/2008 06:47:00]Mui: ~我以前讀書時,放reading week 都有auto show 架!! 所以, 都會特鄧走去睇!! 但出咗黎做野,反而少咗去喇!! 哈! ~其實,係男仔都喜歡車,但我以前有個ex 就唔係好喜歡car,好實制要實用!! 哈哈!! ~TT仔仔係第二頁呀!! 因為yahoo blog 唔比我係一篇文章post太多相, 所以, 我分開三個blog 黎post...你計續睇就見到我個仔仔架喇!!! 哈哈!!
嘩 ~ ~ 你似去玩車同影相, 多過睇 show 囉 !! 哈哈
ReplyDelete[版主回覆02/22/2008 06:54:00]New beauty sandy: ~我初頭入auto show 都無咩點影相架!!但影影下就好似上癮咁, 周圍影,其實,auto show 場館好多人攞住長鏡頭影相架!! 好專業!! ~我今次去auto show 都係想睇下幾個牌子嘅新款車, 所以, 先去auto show 睇,費事逐間車行去,...咁樣浪費時間架!! Auto show 可以一次過睇,好方便!!
Vicky, car exbition ar......it is nice to checking around even have no money to buy a car~hehe
ReplyDelete[版主回覆02/22/2008 07:28:00]MaGGie: 哈哈!! 你講得啱呀!! 有啲車真係我一生人都唔會買!! 去auto show 可以掂下,模下,有啲都可以坐下,都好吖!! 但今年真係出咗好多新車呀!! 我都係有啲興趣某幾個牌子新車,所以,想去車展睇下!!
你地加拿大嘅車展真係有好多品牌嘅車，又放得整齊，地方又寬敞．．．．係咪全部都係新車嚟架？
ReplyDelete而家油價不斷上漲，養一部車都唔係咁易，仲要香港買車又貴．．．．．唔同係外國，一定要揸車先得呀！
你嗰日有冇睇仲車呀？你真係好尊重Brian，大家都會投其所好，太好喇．．．．．．我自己就冇咩興趣睇車展，但都會陪老公睇嘅！
[版主回覆02/22/2008 14:23:00]爆炸魔女: ~依個車展啲車,全部都係新車黎架!! 有啲車,新到..連市面上都未有得賣住架!! 有啲車,係會遲啲先係市面上發行,所以,想先賭為快,去依個車展就最好! 我其實,對車都唔係好大興趣, 只係因為係加拿大, 交通有啲不便, 生活上, 用車係有必切性...所以, 我先留意多啲車, 如果我係香港, 都未必留意咁多架!! 而我今年好想睇某幾隻新款車,所以,先去車展!! 如果逐間車行去,仲晒時間喇!! 一次過係車展睇晒, 仲方便! ~今年車展啲場館分得好唔集中, 今次, 車展總共有三個場館, 但每一個場館都分隔好遠, 行都行到腳攰! ~你都講得啱!! 依家啲車油真係好貴, 有時貴到,入油都會肉赤架!! 但無計,係加拿大無車,實在太唔方便, 點都要渣車先得!! 如果,加拿大交通方便啲,就好喇!! ~我見你都有陪你先生去睇電單車展呀!! 我都見你同先生去電單車展行得好開心呀!! 有時,兩個人生活,真係未必大家都會有相同興趣架!! 當然,要你"就"下佢,佢"就"下你....但我覺依啲都係一種情趣黎架!! ...不過,依啲相處之道,你應該熟過我啦!!哈哈!! ~今次去車展都係我同Brian 提議先,...今次睇車展...Brian都係"就"我架!!