March 1 (saturday)
今日,一起身,天氣好好,仲有太陽
, 雖然, 氣溫仲凍, 但感覺上好開心!! Brian 一早都同我講, 話要去一間特別食店試...依間食店, 係雜誌
介紹過, 仲被人投咗係best chinese 食店, 依間食店係唐人開嘅, 叫"麗陶軒" 專係飲茶
食點心
and 食chinese 野架!! 總之, 係廣東菜囉!! (Blog 友,Mui都去過) 我同Brian 跟本上,好少兩個人去飲茶架!! 因為兩個人實在太難叫點心喇!! 叫一兩個點心就好夠!! 但我哋好想試下依間食店,有幾好食, 係咪雜誌講到咁好!!
一入到間食店, 裝修好好, 好舒服, 講真,啲侍應真係招呼周到!! 幫你倒埋茶!! 啲餐具好清潔...啲茶仲好好飲, 啲點心,...比較特別, 鮑魚批,鴨肝餃, 鮑魚扎, 燻肉蝦卷
, 黑松露菌批, 仲要係每件order..., 連甜品, 蛋撻都係蛋白蛋撻
!!! 但都有啲大路嘅蝦餃,燒賣!! 上檯嘅presentation 當然好別緻喇!! 因為啲點心, 做到成隻鴨公仔咁 ....而依間食店,啲茶真係非常好飲, 啲醬芥, 唔係一般chinese restaurant 個啲紅, 黃醬芥
, 依間食店啲醬芥係 xo 醬
, and 一粒粒嘅辣椒
豉油!! 真係好細心! 依餐茶,都飲得幾貴架!!但我就物有所值囉!!! 因為都幾好享受!! 哈! 但Brian 就話依間食店比較畫蛇添足!! Brian 話咩都加啲鮑魚, and 黑松露菌....咩都名貴晒喇!! Brian 埋單比錢緊係咁樣講喇!! 哈哈!! 但Brian 都好好!!! 話下次會請我屋企人黎依間畫蛇添足restaurant 食!! (Brian 由其事想請我 嘅四妹and 五妹黎依間食店試, 因為依間食店可以比她們知道 chinese food 都可以好好presentation ....四妹and 五妹比較洋化, 唔係好想食chinese food架!!)
你哋睇下, 依間restaurant 啲杯杯蝶蝶幾整潔....點心啲presentation 都幾靚架!! 前面個兩個咪鮑魚批囉!!! 我而家同依間chinese restauranat 改咗名,叫"畫蛇添足" restaurant...我覺依間restaurant 啲野幾好食架!! 啲醬芥仲係 xo 醬, 但Brian 咩點心加啲鮑魚, 黑松露菌, 真係有啲畫蛇點足!! 哈哈!! 我唔理, 我下次, 會再黎依間restaurant 架!!0
食完好好嘅lunch....就去咗食gelato
做甜品, 由於依間畫蛇添足restaurant 係gelato 店, 斜對面, 當然唔放過機會喇!! 我對眼見雪糕
就發狂架喇!! 哈哈!! 又食食食!!! 唔知係咪天氣凍, 間gelato 店裡面得我同Brian and gelato 哥哥咋!!! 今次, 去gelato 店食gelato (雪糕), 個gelato 哥哥得閒到, 擦咗門口個雪糕裝飾物入店裡抹...我未乘機問gelato 哥哥攞個雪糕裝飾物黎影相
囉!! 好開心gelato 哥哥比我攞住個雪糕裝飾物影相呀!!!! 我都未試過抱住杯咁大杯嘅雪糕裝飾物架!! 哈哈!!
食gelato again.....我好貪心,因為我揀咗四隻味
黎食!! 哈哈!! 另外張相,係我抱住個雪糕裝飾物黎影相....你哋睇我笑得幾開心!!0
係喎~~~有時見人都話食乜乜鮑魚酥, 燕窩蛋撻, 好名貴咁, 不過, 平日梗係食普通款啦~~~雖然貴, 但你哋afford得到又想食既就無所謂啦, 但我唔會食得咁貴架~~~
ReplyDelete原來4妹同5妹都唔多食中國嘢架, 雖然佢哋個樣係中國人, 但睇嚟你哋要叫佢哋食多d中國嘢, 要有d"我是中國人"feel, 仲要為中國人而驕傲架~~~
呢個雪糕牌都幾靚喎~~~顏色鮮艷得嚟又反光, 幾吸引~~~
[版主回覆03/08/2008 04:53:00]細細粒: ~我都係睇雜誌先知有依間chinese restaurant. 雜誌講到好好食架! 未走去試下囉!! 真係幾好食, 我特別喜歡啲茶, 茶味好香呀!! 但依間chinese restaurant 真係貴咗少少, 但一餐半餐就ok 喇!! 時時去食,緊係唔得喇!! 哈哈!! ~四妹and 五妹好細個就移民喇!! 接觸依邊啲文化多, 以前四,五妹同外國人玩多啲, 所以, 比較洋化!! 但她們都有隔一,兩年就返香港,(仲返得"默" 過我!!) 所以, 都知香港啲野...外表都有中國人feel 嘅, 哈哈!! 但如果媽咪唔煮飯, 要出街食, 啲妹會選擇食西餐多啲囉!! 哈哈!! ~間gelato 店, 抹雪糕牌, 我見gelato 哥哥抹完,就問佢可唔可以攞住黎影幅相囉!! 我影完相,個gelato 哥哥都掛返上門口邊喇!! 我好lucky, 可以同雪糕牌影相!! 因為我好喜歡食雪糕架!! 哈哈!!
點心簡直係廣東茶的驕傲呀!~....
ReplyDelete[版主回覆03/08/2008 04:55:00]小威威: 我都好喜歡食點心架!! 因為每一件都細細件, 好得意!! 而且可以食好多唔同款!!
呢幾日Brian好中國feel喎，唔食西餐喇！
ReplyDeleted點心真係好特別，我自己喺香港都未試過特色嘅點心．．．．其實我好少飲茶就真，我覺得有些似你四妹同五妹，我都鍾意食爽口嘅菜架．．．．．咁我係咪屬於西化呢？
你真係好嘢，咁凍都鍾意雪糕，都好少見喇．．．．個雪糕裝飾好得意呀，係咪燈嚟架？
[版主回覆03/08/2008 05:20:00]爆炸魔女 ~你比Brian 外表呃咗喇!! 他好chinese 架!! 他一返屋企開電視就調去中文台睇, 食野他都好喜歡chinese 野架!! 哈哈!! 成日都話想去茶餐廳, 好好笑架!! ~我頭先去你blog 個樹,我見到你去太古城之前都一家三口去飲茶, 你比我感染咗呀!! 去茶樓飲茶.....哈哈!! 有時飲下茶,嘆點心,都幾開心架!! 不過飲茶要多啲人去先好玩, 因為可以order 多啲野食囉!! ~哈哈!! 你都好西化呀!! 但你應該喜歡食煮熟咗嘅爽口菜, 我啲妹比較喜歡食唔熟嘅爽口菜, 以前我見過啲妹,係雪櫃攞啲紅蘿蔔, 洗乾淨, 就攞黎食架喇!! 我就唔得,但她們食得好開心架!! ~係呀!! 個雪糕裝飾係燈黎架!! 係掛係雪糕店門口邊架!! 平時依支雪糕燈掛好高架!! 但個日我去到,個gelato 哥哥擦咗落黎, 揾條布係咁抹, 我見個gelato 哥哥抹完, 就膽粗粗去問佢,可唔可以抱住支雪糕燈影相囉! 個gelato哥哥又比我攞黎玩, 我玩完, 他就掛返上雪糕店門口喇!! 哈哈!! 可以影到依張雪糕相, 因為我好喜歡食雪糕囉!! 雖然係同假雪糕影,但都好興份!! ~我食雪糕嘅地方有暖氣架!! 所以,冬天食雪糕都唔係好凍!! 哈哈!!
我喺香港都未食過咁精緻既點心呀~~~
ReplyDelete[版主回覆03/08/2008 05:23:00]檬檬: 都估唔到外國啲點心,會精緻過香港!! 哈哈! 但依啲點心,真係間唔中食就得!! 時時食,我諗我要揾返份part-time先得喇!! 哈哈!!
我地上次去都無叫個鮑魚批，好唔好食呀？個度既點心真係幾特別，貴就貴左dd，不過我都覺得係值既，我都想同媽咪爹地去。
ReplyDelete[版主回覆03/08/2008 05:34:00]Mui: ~你知唔知呀!! 係我上次見到你同三姑奶去依間, 我之後,都好想去依間chinese restaurant 食架喇!! 上星期得閒啲, 就去試下!!........個鮑魚批,其實,係個肉批上面加咗片鮑魚片, 就係鮑魚批, 味道都ok!! 但好特別!! ~依間點心,真係非常特別,睇得出啲廚師係好用心做點心囉!! 所以,價錢就貴咗少少!! 但啲野食, 真係好精緻, 學你話齋貴少少都值!!! 如果要請人客去飲茶,去依間chinese restaurant 至好不過!! ~你都帶你parents 去食吖!! 他們一定會喜歡,...我遲啲都想帶我parents 去食依間架!!!!