November 22,2011 (Tuesday)
勁開心, 依排我住所附近, 終於唔洗再有修路工程. 工程做足3年. 終於完工. (希望係真正"完工") 現在, 條街正常返. 而且成條街擺滿聖誕燈. 靚!!
講返正題, 依排, 除咗無了修路工程, 還越來越多超級市場開鑼. 近來, 仲間間都鬥平. 每間超級市場每日總有一樣貨品係有特惠價. 逢星期二超級市場, 就有壽司減價. 嘩!! 開正我個範啦! 我當然去幫襯.
但啲Sushi 真係好一般!! 只是解到我啲啲「壽司相思症」. 好多野,真係一分錢, 一分貨.
↓街道上的燈飾和廚窗.
↓全條街, 兩旁街道, 都係依啲燈, 我唔識點影全條街面貌. 但以往係無聖誕裝飾架! 今年有, 所以覺特別和驚喜
↓就係為了依盒特價壽司去超級市場行咗一個圈, 當時還手痕買埋雞, 因Brian 要食豉油雞
*依日, 放工時份, 地鐵信號又有問題, 無地鐵坐, (依啲問題成日有, 坐地鐵啲人已經知道點做---上地面等接駁Bus) 而Brian和我就選擇坐Taxi, 原來由公司坐的士返住所附近. 啲的士錢,係同兩個人坐地鐵嘅費用係一樣! 證明坐地鐵, 真係好貴. 遲啲地鐵又話加價. 咁我同Brian係咪應該轉坐的士呢!!
地鐵咁貴....唔值喎!!!加拿大d 地鐵乾唔乾淨ga?? 我見blog友仔話美國d地鐵好dirty....以前o係悉尼又係dirty & 比較雜....
ReplyDelete[版主回覆12/02/2011 05:29:18]菲on
加拿大地鐵都90年歷史. 你試想下90年啦, 係某幾個大型地鐵站有少少翻新咋! 其實, 咁歷史悠久嘅地鐵, 都好難話光鮮得去邊啦!! 但係地鐵內, 少見垃圾, 同埋無圖鴉, 又無味, 算係咁啦!! 美國個啲地鐵﹐我都坐過, 我係我美國係遊客, 坐美國地鐵真係會驚架!! 我都去過英國啲地鐵, 都係好歷史悠久囉!!.....都係果句, 都係香港好,
又方便.
連街路都有燈飾，好有節日氣氛丫
ReplyDelete[版主回覆12/02/2011 05:29:19]Oli:
以前街路無燈飾架!! 係今年唔知咩事, 商場和街道都好大驚喜......
Wasabi 真係好值得試試，好多嘢食，sashimi I又大大塊。
ReplyDelete[版主回覆12/02/2011 05:29:20]Angela:
我去Wasabi ,要渣好耐車先到架!! 而且, 我住所去Wasabi個度例必超級塞車, 無咩必要我都唔會去架啦!!! Wasabi我以前都食過一次, 任食黎講, 都算唔差. 你下次黎再encore, 再食Wasabi 啦!!
咁有節日氣氛，真開心，呢邊都好似同之前差唔多，悶！
ReplyDelete[版主回覆12/02/2011 05:29:22]Mrs. Wu:
我依邊都係今年先有啲街道燈飾睇下,以前都係得啲商店廚窗裝飾下咋!!! 而且, 年年都一樣!! 等了好多年,今年終有點變化咋!!! 外國真係唔係度度商場或者街道會捨得投資大量金錢佈置架!! 真係掛住香港啲聖誕燈飾!!!
呢邊商場佈置年年都咁上下 反而好多民居嘅燈飾佈置 更加有特色同心思呀 ^^
ReplyDelete[版主回覆12/02/2011 05:29:24]Jo姐姐,
我都覺商場啲佈置,年年都咁上下, 我懷疑有啲聖誕裝飾, 係年年都一樣. 今年擺放完, 下年再擺放過. ....我依邊都係今年先有啲特別少少嘅裝飾擺放下咋!!.......我都覺啲民居嘅燈飾, 有心思好多!!