November 13,2011 (Sunday)
乾燥嘅冬天又來臨, 面霜也塗多了. 哈哈~~ 除了外攻, 還要內攻---煲湯.
在星期日, 自己時間比較多, 便煲下湯飲. 煲了一大窩「節瓜眉豆花生豬展湯」 . 真係落足料去煲. 所以, 啖湯好甜. 身體飲多了水份, 都感覺舒服了很多.
因此, 現在一經開中式超級市場, 有理無理都會入一些煲湯料. 作準備! 想飲都便可以即刻煲黎飲.
↓好喜歡見到煲湯變色. 由初初的清水, 變到深色
-----------------------------------------------------------------------------------
而朝早, 就整咗個豐富brunch食, 由於, 去多了西式超級市場, 買買埋埋好多唔同類嘅火腿. 所以, 便來個火腿麵包早餐, 再加碗牛奶麥皮. 好滿足!!
↓意大利火腿---好好味!! 用黎夾麵包, Yummy!! 還用了自己歡愛的Hello kitty蝶伴食.哈哈~
-------------------------------------------------------------------------------------
星期日, 還被call了出外做兼職. 每年這個時候都特別多call. 可能接近聖誕節, 啲人會比較捨得洗錢. 因而, 我都忙碌了許多!! 幸好, 兼職地方不是太遙遠. 坐地鐵+步行便到達. 好方便!!!
完成兼職後, 剛巧地鐵站的星星咖啡派免費sample size 咖啡飲. 好開心.....
↓聖誕咖啡
妳份open sandwich好矜貴丫，用了意大利火腿做材料:p
ReplyDelete[Oli回覆11/20/2011 19:04:52]我就一般啦，不過我老公就好鐘意食
[版主回覆11/20/2011 15:23:16]Oli, d意大利火腿唔係太貴，而且有d辣辣哋，幾野味架！係咪想食？哈哈！你鐘意食意大利ham架？
Haha！「除了外攻, 還要內攻」你講得好啱呀！仲有見到微笑Hello Kitty，加豐富嘅homemade brunch，好滿足！^^
ReplyDelete[版主回覆11/20/2011 15:27:51]ccKitty,要錫自己多d嗎！有得潤下就盡量潤一下！...........用hello kitty廚具真係好開心架！所以用黎伴食會更開心！所以見到你post d hello kitty廚具我都好興份架！
豬骨節瓜湯？好味呀。你d Hello Kitty 餐具都係一雙一對，我整係自己用咋，Dondon唔肯用。
ReplyDelete[版主回覆11/20/2011 15:41:45]Angela,豬骨+節瓜材料簡單，購買方便，你得閒都煲黎同don don一齊飲！..........我出黎住後，注重咗廚具，hello kitty餐具當然係最愛，初頭，Brian都覺d hello kitty好細路，但我堅持用，我用咗後又開心，他都開始接受。而且，有時肚餓用咩器皿裝，他都會食.哈！......但加拿大無咩hello kitty廚具，有就好啦！哈
個湯好多料，一定好潤！
ReplyDelete[版主回覆11/24/2011 11:04:35]Happy Girl,現在天氣乾燥，所以落足料煲湯，潤一潤。
早餐很豐富啊 ! 吃飽飽心情都靚人啲 .
ReplyDelete[版主回覆11/24/2011 11:07:29]ak, 週末在家，時間比較多，所以可以花多點時間整早餐食，而且，平時早餐以簡單+方便為主。難得有時間就整個豐富早餐慢慢嘆！
我好耐冇整自家嘢同煲湯喇!!kekekeke
ReplyDelete[版主回覆11/24/2011 11:09:59]開心幸福PooH, 現在，你係屋企住，你媽媽一定幫你準備，點需要自己煮+煲湯！hehe
意大利火腿即係咩？好似好好味.....
ReplyDelete我都要煲多D湯，呢個可以係今個星期既湯，嘻嘻
[版主回覆11/24/2011 12:29:02]Mrs.Wu, d 意大利火腿係Brian 自己自行買架！d火腿叫做salami ham,咸咸哋，有d就辣，幾野味，夾包食幾夾.?..............係呀！你要飲多d湯呀！潤d架！週末時間充裕d就煲下黎飲......我依個湯d材料好簡單，煲湯又好飲，飲多d. Jo 姐話落雞腳都正架！
Really love this soup!!! Yet we only have to time to make soup once a week!!!
ReplyDelete[版主回覆11/24/2011 12:31:58]Smac, 你有有係週末煲下湯飲下？依個湯d材料好容易買到，所以我間唔中都會煲，但就要等週末，多少少時間先煲到.因煲湯至少兩個幾鐘先入味，平時，邊有咁多時間吖！
我至鍾意飲湯呀 有無煲過花生眉豆節瓜雞腳湯 都好正架 ^^
ReplyDelete[版主回覆11/30/2011 07:16:29]Jo姐姐:
我煲湯, 通常都用豬骨/肉煲多, 雞我都有買, 但我係西人超級市場買雞, 通常啲全雞係無頸和雞腳的. 但我都會有啲雞骨位, 放係湯裡面. 我都係煲湯初哥. 有時, 都會問下香港嘅媽咪點煲囉! 哈哈~~行中式超級市場或中式商場, 我會留意下.....有無蠔豉. 會好味啲架!!! 多謝你話我知.
[Jo 姐姐回覆11/25/2011 08:57:58]咁妳會買全雞嘛 我會將雞頸同雞腳儲起留番嚟煲湯架 ~~ 但都要加啲豬骨/肉 或者幾隻蠔豉一齊煲 會仲好味啲呀 :P
[版主回覆11/24/2011 12:34:58]Jo姐姐，我而家都鐘意飲湯，以前唔鐘意架！哈.............我係超級市場又唔係好覺有雞腳，如見到有得賣，都會試下買黎煲下，多謝你嘅suggestion!
我又想煲你呢個湯呀...好味道....等我搵下豬展英文係乜...去買先!!!
ReplyDelete[版主回覆11/24/2011 12:38:27]菲on, 煲多d湯，我覺飲多d湯,真係對身體有幫助架！......其實，我依邊d肉，都係包到一pack pack咁賣，好少見到豬肉佬，哈哈！......但豬展英文好似係pork shank
見到你至愛的kitty碟, 零舍開心啦! 飲多d湯水, 真係皮膚都靚d. 有咩兼職會係聖誕特別多call? 你真勤力, 做正職&兼職, 又讀書.
ReplyDelete[版主回覆11/25/2011 08:24:13]靚芒:
無錯, 用Hello kitty 蝶食野, 會額外開心架!! ...........飲多湯水真係好啲, 以前唔覺架!! 但飲完真係好舒服. 所以, 一到周末, 有時間就會煲黎飲........我兼職, 係做零售架!! 因此, 聖誕會特別忙碌囉!!..... 其實, 我只係得正職+兼職. 我無讀書啦!! 以前都有讀下啲課程. 現在, 無啦!!!