November 26,2011 (Saturday)
一朝早, 選擇坐地鐵返兼職, 攪啲濕星野!! ......雖然, 渣車方便啲. 但好怕塞車, 我隔離果個, 一塞車就會好抆. 而且, 加拿大道路實在太長, 都係坐公共交通工具,便算!! 起碼, 坐車中途都可以合下眼瞓. 渣車點可以咁呀! 不過,唔好講少, 現在連周末一早, 坐地鐵都超多人!!
初頭, 諗住濕星野!! 好快攪掂,但唔覺唔覺, 都成2pm 先攪好!!! 之後, 即刻走去食個台式lunch!!! 因我好掛住杯蜂蜜綠茶呀...............
還掂出開街, 就行埋啲Brian至喜愛的電器鋪+行埋Mall, 順道望下有咩聖誕禮物適合送比人. 最後, 都好好收獲, 都解決了幾份聖誕禮物. (Yeah, 可以煩少樣野!!)
由朝用腳行到晚, 仲要在商場人群內左迫右迫, 返到屋企, 超級攰! 好簡單煮個即食麵, 之後, 就已經唔想再 郁
好慶幸自己,曾在香港生活!! 因為現在, 我依邊唔知咩事, 越來越多人, 坐車壓到像罐頭魚咁. 好擠迫!! 在街上途人身軀擦來擦去. 街道上啲車多到不得了. 過馬路都要行快啲先得. 依啲節拍, 我自自然然便融入了. 都無話唔慣. 反而, 越來越喜歡依啲節拍!! 唔通我係香港大, 對依啲節拍, 完全無complain, 完全適應晒!!
↓在商場對出, 過條馬路咋!! 多人到吖!....... 原來在周末, 商場外圍有旋轉木馬, 但只提供給小朋友乘坐...
↓商場外圍的聖誕裝飾, 年年都一樣的裝飾. 好似十年如一的裝飾!! 哈哈~~
↓街頭有Christmas spongebob卡通人物同小朋友影相......仲有商場內天花的星星裝飾
----------------------------------------------------------------------------------
依日夜晚, 政府大樓對出, 有煙花放和聖誕亮燈儀式. 年年十一月尾都有依個活動, 我睇咗幾年, 啲煙花+聖誕裝飾, 又係年年一樣啦!! 所以, 睇咗幾年, 之後都無再去睇啦!! 今年, 行完街, 沿途回家時, 就一邊望住煙花, 一邊返屋企!!
↓政府大樓放煙花和聖誕亮燈. (我攝影技術當然無咁好, 我係啲網頁copy落黎!! )
↓而政府大樓前面個空地, 係冬天就會化身成為室外溜冰場!! 夏天係變身噴水池及休戲花園
------------------------------------------------------------------------------
我的午餐, 唔知點解, 一有一段時間無飲依間台式飲品就掛住.....剛巧今日路經, 當然要食+飲!!
↓時時掛住的台式午餐+飲品
台式食品我都鍾意呀 至愛鹽酥雞 九層塔鴨舌 麻油腰花 蛤蜊蒸蛋 薑母鴨湯 諗起都流口水呢 :P
ReplyDelete好熱鬧呀！
ReplyDelete[版主回覆12/08/2011 06:57:33]Fion:
係呀!! 臨近聖誕陪加熱鬧
哈哈 , 適應到香港的擠迫生活 , 真是去邊都冇問題喇 ! 台式臘腸我最喜愛 , 我嫌港式臘腸比較硬 .
ReplyDelete[版主回覆12/08/2011 06:57:35]ak:
你講得好啱, 香港啲擠迫一適應了, 真係去幾熱鬧嘅地方都ok!! 所以, 我反而怕寧靜. .......台灣食物, 味道濃一點, 所以, 我很喜歡.
TO is very crowded now ... Is it because of many immigrants?
ReplyDelete[版主回覆12/08/2011 06:57:41]Mrs. Tin Tin:
我也不大清楚係咪多咗移民. 但多倫多真係越來越多人, 什麼人種都有. 現在多人多到, 係付費停車場揾個車位都不容易.
喺呢度過聖誕好似注重同家人慶祝多啲，聖誕日街上冷清清，我鍾意香港嘅熱鬧氣氛多啲， 嘻，不過對我嚟講乜都係香港最好。等我今日去 Macys 影吓啲窗櫥相同你分享吓吖。
ReplyDelete[版主回覆12/08/2011 06:57:42]Angela
依度聖誕日係全天候假期, 咩店鋪都唔開, 真係想熱鬧都難. 我覺外國聖誕似中國人啲農曆新年多啲. 家家戶戶都係family gathering. 我哋係香港大, 先入為主, 感覺外國聖誕節, 真係和我腦海啲聖誕節係格格不入.我都好掛住係香港過聖誕節. .......我去過你個blog 度巡, 見到你post 咗Macy 啲相. 等我遲啲有時間去你度留返個言先!!!
我突然間諗起想問下妳，你同Brain大家溝通時，係講咩話架?
ReplyDelete[版主回覆12/08/2011 07:26:54]Oli, 你果邊好早，咁快覆到message....
[Oli回覆12/08/2011 07:03:03]冇丫，突然想起，8下囉:p
[版主回覆12/08/2011 06:57:47]Oli:
點解突然間咁問嘅!! 哈哈~~~ 我哋用廣東話溝通
Love the Christmas loving and cheereful spirit everywhere. I envy you to be able to get to all these places conveniently! >-<
ReplyDelete[版主回覆12/08/2011 06:57:50]Smac:
move to downtown 哈哈~~~ 其實, 加拿大有樣好, 想住屋, 想安靜點, 可以好多地方選擇. 想住得熱鬧嘅地方也可以. 可以選擇
Toronto is turning into a small HK/China....Why? Great food, clean city, good entertainments....I will immigrate there too if I could get a good job!
ReplyDelete[BigDaddy回覆12/09/2011 07:04:38]I am just telling the truth right from my heart! Comparing NYC, Boston etc with Toronto, Toronto is way ahead of them in Food, entertainments, and cleaniness!!! The Asian communities in Toronto are very good in keeping up with their traditional food, cultures!
[版主回覆12/08/2011 06:57:54]Big daddy
哈哈~~~ 你講到Toronto好像咩都好.......不過, 近10年多倫多的變化真係唔同晒. 真係越來越多人, 咩人種都有. 所以, 商鋪和食店越開越唔同種類.
加拿大的生活節奏越來越快.....
ReplyDelete[版主回覆12/08/2011 06:57:58]冬日:
其實, 係加拿大, 都係depend你居住邊一個地方, 有啲地方寧靜啲, 有啲地方就好熱鬧.
睇見都好忙喎，乜加拿大生活節奏咁busy?
ReplyDelete[版主回覆12/08/2011 06:57:59]靚芒:
其實, 加拿大地域都好廣, 都係depend你居住邊一區, 有啲地方可以好寧靜,有啲就好熱鬧. 不過,近十幾年, 加拿大轉變真係好大, 好多地方都熱鬧起來.
可能臨近聖誕節，特別多人出嚟shopping買禮物！我都鍾意食台式鹽酥雞和台式奶茶yummy！^^
ReplyDelete[版主回覆12/08/2011 06:58:03]ccKitty:
無錯, 現在有加上係聖誕節, 外國人真係好捨得買聖誕禮物送比人架!! 所以, 臨近聖誕節啲shopping mall 好多人買禮物架!! 街上更加熱鬧囉!....................我都係台式食物fans黎架!!! 如果我有段時間無食台灣食物, 會好想食架!! 好彩依邊都幾多台灣移民. 有啲台式食品都幾地度