Shopping

November 20,2011 (Sunday)


看完Christmas Parade, 聖誕情緒高漲, 平時, 星期天唔願出街的Brian 都提議去行Mall. 我當然, Go Go Go.

我們去完Christmas Parade, 即刻坐地鐵, 去Yorkdale Mall. 行,行,行. 

現在, 唔洗講, 每個商場都人頭湧湧, 而且,  近幾年各大商場都捨得花錢作裝修. 外內觀都新穎了. 更吸引顧客行多咗!!

原本,依日行Mall, 主要目的, 是購買聖誕禮物給人. 因往年收唔少, 所以,要禮尚往來. 點知,行行下, 買埋比自己. 但算數啦!! 買得開心!!!哈哈~~

不過, 唔知係咪臨近聖誕, 商場啲售貨員真的是很有野心, 見人入店鋪即時捉住, 可能想賺多點佣金吧!! 我見到有啲店員為了爭客,出了口. 令到啲顧客唔好意思!!!!


雖然, 啲售貨員好熱情, 但無損我行Mall 心情, 我哋行完Yorkdale Mall 再行埋Eaton Centre........真係行到啲Mall  "山" 門先返屋企. 不過, 好彩依日坐地鐵, 如果渣車, 又要揾車位 and pay 停車費, 仲要塞車. 邊去到咁多噠地方行吖!!  真係黎到外國, 先珍惜「交通工具」, 渣車其實真係好傷神架! 不過, 無辦法, 外國地勢太大了. 公共交通, 不能遍及各地.  所以, 我們點都要一架車徬身.  



↓Chirstmas Parade 完結之後, 即時沖去坐地鐵, 坐地鐵時, 都有很多人帶聖誕帽




↓Yorkdale Mall的聖誕裝飾.




↓之後, 去Eaton Centre 再行和聖誕鹿腳影相......今天,買了poster 上的藍色皮褸




↓還買了一個,我覺超靚的電話套. 一個電話套, 包裝得幾靚

↓我超鐘意依個電話套

  *依日, 行Yorkdale Mall, 遇到了一件特別事.   係Shopping 時, 見到一堆肯消費的五星人, 同售貨員雞同鴨講. 店員知我識英文, (因我問過店員問題) 店員就問我懂不懂, 出面班Lady的language 嗎? 我說懂得. 店員要求我做翻譯.................估不到自己能夠突然間做英語和國語的翻譯. 還很順暢. 因我很長時間沒有說一大遍國語啦!!  

    不過依件事上, 我要讚讚Brian, 他平時行mall 會很不耐煩. 今天我還要幫人翻譯, 當時環境有點嘈, 也有點費時, 他還要在人來人往的女裝部等候我, 也沒有面色. 他已經是一大進步了.