November 25,2011 (Friday)
知道星期六都要返兼職. 攪埋啲濕星野啦!! 星期五放工之後, 都不太想出外食飯了. 想留在家. 多點休息. 說到休息, 不代表, 走上床睡. 留在家, 大部分時間不是看電視. 便是上上網. 但在家的日子, 個心總是舒服和放鬆.
今日, 超大頭蝦, 明明早早在家, 諗來諗去都好像差點東西未做!! 原來, 我忘記了煲湯!!! 湯料早早準備好. 只欠放在煲裡, 這一個程序.
到Brian放工, 返到家, 說了一句: 「今日唔係有湯飲咩?」 我才醒覺.
不過, 證明了Brian也愛上飲湯, 平時, 飲湯是我作最大響應的一個. 現在, 他也會主動問我, 有無湯飲! 有湯飲的一天, 他吃頓飯時, 也會很雀躍. 哈哈~~~
今躺煲了「椰子雞湯」. 但只煲了兩個幾小時, 我知煲耐啲會好飲啲, 但都夜了!! 要開飯!!........所以, 做什麼事都一樣!! 要比多點耐性和心機. 先會好!!!
↓椰子雞湯 (放埋豬骨,紅棗 & 蜜棗) 煲湯飲了兩餐,第二日, 啲湯出味好多. yummy!
↓還煮了近期Brian 至愛的豉油雞煲....宵夜, 德國罐頭魚夾麵包, 依罐魚好味.
天氣凍, 飲熱湯最舒服!!!
ReplyDelete[版主回覆12/02/2011 05:23:35]Elanie:
係呀!! 天氣凍, 真係飲返碗熱湯, 舒服好多!! 你現在都需要飲多點湯, 你有無煲下黎飲呀??
Brian原來同我老公一樣喎，都咁鐘意飲湯
ReplyDelete[版主回覆12/02/2011 05:23:34]Oli:
我寫依篇blog先發覺,原來好多男士,係喜愛飲湯架!!!
我見到你同 Jo 姐姐都煲椰子湯，我又想炒橋。椰子係買邊種？有啡色毛圓咕碌嗰隻？
ReplyDelete[版主回覆12/08/2011 06:53:40]Mrs. Wu:
你咁講, 你的奶奶應待你不錯!!! 你想飲咩湯都會煲!! so nice
[Mrs. Wu回覆12/03/2011 00:26:16]嘩, 聽到都覺得辛苦, 我都係叫99煲好過.......
[版主回覆12/02/2011 10:09:14]Jo 姐姐，要用好多功用喎！飲棷子湯真係唔容易，但多謝你教導
[Jo 姐姐回覆12/02/2011 09:54:10]ANGELA / MRS WU 椰子頂端有三個窿 用螺絲批拮落去就可以將椰子水倒出嚟 再用錘仔扑開 用螺絲批撬起啲椰子肉 再切細塊就煲得架啦 ~~
[Angela回覆12/02/2011 05:51:53]嘩，咁高難度，收返，唔煲囉。
[版主回覆12/02/2011 05:23:15]Mrs. Wu:
我唔係太識斬野, 我連雞都係用交剪攪!!......我依個椰子係中式超級市場啲湯包. 係處理好嘅椰子+半隻雞, 一pack 咁賣架!! 我買咗pack 放係冰櫃, 要飲時就解凍, 煲黎飲. 想煲湯甜美啲, 就加埋豬骨+一兩粒蜜棗一同煲.
[版主回覆12/02/2011 05:22:43]Angela:
你開工整椰子雞湯?? 你煲椰子湯,一定有心機過我個煲!!斬椰子時, 小心啲呀!!
[版主回覆12/02/2011 05:22:26]Jo姐姐:
You are so nice!! 幫我解答埋!!其實,我係廚房初哥黎架!!!
[版主回覆12/02/2011 05:21:40]Angela:
係呀!! 椰子係中式超級市場買, 係有毛個隻!! 但我依邊啲中式超級市場, 有處理好嘅椰子和雞賣. "椰子+半邊雞"係湯包黎架!! 我一pack 買返屋企, 放係冰格, 有需要就解凍, 煲黎飲!! 如想煲湯甜啲, 就加埋啲蜜棗+豬骨一齊煲。 我自己唔識點處理椰子, 因為無力斬野!!.........但聽朋友講....處理椰子方法係, ------------先用刀在椰子頂端開一個小口，將其中的椰汁倒出，再從椰子中間劈開, 接著再削去椰子表面的碎渣，再片成小片, 即可!!!
[Mrs. Wu回覆12/02/2011 01:42:39]我都想飲， 不過買左之後咁點？點樣可以斬開去？？
[Angela回覆12/02/2011 01:23:42]唔該哂！ 今個禮拜搵吓先，不過要去毛都幾煩。
[Jo 姐姐回覆12/02/2011 01:14:02]我嚟搭訕 >>> ANGELA 椰子我呢邊老番超市有得賣 無錯 就係啡色有毛圓咕碌嗰隻呀 :P
哦 , 看到妳的椰子煲雞湯 , 我才記得自己很久没有煲過了 , 這味湯真好味呀 !
ReplyDelete[版主回覆12/02/2011 05:23:30]ak:
我都係煲湯初哥黎架!! 有時, 都會問下媽咪. 或者買啲湯包, 自己再加啲其他食材一齊煲淡湯飲下!!
天氣咁凍 返到屋企有碗熱湯飲 感覺好幸福呢 ^^
ReplyDelete[版主回覆12/02/2011 05:24:11]Jo姐姐:
無錯,由其是現在冬天, 好乾燥呀!! 屋企仲要長期開heat, 更加乾燥!!真係要飲多啲水份!!!
我老公都好中意飲， 不過好似好難......教教路，唔該！
ReplyDelete[版主回覆12/02/2011 05:25:09]Mrs. Wu:
我都係煲湯初哥黎架!! 我以前就會煲紅蘿蔔+粟米+豬骨/瘦肉湯 or 西洋菜豬骨湯多, 因為依幾樣材料係西人超級市場一定買到!!! .............其實,你經開中式超級市場, 睇下有無一包包嘅蜜棗或者無花果賣. 如果有就買啲係屋企, 依啲蜜棗/無花果放係雪櫃都放好耐都ok架!! 煲湯時, 落一,兩粒蜜棗, 煲湯甜美好多!!
I have that soup before, very good to the body!!
ReplyDelete[版主回覆12/02/2011 05:26:13]Big daddy:
咁你都應該好鐘意飲湯,right!?
嘩....好豐富....還有咁有睇頭的宵夜.....正
ReplyDelete[版主回覆12/08/2011 06:54:24]冬日Winter:
有宵夜習慣不是太好, 但有時忍不到!!! 哈哈~
個湯好好味...嘩,仲有宵夜食!?.. hehe~
ReplyDelete[版主回覆12/08/2011 06:54:25]空中少奶奶:
現在冬天, 有啖湯飲下, 真是不同啲.................有宵夜習慣不是太好, 但是忍不到嗎!! 宵夜的罐頭係好有紅酒味的罐頭魚. so yummy!!
How does the canned fillet taste? I never tried this!
ReplyDelete[版主回覆12/08/2011 06:54:27]Smac:
罐頭魚是混合紅酒做出來, 所以, 啖啖魚都有着紅酒味道, 我覺好好味!!
最愛椰子雞湯, 妳carribean lc 幾大?
ReplyDelete[版主回覆12/08/2011 06:54:30]AD:
椰子雞湯, 真係好清甜, 現在依啲乾燥天氣飲, 好舒服. ........個Carriben 煲係22 cm.