碎濕濕

November 19,2011 (Saturday)


這天啲時間很碎濕濕!! 早,午,晚都要工作, 但早,午,晚的工作地址都不同.  中途又因地域問題返唔到屋企.  空檔時間謂有在商場盪.

點解,我話係盪!!! ............因為我真是沒有心機行商場, 人多到不得了! 都唔知點解多倫多會越來越多人!! 而且, 我目的係想快啲令時間流走, 去第二個job.   個心完全唔係想行.

中午二時, 諗住去商場food court食個晏. 點知food court啲走廊, 通處都係人排晒隊買野食. 行都行唔到!  揾食都變得好吃力!.......在這時, 我付責揾臺, Brian付責買野食!! 我好不容易才找到張二人臺. 皆因, 買野食需時. 我有段時間, 一人坐張兩人臺.   啲途人見到我另一張凳無人坐. 啲途人就搶走張凳!! 我已經放了件褸係凳上. 啲途人都照搶. 証明商場food court啲人多到幾得人驚!

所以, 這天的碎濕濕時間, 完全唔好過!! 人都容易攰啲. 雖這天需要周處走, 但天氣都ok, 我要上街時, 天氣正常, 回家才下雨. 很感恩.

 

↓朝早吃麥當當早餐, 反而早餐時份無咩人



↓午餐, 剛巧星星咖啡買一送一, 當然買杯飲!! 午餐再食麥當當,因為見到兒童餐有Hello kitty玩具送,哈哈~~~

↓在商場盪時, 見到啲得意Lego and 一個好靚的電腦袋

這天, 晚上回家, 攰多過肚餓, 還掂唔餓住, 就煲湯飲下, 煲湯最簡單,咩材料放入煲, 煲兩個幾鐘, 入味就得, 中途咩都唔洗理. 哈哈~~

煲湯亦要好好錫自己的表演......飲完湯, 個人舒服好多!!


晚餐,有點中西合壁, 中湯+ Macaroni & Cheese. 是但啦!!自己想食咩, 就整咩...哈哈~~


↓煲了紅蘿蔔竹庶矛根豬骨湯 , 還加了蜜棗和無花果. 啖湯甜美啲.

↓晚餐, 超級市場買兩盒沙律, 燒汁魚和自家整Macaroni & Cheese