Kebab Grill + Movie Night

June 5, 2010 (Saturday)

   有日坐車.....經開間鋪頭新開張....我只見到Kxxxx Grill.....睇唔清楚個名添!! 但把心一環.....就感覺新開張間食店名, 係賣韓國食物, 食韓國餐 0卦!!

  咁我咪同Brian講囉!!  .....就係星期六晚上,咁我哋就用盼望食韓國餐嘅心情, 行去試下啦!!

  點知.......行到去....我哋見到間新開張鋪, 寫住"Kebab Grill", 咁咪即係食Middle-East 野囉! 唔係韓國餐廳黎架!!

  但Brian預咗係依個繞圍食, 就唔想突然轉地方, 所以, 唔係預期想食嘅野, 都照入去食囉!! 但我個食依餐dinner嘅心情就有啲down囉!! 就因為, 我無睇清楚個餐鋪名, 亂講一通, 令到今餐食咗唔係盼望中所食. 感覺自己好無用. 好似累咗Brian咁!!!

  Brian仲要好快好快食完面前嘅烤肉卷, 好似好想好想快啲離開依個食鋪咁.... 我見到咁, 個心好難受, 我真係唔想架!! 我都係睇唔清楚.........

   但其實, 依間middle-east 食物嘅味道係唔差架!! 我一食件烤肉卷, 就覺啲味道調得幾好, 而且, 啲配菜都好特別. 間餐鋪仲裝飾得舒適添!!   雖然食物 and 環境質素唔差. 但我諗我哋唔會再黎. 因為失去盼望嘅感覺確實唔好受. 唔想再勾起依個感覺.

   我自己無野架!! 我係一個無所謂嘅人, 食什麼, 係咪食預期食嘅野都無所謂. 只要身邊嘅人開心, 我才感自在. 但每當夜蘭人靜時, 我會質疑自己, 係咪應該把自己重心放在自己身上呢??我係咪應該錫自己多一點呢?? 誤錯意有幾大不了!!

   估唔到睇唔清楚一個字, 食唔到預期中嘅食物, 會令自己有咁強烈嘅思考添!!

↓中東烤肉卷. 內裡好多烤肉, 配菜, 醬汁, .....食到一半都感飽肚   0

↓中東烤肉卷 + 烤肉店內裡嘅格局

0

----------------------------------------------------------------

   飯後, 去了咖啡店得下, 再夜啲, 就看了一齣電影, 做咗一連串娛樂, 我個心情, 舒服返啲, ....好彩, 有齣戲過一過我個腦嘅冷河, 如果唔係我諗我會成晚都為自己依餐飯而唔開心!!

↓依齣戲,都幾好睇....又講打仗,又講愛情...唔錯0