因為我手上無農曆日子, 身邊啲工作伙伴又唔會講包粽依個話題, 所以, 我往往都要屋企人提,先知幾時係端午節, 有幾年都錯過咗正日添....哈哈! 而今年好啲啦!! 朋友送咗個附有農曆日子嘅月曆比我. 我會較早知道啲chinese節!!
當我隔離果個知道端午節就到, 就已經時時刻刻提住要去買粽食, 其實, 佢好鐘意食粽架!! 所以, 我成日都覺Brian好chinese胃架!!! 而且, 佢有啲生活習慣真係香港到唔香港!! 但好奇怪, 唔知點解佢叫極都唔肯返.
所以, 星期日(June 13)去咗chinese supermarket買粽食黎應節囉!! 而今年, 比我發現咗 "日式冰粽", 我覺幾得意咪買盒試下囉!! 點知我一食就愛上. 啲日式冰粽係甜架!!! 凍冰冰,煙煙 un un, 好好食呀!! 我食完之後, 要再去超市入貨添!! 但Brian就好傳統, 都係鐘意啲傳統---咸肉粽.
自星期日(June 13)買完粽之後, 我哋每餐, 都見到隻咸肉粽係張飯臺度, 啲粽真係由星期日食到端午節正日呀!! (當然, 中途又去多次超市入貨). 所以, 計計下,今年都食咗好多粽落肚!!
↓咸肉粽0
↓日式冰粽0
↓我叫日式冰粽, 為水晶粽, 因為好似粒水晶咁囉!! 哈哈!! 我覺水晶粽好岩我口味架, 有芋頭,咖啡 and 紅豆味!!0
↓Sunday Lunch 咸肉粽+麵豉湯...............Sunday dinner 咸肉粽+炒米粉0
↓端午節當天食嘅粽0
No comments:
Post a Comment