唔洗準備....可以打邊爐

June 11, 2010 (Friday)

    早排, 三妹男朋友揾唔到 ipad 配件, 咁啱我係我屋企附近個商場揾到, 咪幫三妹男朋友買咗先囉!!   可能因為依件ipad 配件, 觸動咗依次打邊爐聚會, 又可以乘機嘻嘻哈哈一晚啦!!.......

   講返今日午飯時, 三妹and 三妹男朋友, 係咁二同Brian 講聲......"話放工之後上黎我哋度打邊爐" (又幾突然). 但我雪櫃無咩野可以打邊爐喎!!!......  但三妹and 三妹男朋友, 話順便買埋打邊爐材料上黎, 我同Brian放工之後等食便可以.

   真係咁爽, 咩都唔洗準備就食得架啦!! 嘩!! 有得玩, 又有得食, 又唔洗準備...我只需要 "係咁二" 抹下屋企.......等待打邊爐party, 真係感覺好開心! 

   夜晚八點幾九點......三妹and 三妹男朋友抱住一袋二袋上咗黎. 洗切一倫. 就開始打邊爐啦!! 咁岩今日係世界杯開鑼, 我哋一邊打邊爐, 一邊睇我用pvr 錄定嘅世界杯開幕禮, and 世界杯花絮. 雖然, 睇錄影 (今年世界杯都係睇錄影多, 我哋返工時段先播世界杯), 但同其他人睇世界杯, 真係特別有氣氛啲架!!

   食打邊爐, 點都算係食濃味野, 所以, 打完邊爐, 洗完碗, 傾一咗陣計, 就行咗落樓下飲咖啡, 中和下.......順便係咖啡店測試下部 ipad功能.

   又係咁,好開心嘅一晚......顛到3am...哈哈!

↓開大冷氣打邊爐 + 一張合照  (今次大部分碗蝶都係Hello kitty黎架!!哈)

opo

↓洗碗時着住條圍裙嘅外型....................仲有係咖啡店飲野時影嘅相

opo