世界杯+郵包

June 16, 2010 (Wednesday)

   今年, 運動節目真係特別多, 年頭有冬季奧運, 而家就有世界杯.

  我就無咩特別話支持邊一隊, 但點都盡量睇下, 此終, 都係四年先一次, 不過,現時為止, 都覺得今年賽事有好多驚喜. 我預咗某隊會無入球, 但最後又有入球喎!! 不過, 睇世界杯就係咁架啦!! 係有啲驚喜, 先至不段追. 哈哈!

  由於, 今年世界杯, 係我哋返工時間先播, 所以, 好多時都要用pvr 錄低, 食完晚飯先睇囉!! 雖然, 係中途已經聽到賽果. 但都照睇架!! 襯下熱鬧嗎!

  咁睇睇下世界杯, 實會口痕,  所以, 特登買啲零食返屋企, 邊睇邊食. 感覺好開心架!!

↓係超市見到為世界杯而設幾可樂, 咪買樽黎儲囉! 0

↓買咗兩盒"日式冰粽"做零食..................仲買咗薯片,米餅 and 花生做零食0

↓仲買酥餅, 夾午餐肉食. (啲酥餅係chinese 超市買, 唔洗解凍, 就咁用鑊煎, 就ok.0

-------------------------------------------------------------------
   今日, Brian有郵包收, 係Brian's Daddy 寄黎架!! 

   三月時, 溫哥華冬季奧運完咗, 我哋就向電視台(CTV) 訂購奧運紀念版嘅藍光蝶, Uncle 早排收到兩set 咪寄一set 比我哋囉!! 

  由於, 我哋用溫哥華地址訂, (訂埋比Brian's daddy 嗎!!) 所以, Uncle收到就即刻寄Brian果份奧運藍光蝶過黎.  而Uncle每次寄郵包黎, 都會順便寄埋其他野, 今次, 就寄咗條西褲比Brian.

  我最為喜悅, 係堆冬季奧運藍光蝶到咗, 因為我有份去溫哥華冬季奧運開募禮架!! 而且, 今年冬季奧運, 加拿大係獲得最多金牌嘅國家. 所以, 值得買返set 紀念版蝶. 我到而家, 聽到溫哥華冬奧主題曲都好感動架!!

↓郵包-----內有條西褲 and 一堆電視台特別製作嘅冬季奧運藍光蝶0

↓就係依set 啦!! 溫哥華冬季奧運蝶

0